Num 3

Teljes szövegű keresés

Num 3
Num 3.1
וְאֵלֶּה תּוֺלְדֹת אַהֲרֹן וּמֹשֶׁה
בְּיֺום דִּבֶּר יְהוָה אֶת־מֹשֶׁה
בְּהַר סִינָי׃
Num 3.2
וְאֵלֶּה שְׁמוֺת בְּנֵי־אַהֲרֹן הַבְּכוֺר
נָדָב וַאֲבִיהוּא אֶלְעָזָר וְאִיתָמָר׃
Num 3.3
אֵלֶּה שְׁמוֺת בְּנֵי אַהֲרֹן הַכֹּהֲנִים
הַמְּשֻׁחִים אֲשֶׁר־מִלֵּא יָדָם לְכַהֵן׃
Num 3.4
וַיָּמָת נָדָב וַאֲבִיהוּא לִפְנֵי
יְהוָה בְּהַקְרִבָם אֵשׁ זָרָה לִפְנֵי
יְהוָה בְּמִדְבַּר סִינַי וּבָנִים
לֹא־הָיוּ לָהֶם וַיְכַהֵן אֶלְעָזָר
וְאִיתָמָר עַל־פְּנֵי אַהֲרֹן אֲבִיהֶם׃
ף
Num 3.5
וַיְדַבֵּר יְהוָה אֶל־מֹשֶׁה לֵּאמֹר׃
Num 3.6
הַקְרֵב אֶת־מַטֵּה לֵוִי וְהַעֲמַדְתָּ
אֹתוֺ לִפְנֵי אַהֲרֹן הַכֹּהֵן וְשֵׁרְתוּ
אֹתוֺ׃
Num 3.7
וְשָׁמְרוּ אֶת־מִשְׁמַרְתּוֺ וְאֶת־מִשְׁמֶרֶת
כָּל־הָעֵדָה לִפְנֵי אֹהֶל מוֺעֵד
לַעֲבֹד אֶת־עֲבֹדַת הַמִּשְׁכָּן׃
Num 3.8
וְשָׁמְרוּ אֶת־כָּל־כְּלֵי אֹהֶל מוֺעֵד
וְאֶת־מִשְׁמֶרֶת בְּנֵי יִשְׂרָאֵל
לַעֲבֹד אֶת־עֲבֹדַת הַמִּשְׁכָּן׃
Num 3.9
וְנָתַתָּה אֶת־הַלְוִיִּם לְאַהֲרֹן
וּלְבָנָיו נְתוּנִם נְתוּנִם הֵמָּה
לוֺ מֵאֵת בְּנֵי יִשְׂרָאֵל׃
Num 3.10
וְאֶת־אַהֲרֹן וְאֶת־בָּנָיו תִּפְקֹד
וְשָׁמְרוּ אֶת־כְּהֻנָּתָם וְהַזָּר הַקָּרֵב
יוּמָת׃ ף
Num 3.11
וַיְדַבֵּר יְהוָה אֶל־מֹשֶׁה לֵּאמֹר׃
Num 3.12
וַאֲנִי הִנֵּה לָקַחְתִּי אֶת־הַלְוִיִּם
מִתּוֺך בְּנֵי יִשְׂרָאֵל תַּחַת כָּל־בְּכוֺר
פֶּטֶר רֶחֶם מִבְּנֵי יִשְׂרָאֵל וְהָיוּ
לִי הַלְוִיִּם׃
Num 3.13
כִּי לִי כָּל־בְּכוֺר בְּיֺום הַכֹּתִי
כָל־בְּכוֺר בְּאֶרֶץ מִצְרַיִם הִקְדַּשְׁתִּי
לִי כָל־בְּכוֺר בְּיִשְׂרָאֵל מֵאָדָם
עַד־בְּהֵמָה לִי יִהְיוּאֲנִי יְהוָה׃
ס
Num 3.14
וַיְדַבֵּר יְהוָה אֶל־מֹשֶׁה בְּמִדְבַּר
סִינַי לֵאמֹר׃
Num 3.15
פְּקֹד אֶת־בְּנֵי לֵוִי לְבֵית אֲבֹתָם
לְמִשְׁפְּחֹתָם כָּל־זָכָר מִבֶּנ־חֹדֶשׁ
וָמַעְלָה תִּפְקְדֵם׃
Num 3.16
וַיִּפְקֹד אֹתָם מֹשֶׁה עַל־פִּי יְהוָה
כַּאֲשֶׁר צֻוָּה׃
Num 3.17
וַיִּהְיוּ־אֵלֶּה בְנֵי־לֵוִי בִּשְׁמֹתָם
גֵּרְשׁוֺן וּקְהָת וּמְרָרִי׃
Num 3.18
וְאֵלֶּה שְׁמוֺת בְּנֵי־גֵרְשׁוֺן לְמִשְׁפְּחֹתָם
לִבְנִי וְשִׁמְעִי׃
Num 3.19
וּבְנֵי קְהָת לְמִשְׁפְּחֹתָם עַמְרָם
וְיִצְהָר חֶבְרוֺן וְעֻזִּיאֵל׃
Num 3.20
וּבְנֵי מְרָרִי לְמִשְׁפְּחֹתָם מַחְלִי
וּמוּשִׁי אֵלֶּה הֵם מִשְׁפְּחֹת הַלֵּוִי
לְבֵית אֲבֹתָם׃
Num 3.21
לְגֵרְשׁוֺן מִשְׁפַּחַת הַלִּבְנִי וּמִשְׁפַּחַת
הַשִּׁמְעִי אֵלֶּה הֵם מִשְׁפְּחֹת הַגֵּרְשֻׁנִּי׃
Num 3.22
פְּקֻדֵיהֶם בְּמִסְפַּר כָּל־זָכָר מִבֶּנ־חֹדֶשׁ
וָמָעְלָה פְּקֻדֵיהֶם שִׁבְעַת אֲלָפִים
וַחֲמֵשׁ מֵאוֺת׃
Num 3.23
מִשְׁפְּחֹת הַגֵּרְשֻׁנִּי אַחֲרֵי הַמִּשְׁכָּן
יַחֲנוּ יָמָּה׃
Num 3.24
וּנְשִׂיא בֵית־אָב לַגֵּרְשֻׁנִּי אֶלְיָסָף
בֶּנ־לָאֵל׃
Num 3.25
וּמִשְׁמֶרֶת בְּנֵי־גֵרְשׁוֺן בְּאֹהֶל
מוֺעֵד הַמִּשְׁכָּן וְהָאֹהֶל מִכְסֵהוּ
וּמָסַך פֶּתַח אֹהֶל מוֺעֵד׃
Num 3.26
וְקַלְעֵי הֶחָצֵר וְאֶת־מָסַך פֶּתַח
הֶחָצֵר אֲשֶׁר עַל־הַמִּשְׁכָּן וְעַל־הַמִּזְבֵּחַ
סָבִיב וְאֵת מֵיתָרָיו לְכֹל עֲבֹדָתוֺ׃
Num 3.27
וְלִקְהָת מִשְׁפַּחַת הַעַמְרָמִי וּמִשְׁפַּחַת
הַיִּצְהָרִי וּמִשְׁפַּחַת הַחֶבְרֹנִי
וּמִשְׁפַּחַת הָעָזִּיאֵלִי אֵלֶּה הֵם
מִשְׁפְּחֹת הַקְּהָתִי
Num 3.28
בְּמִסְפַּר כָּל־זָכָר מִבֶּנ־חֹדֶשׁ
וָמָעְלָה שְׁמֹנַת אֲלָפִים וְשֵׁשׁ
מֵאוֺת שֹׁמְרֵי מִשְׁמֶרֶת הַקֹּדֶשׁ׃
Num 3.29
מִשְׁפְּחֹת בְּנֵי־קְהָת יַחֲנוּ עַל
יֶרֶך הַמִּשְׁכָּן תֵּימָנָה׃
Num 3.30
וּנְשִׂיא בֵית־אָב לְמִשְׁפְּחֹת
הַקְּהָתִי אֶלִיצָפָן בֶּנ־עֻזִּיאֵל׃
Num 3.31
וּמִשְׁמַרְתָּם הָאָרֹן וְהַשֻּׁלְחָן וְהַמְּנֺרָה
וְהַמִּזְבְּחֹת וּכְלֵי הַקֹּדֶשׁ אֲשֶׁר
יְשָׁרְתוּ בָּהֶם וְהַמָּסָך וְכֹל עֲבֹדָתוֺ׃
Num 3.32
וּנְשִׂיא נְשִׂיאֵי הַלֵּוִי אֶלְעָזָר
בֶּנ־אַהֲרֹן הַכֹּהֵן פְּקֻדַּת שֹׁמְרֵי
מִשְׁמֶרֶת הַקֹּדֶשׁ׃
Num 3.33
לִמְרָרִי מִשְׁפַּחַת הַמַּחְלִי וּמִשְׁפַּחַת
הַמּוּשִׁי אֵלֶּה הֵם מִשְׁפְּחֹת מְרָרִי׃
Num 3.34
וּפְקֻדֵיהֶם בְּמִסְפַּר כָּל־זָכָר
מִבֶּנ־חֹדֶשׁ וָמָעְלָה שֵׁשֶׁת אֲלָפִים
וּמָאתָיִם׃
Num 3.35
וּנְשִׂיא בֵית־אָב לְמִשְׁפְּחֹת מְרָרִי
צוּרִיאֵל בֶּנ־אֲבִיחָיִל עַל
יֶרֶך הַמִּשְׁכָּן יַחֲנוּ צָפֹנָה׃
Num 3.36
וּפְקֻדַּת מִשְׁמֶרֶת בְּנֵי מְרָרִי
קַרְשֵׁי הַמִּשְׁכָּן וּבְרִיחָיו וְעַמֻּדָיו
וַאֲדָנָיו וְכָל־כֵּלָיו וְכֹל עֲבֹדָתוֺ׃
Num 3.37
וְעַמֻּדֵי הֶחָצֵר סָבִיב וְאַדְנֵיהֶם
וִיתֵדֹתָם וּמֵיתְרֵיהֶם׃
Num 3.38
וְהַחֹנִים לִפְנֵי הַמִּשְׁכָּן קֵדְמָה
לִפְנֵי אֹהֶל־מוֺעֵד מִזְרָחָה מֹשֶׁה
וְאַהֲרֹן וּבָנָיו שֹׁמְרִים מִשְׁמֶרֶת
הַמִּקְדָּשׁ לְמִשְׁמֶרֶת נֵי יִשְׂרָאֵל
וְהַזָּר הַקָּרֵב יוּמָת׃
Num 3.39
כָּל־פְּקוּדֵי הַלְוִיִּם אֲשֶׁר פָּקַד
מֹשֶׁה וְאַהֲרֹן עַל־פִּי יְהוָה
לְמִשְׁפְּחֹתָם כָּל־זָכָר מִבֶּנ־חֹדֶשׁ
וָמַעְלָה שְׁנַיִם וְעֶשְׂרִימאָלֶף׃
ס
Num 3.40
וַיֺּאמֶר יְהוָה אֶל־מֹשֶׁה פְּקֹד
כָּל־בְּכֹר זָכָר לִבְנֵי יִשְׂרָאֵל
מִבֶּנ־חֹדֶשׁ וָמָעְלָה וְשָׂא אֵת
מִסְפַּר שְׁמֹתָם׃
Num 3.41
וְלָקַחְתָּ אֶת־הַלְוִיִּם לִי אֲנִי
יְהוָה תַּחַת כָּל־בְּכֹר בִּבְנֵי
יִשְׂרָאֵל וְאֵת בֶּהֱמַת הַלְוִיִּם
תַּחַת כָּל־בְּכוֺר בְּבֶהֱמַת בְּנֵי
יִשְׂרָאֵל׃
Num 3.42
וַיִּפְקֹד מֹשֶׁה כַּאֲשֶׁר צִוָּה יְהוָה
אֹתוֺ אֶת־כָּל־בְּכֹר בִּבְנֵי יִשְׂרָאֵל׃
Num 3.43
וַיְהִי כָל־בְּכוֺר זָכָר בְּמִסְפַּר
שֵׁמוֺת מִבֶּנ־חֹדֶשׁ וָמַעְלָה לִפְקֻדֵיהֶם
שְׁנַיִם וְעֶשְׂרִים אֶלֶף שְׁלֹשָׁה
וְשִׁבְעִים וּמָאתָיִם׃ ף
Num 3.44
וַיְדַבֵּר יְהוָה אֶל־מֹשֶׁה לֵּאמֹר׃
Num 3.45
קַח אֶת־הַלְוִיִּם תַּחַת כָּל־בְּכוֺר
בִּבְנֵי יִשְׂרָאֵל וְאֶת־בֶּהֱמַת הַלְוִיִּם
תַּחַת בְּהֶמְתָּם וְהָיוּ־לִי הַלְוִיִּם
אֲנִי יְהוָה׃
Num 3.46
וְאֵת פְּדוּיֵי הַשְּׁלֹשָׁה וְהַשִּׁבְעִים
וְהַמָּאתָיִם הָעֹדְפִים עַל־הַלְוִיִּם
מִבְּכוֺר בְּנֵי יִשְׂרָאֵל׃
Num 3.47
וְלָקַחְתָּ חֲמֵשֶׁת חֲמֵשֶׁת שְׁקָלִים
לַגֻּלְגֺּלֶת בְּשֶׁקֶל הַקֹּדֶשׁ תִּקָּח
עֶשְׂרִים גֵּרָה הַשָּׁקֶל׃
Num 3.48
וְנָתַתָּה הַכֶּסֶף לְאַהֲרֹן וּלְבָנָיו
פְּדוּיֵי הָעֹדְפִים בָּהֶם׃
Num 3.49
וַיִּקַּח מֹשֶׁה אֵת כֶּסֶף הַפִּדְיֺום
מֵאֵת הָעֹדְפִים עַל פְּדוּיֵי הַלְוִיִּם׃
Num 3.50
מֵאֵת בְּכוֺר בְּנֵי יִשְׂרָאֵל לָקַח
אֶת־הַכָּסֶף חֲמִשָּׁה וְשִׁשִּׁים וּשְׁלֹשׁ
מֵאוֺת וָאֶלֶף בְּשֶׁקֶל הַקֹּדֶשׁ׃
Num 3.51
וַיִּתֵּן מֹשֶׁה אֶת־כֶּסֶף הַפְּדֻיִם
לְאַהֲרֹן וּלְבָנָיו עַל־פִּי יְהוָה
כַּאֲשֶׁר צִוָּה יְהוָה אֶת־מֹשֶׁה׃
ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages