Num 4

Teljes szövegű keresés

Num 4
Num 4.1
וַיְדַבֵּר יְהוָה אֶל־מֹשֶׁה וְאֶל־אַהֲרֹן
לֵאמֹר׃
Num 4.2
נָשֹׂא אֶת־רֹאשׁ בְּנֵי קְהָת מִתּוֺך
בְּנֵי לֵוִי לְמִשְׁפְּחֹתָם לְבֵית
אֲבֹתָם׃
Num 4.3
מִבֶּן שְׁלֹשִׁים שָׁנָה וָמַעְלָה
וְעַד בֶּנ־חֲמִשִּׁים שָׁנָה כָּל־בָּא
לַצָּבָא לַעֲשׂוֺת מְלָאכָה בְּאֹהֶל
מוֺעֵד׃
Num 4.4
זֺאת עֲבֹדַת בְּנֵי־קְהָת בְּאֹהֶל
מוֺעֵד קֹדֶשׁ הַקֳּדָשִׁים׃
Num 4.5
וּבָא אַהֲרֹן וּבָנָיו בִּנְסֹעַ הַמַּחֲנֶה
וְהוֺרִדוּ אֵת פָּרֹכֶת הַמָּסָך וְכִסּוּ־בָהּ
אֵת אֲרֹן הָעֵדֻת׃
Num 4.6
וְנָתְנוּ עָלָיו כְּסוּי עוֺר תַּחַשׁ
וּפָרְשׂוּ בֶגֶד־כְּלִיל תְּכֵלֶת
מִלְמָעְלָה וְשָׂמוּ בַּדָּיו׃
Num 4.7
וְעַל שֻׁלְחַן הַפָּנִים יִפְרְשׂוּ
בֶּגֶד תְּכֵלֶת וְנָתְנוּ עָלָיו אֶת־הַקְּעָרֹת
וְאֶת־הַכַּפֹּת וְאֶת־הַמְּנַקִּיֺּת וְאֵת
קְשׂוֺת הַנָּסֶך וְחֶם הַתָּמִיד עָלָיו
יִהְיֶה׃
Num 4.8
וּפָרְשׂוּ עֲלֵיהֶם בֶּגֶד תּוֺלַעַת
שָׁנִי וְכִסּוּ אֹתוֺ בְּמִכְסֵה עוֺר
תָּחַשׁ וְשָׂמוּ אֶת־בַּדָּיו׃
Num 4.9
וְלָקְחוּ בֶּגֶד תְּכֵלֶת וְכִסּוּ
אֶת־מְנֺרַת הַמָּאוֺר וְאֶת־נֵרֹתֶיהָ
וְאֶת־מַלְקָחֶיהָ וְאֶת־מַחְתֹּתֶיהָ
וְאֵת כָּל־כְּלֵי שַׁמְנָהּ אֲשֶׁר יְרְתוּ־לָהּ
בָּהֶם׃
Num 4.10
וְנָתְנוּ אֹתָהּ וְאֶת־כָּל־כֵּלֶיהָ
אֶל־מִכְסֵה עוֺר תָּחַשׁ וְנָתְנוּ
עַל־הַמּוֺט׃
Num 4.11
וְעַל מִזְבַּח הַזָּהָב יִפְרְשׂוּ
בֶּגֶד תְּכֵלֶת וְכִסּוּ אֹתוֺ בְּמִכְסֵה
עוֺר תָּחַשׁ וְשָׂמוּ אֶת־בַּדָּיו׃
Num 4.12
וְלָקְחוּ אֶת־כָּל־כְּלֵי הַשָּׁרֵת
אֲשֶׁר יְשָׁרְתוּ־בָם בַּקֹּדֶשׁ וְנָתְנוּ
אֶל־בֶּגֶד תְּכֵלֶת וְכִסּוּ אוֺתָם
בְּמִכְסֵה עוֺר תָּחַשׁ וְנָתְנוּעַל־הַמּוֺט׃
Num 4.13
וְדִשְּׁנוּ אֶת־הַמִּזְבֵּחַ וּפָרְשׂוּ
עָלָיו בֶּגֶד אַרְגָּמָן׃
Num 4.14
וְנָתְנוּ עָלָיו אֶת־כָּל־כֵּלָיו
אֲשֶׁר יְשָׁרְתוּ עָלָיו בָּהֶם אֶת־הַמַּחְתֹּת
אֶת־הַמִּזְלָגֺת וְאֶת־הַיָּעִים
וְאֶת־הַמִּזְרָקֹת כֹּל כְּלֵי הַמִּזְבֵּחַ
וּפָרְשׂוּ עָלָיו כְּסוּי עוֺר
תַּחַשׁ וְשָׂמוּ בַדָּיו׃
Num 4.15
וְכִלָּה אַהֲרֹנ־וּבָנָיו לְכַסֹּת
אֶת־הַקֹּדֶשׁ וְאֶת־כָּל־כְּלֵי הַקֹּדֶשׁ
בִּנְסֹעַ הַמַּחֲנֶה וְאַחֲרֵי־כֵן יָבֹאוּ
בְנֵי־קְהָת לָשֵׂאת וְלֹא־גְּעוּ
אֶל־הַקֹּדֶשׁ וָמֵתוּ אֵלֶּה מַשָּׂא
בְנֵי־קְהָת בְּאֹהֶל מוֺעֵד׃
Num 4.16
וּפְקֻדַּת אֶלְעָזָר בֶּנ־אַהֲרֹן הַכֹּהֵן
שֶׁמֶן הַמָּאוֺר וּקְטֹרֶת הַסַּמִּים
וּמִנְחַת הַתָּמִיד וְשֶׁמֶן הַמִּשְׁחָה
פְּקֻדַּת כָּל־הַמִּשְׁכָּן כָל־אֲשֶׁר־בּוֺ
בְּקֹדֶשׁ וּבְכֵלָיו׃ ס
Num 4.17
וַיְדַבֵּר יְהוָה אֶל־מֹשֶׁה וְאֶל־אַהֲרֹן
לֵאמֹר׃
Num 4.18
אַל־תַּכְרִיתוּ אֶת־שֵׁבֶט מִשְׁפְּחֹת
הַקְּהָתִי מִתּוֺך הַלְוִיִּם׃
Num 4.19
וְזֺאת עֲשׂוּ לָהֶם וְחָיוּ וְלֹא
יָמֻתוּ בְּגִשְׁתָּם אֶת־קֹדֶשׁ הַקֳּדָשִׁים
אַהֲרֹן וּבָנָיו יָבֹאוּ וְשָׂמוּ
אוֺתָם אִישׁ אִישׁ עַל־עֲבֹדָתוֺוְאֶל־מַשָּׂאוֺ׃
Num 4.20
וְלֹא־יָבֹאוּ לִרְאוֺת כְּבַלַּע
אֶת־הַקֹּדֶשׁ וָמֵתוּ׃ ף
Num 4.21
וַיְדַבֵּר יְהוָה אֶל־מֹשֶׁה לֵּאמֹר׃
Num 4.22
נָשֹׂא אֶת־רֹאשׁ בְּנֵי גֵרְשׁוֺן
גַּמ־הֵם לְבֵית אֲבֹתָם לְמִשְׁפְּחֹתָם׃
Num 4.23
מִבֶּן שְׁלֹשִׁים שָׁנָה וָמַעְלָה עַד
בֶּנ־חֲמִשִּׁים שָׁנָה תִּפְקֹד אוֺתָם
כָּל־הַבָּא לִצְבֹא צָבָא לַעֲבֹד
עֲבֹדָה בְּאֹהֶל מוֺעֵד׃
Num 4.24
זֺאת עֲבֹדַת מִשְׁפְּחֹת הַגֵּרְשֻׁנִּי
לַעֲבֹד וּלְמַשָּׂא׃
Num 4.25
וְנָשְׂאוּ אֶת־יְרִיעֹת הַמִּשְׁכָּן
וְאֶת־אֹהֶל מוֺעֵד מִכְסֵהוּ וּמִכְסֵה
הַתַּחַשׁ אֲשֶׁר־עָלָיו מִלְמָעְלָה
וְאֶת־מָסַך פֶּתַח אֹהֶל מוֺעֵד׃
Num 4.26
וְאֵת קַלְעֵי הֶחָצֵר וְאֶת־מָסַך
פֶּתַח שַׁעַר הֶחָצֵר אֲשֶׁר עַל־הַמִּשְׁכָּן
וְעַל־הַמִּזְבֵּחַ סָבִיב וְאֵת מֵיתְרֵיהֶם
וְאֶת־כָּל־כְּלֵי עֲבֹדָתָם וְאֵת
כָּל־אֲשֶׁר יֵעָשֶׂה לָהֶם וְעָבָדוּ׃
Num 4.27
עַל־פִּי אַהֲרֹן וּבָנָיו תִּהְיֶה
כָּל־עֲבֹדַת בְּנֵי הַגֵּרְשֻׁנִּי לְכָל־מַשָּׂאָם
וּלְכֹל עֲבֹדָתָם וּפְקַדְתֶּם עֲלֵהֶם
בְּמִשְׁמֶרֶת אֵת כָּל־שָּׂאָם׃
Num 4.28
זֺאת עֲבֹדַת מִשְׁפְּחֹת בְּנֵי הַגֵּרְשֻׁנִּי
בְּאֹהֶל מוֺעֵד וּמִשְׁמַרְתָּם בְּיַד
אִיתָמָר בֶּנ־אַהֲרֹן הַכֹּהֵן׃
ף
Num 4.29
בְּנֵי מְרָרִי לְמִשְׁפְּחֹתָם לְבֵית־אֲבֹתָם
תִּפְקֹד אֹתָם׃
Num 4.30
מִבֶּן שְׁלֹשִׁים שָׁנָה וָמַעְלָה וְעַד
בֶּנ־חֲמִשִּׁים שָׁנָה תִּפְקְדֵם כָּל־הַבָּא
לַצָּבָא לַעֲבֹד אֶת־עֲבֹדַת אֹהֶל
מוֺעֵד׃
Num 4.31
וְזֺאת מִשְׁמֶרֶת מַשָּׂאָם לְכָל־עֲבֹדָתָם
בְּאֹהֶל מוֺעֵד קַרְשֵׁי הַמִּשְׁכָּן
וּבְרִיחָיו וְעַמּוּדָיו וַאֲדָנָיו׃
Num 4.32
וְעַמּוּדֵי הֶחָצֵר סָבִיב וְאַדְנֵיהֶם
וִיתֵדֹתָם וּמֵיתְרֵיהֶם לְכָל־כְּלֵיהֶם
וּלְכֹל עֲבֹדָתָם וּבְשֵׁמֹת תִּפְקְדוּ
אֶת־כְּלֵי מִשְׁמֶרֶת מַשָּׂאָם׃
Num 4.33
זֺאת עֲבֹדַת מִשְׁפְּחֹת בְּנֵי מְרָרִי
לְכָל־עֲבֹדָתָם בְּאֹהֶל מוֺעֵד
בְּיַד אִיתָמָר בֶּנ־אַהֲרֹן הַכֹּהֵן׃
Num 4.34
וַיִּפְקֹד מֹשֶׁה וְאַהֲרֹן וּנְשִׂיאֵי
הָעֵדָה אֶת־בְּנֵי הַקְּהָתִי לְמִשְׁפְּחֹתָם
וּלְבֵית אֲבֹתָם׃
Num 4.35
מִבֶּן שְׁלֹשִׁים שָׁנָה וָמַעְלָה וְעַד
בֶּנ־חֲמִשִּׁים שָׁנָה כָּל־הַבָּא לַצָּבָא
לַעֲבֹדָה בְּאֹהֶל מוֺעֵד׃
Num 4.36
וַיִּהְיוּ פְקֻדֵיהֶם לְמִשְׁפְּחֹתָם
אַלְפַּיִם שְׁבַע מֵאוֺת וַחֲמִשִּׁים׃
Num 4.37
אֵלֶּה פְקוּדֵי מִשְׁפְּחֹת הַקְּהָתִי
כָּל־הָעֹבֵד בְּאֹהֶל מוֺעֵד אֲשֶׁר
פָּקַד מֹשֶׁה וְאַהֲרֹן עַל־פִּי יְהוָה
בְּיַד־מֹשֶׁה׃ ס
Num 4.38
וּפְקוּדֵי בְּנֵי גֵרְשׁוֺן לְמִשְׁפְּחוֺתָם
וּלְבֵית אֲבֹתָם׃
Num 4.39
מִבֶּן שְׁלֹשִׁים שָׁנָה וָמַעְלָה
וְעַד בֶּנ־חֲמִשִּׁים שָׁנָה כָּל־הַבָּא
לַצָּבָא לַעֲבֹדָה בְּאֹהֶל מוֺעֵד׃
Num 4.40
וַיִּהְיוּ פְּקֻדֵיהֶם לְמִשְׁפְּחֹתָם
לְבֵית אֲבֹתָם אַלְפַּיִם וְשֵׁשׁ
מֵאוֺת וּשְׁלֹשִׁים׃
Num 4.41
אֵלֶּה פְקוּדֵי מִשְׁפְּחֹת בְּנֵי גֵרְשׁוֺן
כָּל־הָעֹבֵד בְּאֹהֶל מוֺעֵד אֲשֶׁר
פָּקַד מֹשֶׁה וְאַהֲרֹן עַל־פִּי יְהוָה׃
Num 4.42
וּפְקוּדֵי מִשְׁפְּחֹת בְּנֵי מְרָרִי
לְמִשְׁפְּחֹתָם לְבֵית אֲבֹתָם׃
Num 4.43
מִבֶּן שְׁלֹשִׁים שָׁנָה וָמַעְלָה
וְעַד בֶּנ־חֲמִשִּׁים שָׁנָה כָּל־הַבָּא
לַצָּבָא לַעֲבֹדָה בְּאֹהֶל מוֺעֵד׃
Num 4.44
וַיִּהְיוּ פְקֻדֵיהֶם לְמִשְׁפְּחֹתָם
שְׁלֹשֶׁת אֲלָפִים וּמָאתָיִם׃
Num 4.45
אֵלֶּה פְקוּדֵי מִשְׁפְּחֹת בְּנֵי
מְרָרִי אֲשֶׁר פָּקַד מֹשֶׁה וְאַהֲרֹן
עַל־פִּי יְהוָה בְּיַד־מֹשֶׁה׃
Num 4.46
כָּל־הַפְּקֻדִים אֲשֶׁר פָּקַד מֹשֶׁה
וְאַהֲרֹן וּנְשִׂיאֵי יִשְׂרָאֵל אֶת־הַלְוִיִּם
לְמִשְׁפְּחֹתָם וּלְבֵית אֲבֹתָם׃
Num 4.47
מִבֶּן שְׁלֹשִׁים שָׁנָה וָמַעְלָה
וְעַד בֶּנ־חֲמִשִּׁים שָׁנָה כָּל־הַבָּא
לַעֲבֹד עֲבֹדַת עֲבֹדָה וַעֲבֹדַת
מַשָּׂא בְּאֹהֶל מוֺעֵד׃
Num 4.48
וַיִּהְיוּ פְּקֻדֵיהֶם שְׁמֹנַת אֲלָפִים
וַחֲמֵשׁ מֵאוֺת וּשְׁמֹנִים׃
Num 4.49
עַל־פִּי יְהוָה פָּקַד אוֺתָם בְּיַד־מֹשֶׁה
אִישׁ אִישׁ עַל־עֲבֹדָתוֺ וְעַל־מַשָּׂאוֺ
וּפְקֻדָיו אֲשֶׁר־צִוָּה יְהוָה אֶת־מֹשֶׁה׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT