Zach 5

Teljes szövegű keresés

Zach 5
Zach 5.1
וָאָשׁוּב וָאֶשָּׂא עֵינַי וָאֶרְאֶה
וְהִנֵּה מְגִלָּה עָפָה׃
Zach 5.2
וַיֺּאמֶר אֵלַי מָה אַתָּה רֹאֶה
וָאֹמַר אֲנִי רֹאֶה מְגִלָּה עָפָה
אָרְכָּהּ עֶשְׂרִים בָּאַמָּה וְרָחְבָּהּ
עֶשֶׂר בָּאַמָּה׃
Zach 5.3
וַיֺּאמֶר אֵלַי זֺאת הָאָלָה הַיֺּוצֵאת
עַל־פְּנֵי כָל־הָאָרֶץ כִּי כָל־הַגֺּנֵב
מִזֶּה כָּמוֺהָ נִקָּה וְכָל־הַנִּשְׁבָּע
מִזֶּה כָּמוֺהָ נִקָּה׃
Zach 5.4
הוֺצֵאתִיהָ נְאֻם יְהוָה צְבָאוֺת
וּבָאָה אֶל־בֵּית הַגַּנָּב וְאֶל־בֵּית
הַנִּשְׁבָּע בִּשְׁמִי לַשָּׁקֶר וְלָנֶה
בְּתוֺך בֵּיתוֺ וְכִלַּתּוּ וְאֶת־עֵצָיו
וְאֶת־אֲבָנָיו׃
Zach 5.5
וַיֵּצֵא הַמַּלְאָך הַדֹּבֵר בִּי וַיֺּאמֶר
אֵלַי שָׂא נָא עֵינֶיךָ וּרְאֵה
מָה הַיֺּוצֵאת הַזֺּאת׃
Zach 5.6
וָאֹמַר מַה־הִיא וַיֺּאמֶר זֺאת
הָאֵיפָה הַיֺּוצֵאת וַיֺּאמֶר זֺאת
עֵינָם בְּכָל־הָאָרֶץ׃
Zach 5.7
וְהִנֵּה כִּכַּר עֹפֶרֶת נִשֵּׂאת וְזֺאת
אִשָּׁה אַחַת יֺושֶׁבֶת בְּתוֺך הָאֵיפָה׃
Zach 5.8
וַיֺּאמֶר זֺאת הָרִשְׁעָה וַיַּשְׁלֵך
אֹתָהּ אֶל־תּוֺך הָאֵיפָה וַיַּשְׁלֵך
אֶת־אֶבֶן הָעֹפֶרֶת אֶל־פִּיהָ׃
ס
Zach 5.9
וָאֶשָּׂא עֵינַי וָאֵרֶא וְהִנֵּה
שְׁתַּיִם נָשִׁים יֺוצְאוֺת וְרוּחַ
בְּכַנְפֵיהֶם וְלָהֵנָּה כְנָפַיִם
כְּכַנְפֵי הַחֲסִידָה וַתִּשֶּׂאנָה אֶת־אֵיפָה
בֵּין הָאָרֶץ וּבֵין הַשָּׁמָיִם׃
Zach 5.10
וָאֹמַר אֶל־הַמַּלְאָך הַדֹּבֵר בִּי
אָנָה הֵמָּה מוֺלִכוֺת אֶת־הָאֵיפָה׃
Zach 5.11
וַיֺּאמֶר אֵלַי לִבְנֺות־לָהֶ בַיִת
בְּאֶרֶץ שִׁנְעָר וְהוּכַן וְהֻנִּיחָה
שָּׁם עַל־מְכֻנָתָהּ׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT