I. Az 1275. április 30-i bogdáni hospesprivilégium szövege
I. Az 1275. április 30-i bogdáni hospesprivilégium szövege
Nos magistter P(aulus) prepositus et capitulum Wesprimiensis ecclésie significamus tenore presencium universis, quod viro nobili Leurentha filio Sauli comitis de Leurentha ex una parte, Benchuk, Morthun, Wendeg, Farkasio, Thevk, Symun, Dyonisio, Bodok, Vgud, Bodo, Deme, Thoma, Abraam, Adriano, Andrea, Fenyes, Marcello, Andrea filio Iohannis, Iwanka, Fulkus, Agad, Kethe, Marcello filio Thyvodory, Paznan et Chompolth populis ducalibus de Bogdan ex altera coram n obis personaliter constitutis per prefatos populos unanimiter et concorditer propositum extitit et relatum, quod cum regia clemencia prefato Leurente pro suis serviciis graciosis terram ipsorum Bogdan apellatam dederit et contulerit perempniter possidendam et idem Leurenta eos cum omnibus bonis eorum atque rebus ab illa recedere pacifice permisisset, ipsi considerantes bonitatem et dileccionem efficacem Leurente sepedicti ab ipsoque sperantes protegi et ab omnibus deffensari ad predictam terram volente ipso Leurenta ac invitante sponte redissent eandem terram sub libertate hospitum in regno existencum a collacione eiusdem possessuri assumpmentes coram nobis,ut eidem Leurente pro inhabitacione terre supradicte ipsi et sui successores, qui in eadem voluerint habitare, eadem obsequia, servicia et debita impendere teneantus annuatim, que populi domini Rolandi palatini de cilla Chwl, qui hospitum fruuntur libertate, suo domino facere et impendere consueverunt: duo pondera scilicet annuatim pro terragio, unum pondus pro munere et descensu de singulis mansionibus solvere tenebuntur.
Veniendi eciam et recedendi, dum eis placuerit vel oportuerit, petita licencia et debitis persolutis villico ville, qui pro tempore fuerit, habebunt liberam facultatem.
Omnia autem iudicia preter homicidium, furtum et sanguinis effusionem, que curiali comiti a domino ipsorum eis deputato specialiter reservantur, villicus ipsorum, quem pro tempore ipsi ex ipsis concorditer elegerint, inter ipsos iudicabit et iudicium, in quo quis remanebit, sexaginta denariosnon excedet, quorum triginta ex gracia consueta tenetur villicus relaxare et ex residuis triginta denariis vel paucioribus duas partes curiali comiti, cum quo iudicat, ipse villicus dare tenebitur tercia parte sibi reservata et econverso ipse curialis comes eodem modo condempnacionum suarum terciam partem villico assignabit.
Nec amplius, quam ter in anno curialis comes in ipsis sollempniter iudicabit.
Item ipsi populi et alii, quicunque ad eandem villam accedere voluerint, tercio anno et non ante terragium ac alia debita domino suo solvere tenebuntur.
Collecte eciam regie, que pro tempore edicetur, si ipsam a rege dominus eorum impetrare poterit sibi dari, medietatem similiter in anno tercio eidem suo domino dare debent.
Ipse vero Leurenta fide data predictos populos super eadem terra sub libertate suprascripta et omni alia, que predicte ville Chwl populi habent atque tenent, promisit coram nobis perenniter conservare in nullaque eos preter consueta servicia, quorum plura superius explicantur, agravare, nisi eorum protervitas aut infidelitas aliud mereretur contra eundem ullo umquam templore rebelliter assurgendo.
Datum anno Domini Mo CCo septuagesimo quinto in vigilia apostolorum Philipi et Iacobi.
A hátlapon egykorú írással: Super libertate Bagdan.
(Magyar Országos Levéltár DL 40124. Solymosi László közlése alapján.)
