Ps 25
Ps 25
Ps 25.1
David iudica me Deus quoniam ego in simplicitate mea ambulavi et in Domino confidens non deficiam
Ps 25.2
proba me Domine et tempta me ure renes meos et cor meum
Ps 25.3
quia misericordia tua in conspectu oculorum meorum est et ambulabo in veritate tua
Ps 25.4
non sedi cum viris vanitatis et cum superbis non ingrediar
Ps 25.5
odivi ecclesiam pessimorum et cum iniquis non sedebo
Ps 25.6
lavabo in innocentia manus meas et circuibo altare tuum Domine
Ps 25.7
ut clara voce praedicem laudem et narrem omnia mirabilia tua
Ps 25.8
Domine dilexi habitaculum domus tuae et locum tabernaculi gloriae tuae
Ps 25.9
ne auferas cum peccatoribus animam meam cum viris sanguinum vitam meam
Ps 25.10
in quorum manibus scelus est et dextera eorum repleta est muneribus
Ps 25.11
ego autem in simplicitate mea gradiar redime me et miserere mei
Ps 25.12
pes meus stetit in recto in ecclesiis benedicam Domino
