Zach 4

Teljes szövegű keresés

Zach 4
Zach 4.1
וַיָּשָׁב הַמַּלְאָך הַדֹּבֵר בִּי וַיְעִירֵנִי
כְּאִישׁ אֲשֶׁר־יֵעוֺר מִשְּׁנָתוֺ׃
Zach 4.2
וַיֺּאמֶר אֵלַי מָה אַתָּה רֹאֶה 1 וַיֺאמֶר 2 וָאֹמַר
רָאִיתִי וְהִנֵּה מְנֺורַת זָהָב
כֻּלָּהּ וְגֻלָּהּ עַל־רֹאשָׁהּ וְשִׁבְעָה
נֵרֹתֶיהָ עָלֶיהָ שִׁבְעָה וְשִׁבְעָה
מוּצָקוֺת לַנֵּרוֺת אֲשֶׁר עַל־רֹאשָׁהּ׃
Zach 4.3
וּשְׁנַיִם זֵיתִים עָלֶיהָ אֶחָד
מִימִין הַגֻּלָּה וְאֶחָד עַל־שְׂמֹאלָהּ׃
Zach 4.4
וָאַעַן וָאֹמַר אֶל־הַמַּלְאָך הַדֹּבֵר
בִּי לֵאמֹר מָה־אֵלֶּה אֲדֹנִי׃
Zach 4.5
וַיַּעַן הַמַּלְאָך הַדֹּבֵר בִּי וַיֺּאמֶר
אֵלַי הֲלוֺא יָדַעְתָּ מָה־הֵמָּה
אֵלֶּה וָאֹמַר לֹא אֲדֹנִי׃
Zach 4.6
וַיַּעַן וַיֺּאמֶר אֵלַי לֵאמֹר
זֶה דְּבַר־יְהוָה אֶל־זְרֻבָּבֶל
לֵאמֹר לֹא בְחַיִל וְלֹא בְכֹחַ
כִּי אִמ־בְּרוּחִי אָמַר יְהוָה
צְבָאוֺת׃
Zach 4.7
מִי־אַתָּה הַר־הַגָּדוֺל לִפְנֵי
זְרֻבָּבֶל לְמִישֹׁר וְהוֺצִיא אֶת־הָאֶבֶן
הָרֹאשָׁה תְּשֻׁאוֺת חֵן חֵן לָהּ׃
ף
Zach 4.8
וַיְהִי דְבַר־יְהוָה אֵלַי לֵאמֹר׃
Zach 4.9
יְדֵי זְרֻבָּבֶל יִסְּדוּ הַבַּיִת הַזֶּה
וְיָדָיו תְּבַצַּעְנָה וְיָדַעְתָּ כִּי־יְהוָה
צְבָאוֺת שְׁלָחַנִי אֲלֵכֶם׃
Zach 4.10
כִּי מִי בַז לְיֺום קְטַנֺּות וְשָׂמְחוּ
וְרָאוּ אֶת־הָאֶבֶן הַבְּדִיל בְּיַד
זְרֻבָּבֶל שִׁבְעָה־אֵלֶּה עֵינֵי
יְהוָה הֵמָּה מְשׁוֺטְטִים בְּכָל־הָאָרֶץ׃
Zach 4.11
וָאַעַן וָאֹמַר אֵלָיו מַה־שְּׁנֵי
הַזֵּיתִים הָאֵלֶה עַל־יְמִין הַמְּנֺורָה
וְעַל־שְׂמֹאולָהּ׃
Zach 4.12
וָאַעַן שֵׁנִית וָאֹמַר אֵלָיו
מַה־שְׁתֵּי שִׁבֲּלֵי הַזֵּיתִים אֲשֶׁר
בְּיַד שְׁנֵי צַנְתְּרוֺת הַזָּהָב
הַמְרִיקִים מֵעֲלֵיהֶם הַזָּהָב׃
Zach 4.13
וַיֺּאמֶר אֵלַי לֵאמֹר הֲלוֺא יָדַעְתָּ
מָה־אֵלֶּה וָאֹמַר לֹא אֲדֹנִי׃
Zach 4.14
וַיֺּאמֶר אֵלֶּה שְׁנֵי בְנֵי־הַיִּצְהָר
הָעֹמְדִים עַל־אֲדוֺן כָּל־הָאָרֶץ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT