Ps 141
Ps 141
Ps 141.1
eruditio David cum esset in spelunca oratio
Ps 141.2
voce mea ad Dominum clamavi voce mea ad Dominum deprecatus sum
Ps 141.3
effundam in conspectu eius eloquium meum tribulationem meam coram illo adnuntiabo
Ps 141.4
cum anxius in me fuerit spiritus meus tu enim nosti semitam meam in via hac qua ambulabo absconderunt laqueum mihi
Ps 141.5
respice ad dexteram et vide quia non sit qui cognoscat me periit fuga a me non est qui quaerat animam meam
Ps 141.6
clamavi ad te Domine dixi tu spes mea pars mea in terra viventium
Ps 141.7
ausculta deprecationem meam quoniam infirmatus sum nimis libera me a persecutoribus quoniam confortati sunt super me
Ps 141.8
educ de carcere animam meam ut confiteatur nomini tuo me expectant iusti cum retribueris mihi
