Ps 118
Ps 118
Ps 118.1
aleph beati inmaculati in via qui ambulant in lege Domini
Ps 118.2
beati qui custodiunt testimonia eius in toto corde requirunt eum
Ps 118.3
nec enim qui operantur iniquitatem in viis eius ambulaverunt
Ps 118.4
tu mandasti praecepta tua custodire nimis
Ps 118.5
utinam dirigantur viae meae ad custodienda praecepta tua
Ps 118.6
tunc non confundar cum respexero ad omnia mandata tua
Ps 118.7
confitebor tibi in directione cordis cum didicero iudicia iustitiae tuae
Ps 118.8
praecepta tua custodiam ne derelinquas me nimis
Ps 118.9
beth in quo corrigit iuvenis semitam suam cum custodierit verba tua
Ps 118.10
in toto corde meo exquisivi te ne errare me facias a mandatis tuis
Ps 118.11
in corde meo abscondi eloquium tuum ut non peccem tibi
Ps 118.12
benedictus tu Domine doce me praecepta tua
Ps 118.13
in labiis meis narravi omnes iustitias oris tui
Ps 118.14
in via testimoniorum tuorum laetatus sum quasi in omnibus divitiis
Ps 118.15
in praeceptis tuis meditabor et contemplabor semitas tuas
Ps 118.16
iustitiis tuis delectabor non obliviscar verba tua
Ps 118.17
gimel tribue servo tuo vivam et custodiam verba tua
Ps 118.18
revela oculos meos et videbo mirabilia in lege tua
Ps 118.19
advena ego sum in terra ne abscondas a me mandata tua
Ps 118.20
desideravit anima mea desiderare iudicia tua in omni tempore
Ps 118.21
increpasti superbos maledicti qui recedunt a mandatis tuis
Ps 118.22
aufer a me obprobrium et contemptum quoniam testimonia tua custodivi
Ps 118.23
etenim sedentes principes adversum me loquebantur servus autem tuus meditabatur praecepta tua
Ps 118.24
sed et testimonia tua voluntas mea quasi viri amicissimi mei
Ps 118.25
deleth adhesit pulveri anima mea vivifica me iuxta verbum tuum
Ps 118.26
vias meas exposui et exaudisti doce me iustitiam tuam
Ps 118.27
viam praeceptorum tuorum fac me intellegere et loquar in mirabilibus tuis
Ps 118.28
destillavit anima mea prae stultitia serva me iuxta eloquium tuum
Ps 118.29
viam mendacii aufer a me et legem tuam dona mihi
Ps 118.30
viam fidei elegi iudicia tua proponebam
Ps 118.31
adhesi testimoniis tuis Domine ne confundas me
Ps 118.32
viam mandatorum tuorum curram quoniam dilatasti cor meum
Ps 118.33
he ostende mihi Domine viam praeceptorum tuorum et custodiam eam per vestigium
Ps 118.34
doce me et observabo legem tuam et custodiam eam in toto corde
Ps 118.35
deduc me in semita mandatorum tuorum quia ipsam volui
Ps 118.36
inclina cor meum ad testimonia tua et non ad avaritiam
Ps 118.37
averte oculos meos ne videant vanitatem in via tua vivifica me
Ps 118.38
suscita servo tuo eloquium tuum in timorem tuum
Ps 118.39
averte obprobrium meum quod reveritus sum iudicia tua bona
Ps 118.40
ecce desideravi praecepta tua iustitia tua vivifica me
Ps 118.41
vav et veniant mihi misericordiae tuae Domine et salus tua iuxta eloquium tuum
Ps 118.42
et respondebo exprobranti mihi sermonem quia speravi in sermone tuo
Ps 118.43
et ne auferas de ore meo verbum veritatis usque nimis quoniam iudicia tua expectavi
Ps 118.44
et custodiam legem tuam iugiter in sempiternum et ultra
Ps 118.45
et ambulabo in spatioso quia praecepta tua quaesivi
Ps 118.46
et loquar in testimoniis tuis coram regibus et non confundar
Ps 118.47
et delectabor in mandatis tuis quae dilexi
Ps 118.48
et levabo manus meas ad mandata tua quae dilexi et loquar in praeceptis tuis
Ps 118.49
zai memento sermonis servo tuo quem me sperare fecisti
Ps 118.50
haec est consolatio mea in adflictione mea quia eloquium tuum vivificavit me
Ps 118.51
superbi deridebant me nimis a lege tua non declinavi
Ps 118.52
recordatus sum iudiciorum tuorum a saeculo Domine et consolatus sum
Ps 118.53
horror obtinuit me ab impiis qui dereliquerunt legem tuam
Ps 118.54
carmina erant mihi praecepta tua in domo peregrinationis meae
Ps 118.55
recordatus sum in nocte nominis tui Domine et custodivi legem tuam
Ps 118.56
hoc factum est mihi quia praecepta tua custodivi
Ps 118.57
heth pars mea Domine dixi ut custodiam verbum tuum
Ps 118.58
deprecatus sum vultum tuum in toto corde miserere mei secundum eloquium tuum
Ps 118.59
recogitavi vias meas et converti pedes meos ad testimonia tua
Ps 118.60
festinavi et non neglexi custodire mandata tua
Ps 118.61
funes impiorum inplicaverunt me legem tuam non sum oblitus
Ps 118.62
medio noctis surgam ad confitendum tibi super iudicia iustificationis tuae
Ps 118.63
particeps ego sum omnium timentium te et custodientium praecepta tua
Ps 118.64
misericordia tua conpleta est terra praecepta tua doce me
Ps 118.65
teth benefecisti servo tuo Domine secundum verbum tuum
Ps 118.66
bonum sermonem et scientiam doce me quia mandatis tuis credidi
Ps 118.67
antequam audirem ego ignoravi nunc autem eloquium tuum custodivi
Ps 118.68
bonus tu et beneficus doce me praecepta tua
Ps 118.69
adplicabant mihi mendacium superbi ego autem in toto corde servabam praecepta tua
Ps 118.70
incrassatum est velut adeps cor eorum et ego in lege tua delectabar
Ps 118.71
bonum mihi quia adflictus sum ut discerem praecepta tua
Ps 118.72
melior mihi est lex oris tui super milia auri et argenti
Ps 118.73
ioth manus tuae fecerunt me et firmaverunt me doce me et discam mandata tua
Ps 118.74
qui timent te videbunt me et laetabuntur quia sermonem tuum expectavi
Ps 118.75
scio Domine quia iustum iudicium tuum et vere adflixisti me
Ps 118.76
sit obsecro misericordia tua in consolatione mea sicut locutus es servo tuo
Ps 118.77
veniant mihi misericordiae tuae et vivam quia lex tua delectatio mea
Ps 118.78
confundantur superbi quoniam inique contriverunt me ego autem loquar in praeceptis tuis
Ps 118.79
revertantur ad me qui timent te et qui sciunt testimonium tuum
Ps 118.80
fiat cor meum perfectum in praeceptis tuis ut non confundar
Ps 118.81
caph defecit in salutare tuum anima mea verbum tuum expectavi
Ps 118.82
consumpti sunt oculi mei in verbum tuum dicentes quando consolaberis me
Ps 118.83
et cum essem quasi uter in pruinam praecepta tua non sum oblitus
Ps 118.84
quot sunt dies servi tui quando facies in persequentibus me iudicium
Ps 118.85
foderunt mihi superbi foveas quae non erant iuxta legem tuam
Ps 118.86
omnia mandata tua vera falso persecuti sunt me auxiliare mihi
Ps 118.87
paulo minus consumpserunt me in terra ego autem non dimisi praecepta tua
Ps 118.88
secundum misericordiam tuam vivifica me et custodiam testimonium oris tui
Ps 118.89
lameth in aeternum Domine verbum tuum perstat in caelo
Ps 118.90
in generatione et generatione fides tua fundasti terram et stat
Ps 118.91
iudicio tuo stant usque hodie quia omnia serviunt tibi
Ps 118.92
nisi quod lex tua delectatio mea forte perissem in pressura mea
Ps 118.93
in sempiternum non obliviscar praeceptorum tuorum quia per ipsa vivificasti me
Ps 118.94
tuus ego sum salva me quoniam praecepta tua quaesivi
Ps 118.95
me expectaverunt impii ut perderent me testimonium tuum considerabo
Ps 118.96
omni consummationi vidi finem latum mandatum tuum nimis
Ps 118.97
mem quam dilexi legem tuam tota die haec meditatio mea
Ps 118.98
super inimicos meos instruis me mandata tua quia in sempiternum hoc est mihi
Ps 118.99
super omnes qui docebant me eruditus sum quia testimonia tua meditatio mea
Ps 118.100
super senes intellexi quia praecepta tua servavi
Ps 118.101
ab omni semita mala prohibui pedes meos ut custodirem verba tua
Ps 118.102
a iudiciis tuis non recessi quia tu inluminasti me
Ps 118.103
quam dulce gutturi meo eloquium tuum super mel ori meo
Ps 118.104
praecepta tua considerabam propterea odivi omnem semitam mendacii
Ps 118.105
nun lucerna pedi meo verbum tuum et lux semitae meae
Ps 118.106
iuravi et perseverabo ut custodiam iudicia iustitiae tuae
Ps 118.107
adflictus sum usque nimis Domine vivifica me iuxta verbum tuum
Ps 118.108
voluntaria oris mei conplaceant tibi Domine et secundum iudicia tua doce me
Ps 118.109
anima mea in manu mea semper et legis tuae non sum oblitus
Ps 118.110
posuerunt impii laqueum mihi et a praeceptis tuis non aberravi
Ps 118.111
hereditas mea testimonia tua in sempiternum quia gaudium cordis mei sunt
Ps 118.112
inclinavi cor meum ut facerem iustitias tuas propter aeternam retributionem
Ps 118.113
samech tumultuosos odivi et legem tuam dilexi
Ps 118.114
protectio mea et scutum meum tu es verbum tuum expectavi
Ps 118.115
recedite a me maligni et custodiam mandata Dei mei
Ps 118.116
confirma me secundum verbum tuum et vivam et noli me confundere ab expectatione mea
Ps 118.117
auxiliare mihi et salvus ero et delectabor in praeceptis tuis iugiter
Ps 118.118
abiecisti omnes qui adversantur praecepta tua quia mendax cogitatio eorum
Ps 118.119
quasi scoriam conputasti omnes impios terrae propterea dilexi testimonia tua
Ps 118.120
horripilavit a timore tuo caro mea et iudicia tua timui
Ps 118.121
ain feci iudicium et iustitiam ne derelinquas me his qui calumniantur me
Ps 118.122
sponde pro servo tuo in bonum ne calumnientur me superbi
Ps 118.123
oculi mei defecerunt in salutare tuum et in eloquium iustitiae tuae
Ps 118.124
fac cum servo tuo iuxta misericordiam tuam et praecepta tua doce me
Ps 118.125
servus tuus ego instrue me et cognoscam testimonia tua
Ps 118.126
tempus est ut facias Domine praevaricati sunt legem tuam
Ps 118.127
propterea dilexi mandata tua super aurum et topazium
Ps 118.128
propterea in universa praecepta direxi omnem semitam mendacii odio habui
Ps 118.129
fe mirabilia testimonia tua idcirco custodivit ea anima mea
Ps 118.130
ostium sermonum tuorum lucidum doce parvulos
Ps 118.131
os meum aperui et respiravi quia mandata tua desiderabam
Ps 118.132
respice ad me et miserere mei iuxta iudicium diligentium nomen tuum
Ps 118.133
gressus meos firma in sermone tuo et non des potestatem in me universae iniquitati
Ps 118.134
redime me a calumnia hominis et custodiam praecepta tua
Ps 118.135
vultum tuum ostende servo tuo et doce me praecepta tua
Ps 118.136
rivi aquarum fluebant de oculis meis quia non custodierunt legem tuam
Ps 118.137
sade iustus es Domine et rectum iudicium tuum
Ps 118.138
praecepisti iustitiam testimonii tui et veritatem nimis
Ps 118.139
consumpsit me zelus meus quia obliti sunt verborum tuorum hostes mei
Ps 118.140
probatus sermo tuus nimis et servus tuus dilexit illum
Ps 118.141
parvulus ego sum et contemptibilis sed praecepta tua non sum oblitus
Ps 118.142
iustitia tua iustitia sempiterna et lex tua veritas
Ps 118.143
tribulatio et angustia invenerunt me mandata tua voluntas mea
Ps 118.144
iusta testimonia tua semper doce me et vivam
Ps 118.145
coph clamavi in toto corde exaudi me Domine praecepta tua custodiam
Ps 118.146
invocavi te salvum me fac et custodiam testimonia tua
Ps 118.147
surgebam adhuc in tenebris et clamabam verbum tuum expectans
Ps 118.148
praeveniebant oculi mei vigilias ut meditarer in sermonibus tuis
Ps 118.149
vocem meam audi iuxta misericordiam tuam Domine secundum iudicium tuum vivifica me
Ps 118.150
adpropinquaverunt persecutores mei sceleri et a lege tua procul facti sunt
Ps 118.151
prope es tu Domine et omnia mandata tua veritas
Ps 118.152
a principio novi de testimoniis tuis quod in aeternum fundaveris ea
Ps 118.153
res vide adflictionem meam et eripe me quia legis tuae non sum oblitus
Ps 118.154
iudica causam meam et redime me sermone tuo vivifica me
Ps 118.155
longe ab impiis salus quia praecepta tua non quaesierunt
Ps 118.156
misericordiae tuae multae Domine iuxta iudicia tua vivifica me
Ps 118.157
multi qui persequuntur me et adfligunt me a testimoniis tuis non declinavi
Ps 118.158
vidi praevaricatores tuos et maerebam qui verbum tuum non custodierunt
Ps 118.159
vide quoniam praecepta tua dilexi Domine iuxta misericordiam tuam vivifica me
Ps 118.160
caput verborum tuorum veritas et sempiternum omne iudicium iustitiae tuae
Ps 118.161
sen principes persecuti sunt me sine causa verba autem tua timuit cor meum
Ps 118.162
gaudens ego sum in eloquio tuo sicut qui invenit spolia multa
Ps 118.163
mendacium odio habui et detestatus sum legem autem tuam dilexi
Ps 118.164
septies in die laudavi te super iudiciis iustitiae tuae
Ps 118.165
pax multa diligentibus legem tuam et non est illis scandalum
Ps 118.166
expectavi salutare tuum Domine et mandata tua feci
Ps 118.167
custodivit anima mea testimonia tua et dilexi ea nimis
Ps 118.168
custodivi praecepta tua et testimonia tua quia omnes viae meae in conspectu tuo
Ps 118.169
thau ingrediatur laus mea coram te Domine secundum verbum tuum doce me
Ps 118.170
veniat deprecatio mea ante vultum tuum secundum eloquium tuum libera me
Ps 118.171
fundant labia mea hymnum docebis enim me praecepta tua
Ps 118.172
loquetur lingua mea sermonem tuum quia omnia mandata tua iusta
Ps 118.173
sit manus tua auxiliatrix mea quia praecepta tua elegi
Ps 118.174
desideravi salutare tuum Domine et lex tua voluntas mea
Ps 118.175
vivet anima mea et laudabit te et iudicia tua auxiliabuntur mihi
Ps 118.176
erravi quasi ovis perdita quaere servum tuum quia mandatorum tuorum non sum oblitus
