III. PÁZMÁNY BIBORNOKI DIPLOMÁJA.
III.
PÁZMÁNY BIBORNOKI DIPLOMÁJA.
PÁZMÁNY BIBORNOKI DIPLOMÁJA.
Urbanus Episcopus Servus Servorum DEi Dilecto filio Petro S. Romanć Ecclesić Presbytero Cardinali Pazmano nuncupato Salutem et apostolicam Benedictionem. Sacrosancta Romana Ecclesia omnium autor et magistra, ad sustinendam immensam negotiorum ex omnibus Christiani Orbis partibus ad eam Confluentium molem, qua assidue premitur, viris indiget Religione, nobilitate, prudentia, probitate, doctrina et auctoritate rerumque usu prćstantibus, quorum auxilio et consilio suffulta, in maximi momenti rebus cum publicis, tum privatiso: valeat sublevari. Hinc est, quod Nos, qui divina disponente clementia eidem Sanctć Romanć Ecclesić, meritis licet imparibus, prćsidimus, circa asciscendas personas idoneas, quas difficiliore in dies ingruente rerum et temporum conditione, in sollicitudinis partem vocaremus, assidua meditatione animum intendentes, personam tuam in quam gratiarum omnium Largitor altissimus plurima solidarum Virtutum ornamenta congessit, dignam judicavimus, in quam propter eximiam meritorum excellentiam, ac in rebus gerendis industriam et experientiam multum ex gregis dominici cura Nobis concredita, certa cum fiducia reiicere possemus. Tu enim ex clarissima et nobilissima ac catholica Pazmana familia, quć amplissimos utilissimosque Christianć Reipublicć belli pacisque tempore viros edidit, in Hungaria natus, ab adolescentia tua continuato multorum annorum cursu, sacrarum literarum studiís impigre deditus, sedulam iis operam navasti, deinde assiduis verbi DEI prćdicationibus et sacrarum scripturarum elucidationibus, necnon hćresum illis in partibus grassantium confutatione et multorum a Catholica fide aberrantium, ad gremium ejusdem sanctć Romanć Ecclesić reductione, Te verbi Dei Concionatorem egregium, ac ejusdem fidei defensorem, et zelantistimum DEI Atletam palam omnibus ostendisti, et virtutis ac disciplinć ecclesiasticć DEI gratia tibi assistente propitia, ipsoque Domino labores tuos benedicente, clarum specimen praebuisti; quo factum est, ut Ecclesia Strigoniensis Pastoris sui solatio destituta, Tu in illius Archiepiscopum, qui totius Regni Hungarić Primas et Supremus Cancellarius existit, cum ingenti Catholicć Religionis commodo, et bonorum omnium applausu, electus; sedulam et eximiam Christianć Reipublicć et pastorali curć operam impendisti, et in his aliisque publicis muneribus et officiis, tibi pro tempore demandatis obeundis, summam prudentiam et solertiam, cum vitć et fidei integritate, animique rectitudine conjunctim exhibuisti, ac charissimo in Christo filio nostro Ferdinando Romanorum Regi in Imperatorem electo, non mediocriter satisfecisti. Unde his atque aliis tuis egregiis animi dotibus et Virtutibus moti, personam tuam sublimiori prćrogativa exornare et splendidissimć dignitatis accessione decorare, sacraque purpura insignire statuimus, indubiam in Domino, bonorum omnium largitore, spem habentes fore, ut additis tibi bonorum et dignitatum titulis, virtutum quoque tuarum decor et splendor magis in dies elucescat, ac Nobis et Romanis Pontificibus Successoribus nostris, in Regimine Universalis Ecclesić et sublevatione incumbentium onerum magno futurus sis adjumento. Habita igitur super his cum venerabilibus fratribus Nostris ejusdem Sanctć Romanć Ecclesić Cardinalibus deliberatione matura, et invocato auxilio illius, qui pia consilia feliciter dirigit, de eorundem Fratrum Nostrorum unanimi cousilio et assensu, ad omnipotentis DEI laudem et gloriam, ac hujus Sanctć Sedis et Catholicć fidei incrementum, Te in ipsius Romanć Ecclesić Presbyterum Cardinalem ex certa scientia Nostra, et de apostolicć potestatis plenitudine, apostolica auctoritate, tenore prćsentium assumimus et creamus, eorundemque fratrum Nostrorum numero et Collegio, cum dignitate, auctoritate, prćeminentia, honoribus, privilegiis et emolumentis consvetis favorabiliter aggregamus, Cardinalemque fore, et esse, ac pro tali haberi debere, necnon plenum jus tibi in Cardinalatu quesitum esse decernimus et pronunciamus, Teque solita benedictione benedicimus, ac ex nunc in Presbyterum Cardinalem, et ipsorum fratrum Nostrorum Collegium una cum ipsis fratribus de simili consilio, et assensu eiusdem auctoritate, scientia, et potestatis plenitudine recipimus et admittimus. Ut autem quamprimum Cardinalitio poteris honore decorari, rubrum Biretum, per nos de more benedictum, aliaque Cardinalatus insignia properanter ad te deferri volumus, et postquam illo reverenter, ut par est, fueris ornatus, hujus splendidissimć Purpurae ornamento admoneri Te intelligas, Te in excelsa Sanctć Romanć Ecclesić dignitate constitutum, adversus qućcunque pericula perpetuo interritum atque invictum pro eadem Ecclesia stare oportere, usque ad prćtiosam in conspectu Domini sangvinis effusionem. Non obstantibus Sixti V. de certo Cardinalium numero, et de illis nisi in jejuniorum Decembris temporibus tantum creandis, ac Eugenii IIII. felicis recordationis Romanorum Pontificum Prćdecessorum Nostrorum ac quibuscunque aliis constitutionibus, et ordinationibus apostolicis, necnon forsan consensu omnium Cardinalium et iam absentium, illis prius ad hoc specialiter vocatis, et ad certum tempus exspectatis, vel majoris partis eorum collegialiter habito in Cardinalium creatione intervenire, alioquin eorum creationem nullam censeri debere disponentibus; quibus ac aliis omnibus, quć quomodolibet obstare possent, etiamsi pro illorum sufficienti derogatione; de illis eorumque totis tenoribus… specifica expressa, et individua non autem per classes generales idem impercintes mentio habenda, aut aliqua alia exquisita forma ad hoc servanda foret, tenores hujusmodi, etiamsi in eiscaveatur expresse, quod illis nullatenus, aut nonnisi sab certis inibi expressis modo et forma derogari poterit, prćsentibus pro sufficienter expressis habentes, illis alias in suo robore permansuris, quoad prćmissa consensu, assensu, scientia potestatis plenitudine, et auctoritate similibus, specialiter et expresse derogamus, ac sufficienter derogatum esse decernimus; quodque Tu forsan omnes qualitates ad id requisitas, vel earum aliquas non habeas, contrariis quibuscunque, et quibuslibet aliis privilegiis, indultis et litteris apostolicis generalibus vel specialibus, quorumcunque tenorum existant, perque prćsentibus non expressa, vel totaliter non inserta, effectus hujusmodi gratić impediri valeat quomodolibet, vel differri, et de quibus, eorumque totis tenoribus de verbo ad verbum habenda esset in nostris literis mentio specialis. Nos enim Tecum, ut statum tuum juxta Cardinalatus dignitatis sublimitatem decentius tenere, et expensarum onera, quć Te jugiter de necessitate subire oportet, facilius sufferre valeas, motu proprio, non ad tuam, vel alterius pro Te nobis super hoc oblatam petitionis instantiam, sed de… prćdictam Ecclesiam Strigoniensem, quamdiu illi prćfueris, et una cum Ecclesia tibi pro titulo tui Cardinalatus assignanda, necnon etiam omnia et singula monasteria et Consistorialia, prioratus, prćposituras, cćteraque cum cura, et sine cura beneficia ecclesiastica, secularia et quorumcumque Ordinum et Militiarum claria, quć ex quibusvis concessionibus, dispensationibus apostolicis in titulum… administrationem, aut alias quomodolibet obtines et exspectas, ac in quibus, et ad quć jus tibi quomodolibet competit, qućcunque, quo cunque et qualiacunque sint, ut prius quoad vixeris retinere, necnon ius tibi in illis vel ad illa competens prosequi, et non deductum deducere, et si illa evincas litigiosa beneficia hujusmodi consequi, et similiter ut prius quoad vixeris, Retinere, necnon quoscunque fructus redditus, et proventus ecclesiasticos loco pensionum annuarum ac quascunque pensiones annuas super similibus fructibus, redditibus, et proventibus tibi reservatas et assignatas, quarum et quorum quantitates, necnon monasteriorum, et aliorum beneficiorum perceptorum fructuum, reddituum, et proventuum veros annuos valores illorumque qualitates invocationes, situationes, denominationes, ordines, dependentias… et ipsorum beneficiorum litigiosorum status prćsentibus haberi volumus pro expressis, etiam quoad vixeris, ut prćfertur exigere, ac in tuos usus et utilitatem impendere libere et licite valeas, generalis ac Lateranensis novissime celebrati Conciliorum aliisque quibuscunque constitutionibus et ordinationibus apostolicis, necnon ecclesiarum, in quibus beneficia hujusmodi existunt, juramento, confirmatione apostolica, vel quavis firmitate alia roboratis, statutis et consuetudinibus, cćterisque contrariis nequaquam obstantibus, auctoritate et motu similibus, earundem tenore prćsentium de specialis dono gratić dispensamus, decernenteso propterea Ecclesiam Strigoniensem ac Monasteria, et beneficia hujusmodi non vacare, et reservationes fructuum et pensiones hujusmodi non cessare, prouiso quod in Monasteriis et Prioratibus divinus cultus et quatenus conventualia existant solitus Monachorum et Ministrorum numerus nullatenus minuatur, et beneficia hujusmodi debitis non fraudentur obsequiis, sed eorum et Dilectorum filiorum Conventualium eorundem Monasteriorum et Prioratuum quatenus Conventualia, ut prćfertur existant, congrue supportentur onera consueta. Nulli ergo omnino hominum liceat hanc paginam nostrć assumptionis, creationis, aggregationis , decretorum pronunciationis, benedictionis , receptionis , admissionis, derogationis et dispensationis infringere, vel ei ausu temerario contraire. Si quis autem hoc attentare prćsumpserit Indignationem omnipotentis DEI, ac Beatorum Petri et Pauli apostolorum ejus se noverit incursurum Datum Romae apud Sanctam mariam Majorem Anno Incarnationis Dominicć Millesimo Sexcentesimo Vigesimo Nono. Tertio decimo kal. Decembris, Pontificatus Nostri Anno Septimo.
† Ego Urbanus Catholicć ecclesić episcopus.
† Ego Dominicus Eppus Ostiensis et Velitrensis Cardinalis Gynnasius, decanus.
† Ego Marcellus Eppus Tusculanus Cardinalis Lantes.
† Ego Gaspar Eppus Albanensis Cardinalis Borgia.
† Ego B. tit. S. Crucis Hierosol. Card. Sandoval.
† Ego Guido tit. S. Marić de Populo Card. Bentivolus.
† Fr. Desiderius Scalia tit. Sti Caroli Presb. Card. de Cremona.
† Frater Antonius Barbius tit. S. Honofrii Presb. Card.
† Ego Bernardinus tit. S. Stephani in Mte Celio Prćsbyter Card. Spada.
† Ego Laudiuius tit. St. Petri Ad Vincula Presbyter Card. S. Sixti.
† Ego Berlingerius tit. S. August. Card.… .
† Ego Egidius tit. S. Marić in via Card.… .
† Ego Aug. St. Cosm. & Dam. Diac. Card. Spinula.
† Ego Hippolytus S. Angeli Diac. Card. Aldobrandinus S. R. E. Camerarius.
† Ego F. S. Agathae Diacon. Cardinalis Barberinus S. R. E. Bibliothecamis.
† P. M. Burghesius S. MariaeCosmedin. D. Card. S. Georgii. t Ego L. St. Viti et Modesti Diac. Card.… .
† Ego Max. S. Marić Novć Diac. Card. Ginettus St. D. P. P. Vicar.
† Ego A. S. Marić in Dom. Diacus Card. Cćsarinus.
† Ego Antonius S. Marić in Aquiro Diac. Card. Barberius…
† Ego Hieron S. Agnetis in Agone Diaconus Card. Columna.
