2Thes 2

Teljes szövegű keresés

2Thes 2
2Thes 2.1
rogamus autem vos fratres per adventum Domini nostri Iesu Christi et nostrae congregationis in ipsum
2Thes 2.2
ut non cito moveamini a sensu neque terreamini neque per spiritum neque per sermonem neque per epistulam tamquam per nos quasi instet dies Domini
2Thes 2.3
ne quis vos seducat ullo modo quoniam nisi venerit discessio primum et revelatus fuerit homo peccati filius perditionis
2Thes 2.4
qui adversatur et extollitur supra omne quod dicitur Deus aut quod colitur ita ut in templo Dei sedeat ostendens se quia sit Deus
2Thes 2.5
non retinetis quod cum adhuc essem apud vos haec dicebam vobis
2Thes 2.6
et nunc quid detineat scitis ut reveletur in suo tempore
2Thes 2.7
nam mysterium iam operatur iniquitatis tantum ut qui tenet nunc donec de medio fiat
2Thes 2.8
et tunc revelabitur ille iniquus quem Dominus Iesus interficiet spiritu oris sui et destruet inlustratione adventus sui
2Thes 2.9
eum cuius est adventus secundum operationem Satanae in omni virtute et signis et prodigiis mendacibus
2Thes 2.10
et in omni seductione iniquitatis his qui pereunt eo quod caritatem veritatis non receperunt ut salvi fierent
2Thes 2.11
ideo mittit illis Deus operationem erroris ut credant mendacio
2Thes 2.12
ut iudicentur omnes qui non crediderunt veritati sed consenserunt iniquitati
2Thes 2.13
nos autem debemus gratias agere Deo semper pro vobis fratres dilecti a Deo quod elegerit nos Deus primitias in salutem in sanctificatione Spiritus et fide veritatis
2Thes 2.14
ad quod et vocavit vos per evangelium nostrum in adquisitionem gloriae Domini nostri Iesu Christi
2Thes 2.15
itaque fratres state et tenete traditiones quas didicistis sive per sermonem sive per epistulam nostram
2Thes 2.16
ipse autem Dominus noster Iesus Christus et Deus et Pater noster qui dilexit nos et dedit consolationem aeternam et spem bonam in gratia
2Thes 2.17
exhortetur corda vestra et confirmet in omni opere et sermone bono

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages