Zach 6

Teljes szövegű keresés

Zach 6
Zach 6.1
וָאָשֻׁב וָאֶשָּׂא עֵינַי וָאֶרְאֶה
וְהִנֵּה אַרְבַּע מַרְכָּבוֺת יֺצְאוֺת
מִבֵּין שְׁנֵי הֶהָרִים וְהֶהָרִים
הָרֵי נְחֹשֶׁת׃
Zach 6.2
בַּמֶּרְכָּבָה הָרִאשֹׁנָה סוּסִים אֲדֻמִּים
וּבַמֶּרְכָּבָה הַשֵּׁנִית סוּסִים שְׁחֹרִים׃
Zach 6.3
וּבַמֶּרְכָּבָה הַשְּׁלִשִׁית סוּסִים
לְבָנִים וּבַמֶּרְכָּבָה הָרְבִעִית
סוּסִים בְּרֻדִּים אֲמֻצִּים׃
Zach 6.4
וָאַעַן וָאֹמַר אֶל־הַמַּלְאָך הַדֹּבֵר
בִּי מָה־אֵלֶּה אֲדֹנִי׃
Zach 6.5
וַיַּעַן הַמַּלְאָך וַיֺּאמֶר אֵלָי
אֵלֶּה אַרְבַּע רֻחוֺת הַשָּׁמַיִם יֺוצְאוֺת
מֵהִתְיַצֵּב עַל־אֲדוֺן כָּל־הָאָרֶץ׃
Zach 6.6
אֲשֶׁר־בָּהּ הַסּוּסִים הַשְּׁחֹרִים
יֺצְאִים אֶל־אֶרֶץ צָפוֺן וְהַלְּבָנִים
יָצְאוּ אֶל־אַחֲרֵיהֶם וְהַבְּרֻדִּים
יָצְאוּ אֶל־אֶרֶץ הַתֵּימָן׃
Zach 6.7
וְהָאֲמֻצִּים יָצְאוּ וַיְבַקְשׁוּ
לָלֶכֶת לְהִתְהַלֵּד בָּאָרֶץ וַיֺּאמֶר
לְכוּ הִתְהַלְּכוּ בָאָרֶץ וַתִּתְהַלַּכְנָה
בָּאָרֶץ׃
Zach 6.8
וַיַּזְעֵק אֹתִי וַיְדַבֵּר אֵלַי לֵאמֹר
רְאֵה הַיֺּוצְאִים אֶל־אֶרֶץ צָפוֺן
הֵנִיחוּ אֶת־רוּחִי בְּאֶרֶץ צָפוֺן׃
ס
Zach 6.9
וַיְהִי דְבַר־יְהוָה אֵלַי לֵאמֹר׃
Zach 6.10
לָקוֺחַ מֵאֵת הַגֺּולָה מֵחֶלְדַּי
וּמֵאֵת טוֺבִיָּה וּמֵאֵת יְדַעְיָה
וּבָאתָ אַתָּה בַּיֺּום הַהוּא וּבָאתָ
בֵּית יֺאשִׁיָּה בֶנ־צְפַנְיָה אֲשֶׁר־בָּאוּ
מִבָּבֶל׃
Zach 6.11
וְלָקַחְתָּ כֶסֶפ־וְזָהָב וְעָשִׂיתָ
עֲטָרוֺת וְשַׂמְתָּ בְּרֹאשׁ יְהוֺשֻׁעַ
בֶּנ־יְהוֺצָדָק הַכֹּהֵן הַגָּדוֺל׃
Zach 6.12
וְאָמַרְתָּ אֵלָיו לֵאמֹר כֹּה אָמַר
יְהוָה צְבָאוֺת לֵאמֹר הִנֵּה־אִישׁ
צֶמַח שְׁמוֺ וּמִתַּחְתָּיו יִצְמָח
וּבָנָה אֶת־הֵיכַל יְהוָה׃
Zach 6.13
וְהוּא יִבְנֶה אֶת־הֵיכַל יְהוָה
וְהוּא־יִשָּׂא הוֺד וְיָשַׁב וּמָשַׁל
עַל־כִּסְאוֺ וְהָיָה כֹהֵן עַל־כִּסְאוֺ
וַעֲצַת שָׁלוֺם תִּהְיֶה בֵּין שְׁנֵהֶם׃
Zach 6.14
וְהָעֲטָרֹת תִּהְיֶה לְחֵלֶם וּלְטוֺבִיָּה
וְלִידַעְיָה וּלְחֵן בֶּנ־צְפַנְיָה
לְזִכָּרוֺן בְּהֵיכַל יְהוָה׃
Zach 6.15
וּרְחוֺקִים יָבֹאוּ וּבָנוּ בְּהֵיכַל
יְהוָה וִידַעְתֶּם כִּי־יְהוָה
צְבָאוֺת שְׁלָחַנִי אֲלֵיכֶם וְהָיָה
אִמ־שָׁמוֺעַ תִּשְׁמְעוּן בְּקוֺל יְהוָה
אֱלֹהֵיכֶם׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT