Ps 24
Ps 24
Ps 24.1
David ad te Domine animam meam levabo
Ps 24.2
Deus meus in te confisus sum ne confundar
Ps 24.3
ne laetentur inimici mei sed et universi qui sperant in te non confundantur
Ps 24.4
confundantur qui iniqua gerunt frustra vias tuas Domine ostende mihi semitas tuas doce me
Ps 24.5
deduc me in veritate tua et doce me quia tu Deus salvator meus te expectavi tota die
Ps 24.6
recordare miserationum tuarum Domine et misericordiarum tuarum quia ex sempiterno sunt
Ps 24.7
peccatorum adulescentiae meae et scelerum meorum ne memineris secundum misericordiam tuam recordare mei propter bonitatem tuam Domine
Ps 24.8
bonus et rectus Dominus propterea docebit peccatores in via
Ps 24.9
deducet mansuetos in iudicio et docebit modestos viam suam
Ps 24.10
omnes semitae Domini misericordia et veritas his qui custodiunt pactum eius et testificationem eius
Ps 24.11
propter nomen tuum propitiare iniquitati meae quoniam grandis est
Ps 24.12
quis est iste vir timens Dominum quem docebit in via quam elegerit
Ps 24.13
anima eius in bono commorabitur et semen eius hereditabit terram
Ps 24.14
secretum Domini timentibus eum et pactum suum ostendet eis
Ps 24.15
oculi mei semper ad Dominum quia ipse educet de rete pedes meos
Ps 24.16
respice in me et miserere mei quoniam solus et pauper sum ego
Ps 24.17
tribulationes cordis mei multiplicatae sunt de angustiis meis educ me
Ps 24.18
vide adflictionem meam et laborem meum et porta omnia peccata mea
Ps 24.19
vide inimicos meos quia multiplicati sunt et odio iniquo oderunt me
Ps 24.20
custodi animam meam et libera me non confundar quia speravi in te
Ps 24.21
simplicitas et aequitas servabunt me quia expectavi te
Ps 24.22
redime Deus Israhelem ex omnibus angustiis suis
