2Thes 3

Teljes szövegű keresés

2Thes 3
2Thes 3.1
de cetero fratres orate pro nobis ut sermo Domini currat et clarificetur sicut et apud vos
2Thes 3.2
et ut liberemur ab inportunis et malis hominibus non enim omnium est fides
2Thes 3.3
fidelis autem Dominus est qui confirmabit vos et custodiet a malo
2Thes 3.4
confidimus autem de vobis in Domino quoniam quae praecipimus et facitis et facietis
2Thes 3.5
Dominus autem dirigat corda vestra in caritate Dei et patientia Christi
2Thes 3.6
denuntiamus autem vobis fratres in nomine Domini nostri Iesu Christi ut subtrahatis vos ab omni fratre ambulante inordinate et non secundum traditionem quam acceperunt a nobis
2Thes 3.7
ipsi enim scitis quemadmodum oporteat imitari nos quoniam non inquieti fuimus inter vos
2Thes 3.8
neque gratis panem manducavimus ab aliquo sed in labore et fatigatione nocte et die operantes ne quem vestrum gravaremus
2Thes 3.9
non quasi non habuerimus potestatem sed ut nosmet ipsos formam daremus vobis ad imitandum nos
2Thes 3.10
nam et cum essemus apud vos hoc denuntiabamus vobis quoniam si quis non vult operari nec manducet
2Thes 3.11
audimus enim inter vos quosdam ambulare inquiete nihil operantes sed curiose agentes
2Thes 3.12
his autem qui eiusmodi sunt denuntiamus et obsecramus in Domino Iesu Christo ut cum silentio operantes suum panem manducent
2Thes 3.13
vos autem fratres nolite deficere benefacientes
2Thes 3.14
quod si quis non oboedit verbo nostro per epistulam hunc notate et non commisceamini cum illo ut confundatur
2Thes 3.15
et nolite quasi inimicum existimare sed corripite ut fratrem
2Thes 3.16
ipse autem Dominus pacis det vobis pacem sempiternam in omni loco Dominus cum omnibus vobis
2Thes 3.17
salutatio mea manu Pauli quod est signum in omni epistula ita scribo
2Thes 3.18
gratia Domini nostri Iesu Christi cum omnibus vobis amen

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT