Ps 91
Ps 91
Ps 91.1
psalmus cantici in die sabbati
Ps 91.2
bonum est confiteri Domino et psallere nomini tuo Altissime
Ps 91.3
ad adnuntiandam mane misericordiam tuam et fidem tuam in nocte
Ps 91.4
in decacordo et in psalterio in cantico in cithara
Ps 91.5
quoniam laetificasti me Domine in opere tuo in facturis manuum tuarum laudabo
Ps 91.6
quam magnificata sunt opera tua Domine satis profundae factae sunt cogitationes tuae
Ps 91.7
vir insipiens non cognoscet et stultus non intelleget istud
Ps 91.8
germinaverunt impii quasi faenum et floruerunt omnes qui operantur iniquitatem ut contererentur usque in sempiternum
Ps 91.9
tu autem Excelsus in aeternum Domine
Ps 91.10
ecce enim inimici tui Domine ecce inimici tui peribunt et dissipabuntur omnes qui operantur iniquitatem
Ps 91.11
et exaltabitur quasi monocerotis cornu meum et senecta mea in oleo uberi
Ps 91.12
et dispiciet oculus meus eos qui insidiantur mihi de his qui consurgunt adversum me malignantibus audit auris mea
Ps 91.13
iustus ut palma florebit ut cedrus in Libano multiplicabitur
Ps 91.14
transplantati in domo Domini in atriis Dei nostri germinabunt
Ps 91.15
adhuc fructificabunt in senectute pingues et frondentes erunt
Ps 91.16
adnuntiantes quia rectus Dominus fortitudo mea et non est iniquitas in eo
