Ps 90
Ps 90
Ps 90.1
qui habitat in abscondito Excelsi in umbraculo Domini commorabitur
Ps 90.2
dicens Domino spes mea et fortitudo mea Deus meus confidam in eum
Ps 90.3
quia ipse liberabit te de laqueo venantium de morte insidiarum
Ps 90.4
in scapulis suis obumbrabit tibi et sub alis eius sperabis
Ps 90.5
scutum et protectio veritas eius non timebis a timore nocturno
Ps 90.6
a sagitta volante per diem a peste in tenebris ambulante a morsu insanientis meridie
Ps 90.7
cadent a latere tuo mille et decem milia a dextris tuis ad te autem non adpropinquabit
Ps 90.8
verumtamen oculis tuis videbis et ultionem impiorum cernes
Ps 90.9
tu enim es Domine spes mea Excelsum posuisti habitaculum tuum
Ps 90.10
non accedet ad te malum et lepra non adpropinquabit tabernaculo tuo
Ps 90.11
quia angelis suis mandabit de te ut custodiant te in omnibus viis tuis
Ps 90.12
in manibus portabunt te ne forte offendat ad lapidem pes tuus
Ps 90.13
super aspidem et basiliscum calcabis conculcabis leonem et draconem
Ps 90.14
quoniam mihi adhesit et liberabo eum exaltabo eum quoniam cognovit nomen meum
Ps 90.15
invocabit me et exaudiam eum cum ipso ero in tribulatione eruam eum et glorificabo
Ps 90.16
longitudine dierum implebo illum et ostendam ei salutare meum
