Jes 15

Teljes szövegű keresés

Jes 15
Jes 15.1
מַשָּׂא מוֺאָב כִּי בְּלֵיל שֻׁדַּד
עָר מוֺאָב נִדְמָה כִּי בְּלֵיל
שֻׁדַּד קִיר־מוֺאָב נִדְמָה׃
Jes 15.2
עָלָה הַבַּיִת וְדִיבֹן הַבָּמוֺת
לְבֶכִי עַל־נְבוֺ וְעַל מֵידְבָא
מוֺאָב יְיֵלִיל בְּכָל־רֹאשָׁיו
קָרְחָה כָּל־זָקָן גְּרוּעָה׃
Jes 15.3
בְּחוּצֹתָיו חָגְרוּ שָׂק עַל גַּגֺּותֶיהָ
וּבִרְחֹבֹתֶיהָ כֻּלֹּה יְיֵלִיל יֺרֵד
בַּבֶּכִי׃
Jes 15.4
וַתִּזְעַק חֶשְׁבּוֺן וְאֶלְעָלֵה עַד־יַהַץ
נִשְׁמַע קוֺלָם עַל־כֵּן חֲלֻצֵי
מוֺאָב יָרִיעוּ נַפְשׁוֺ יָרְעָה
לּוֺ׃
Jes 15.5
לִבִּי לְמוֺאָב יִזְעָק בְּרִיחֶהָ
עַד־צֹעַר עֶגְלַת שְׁלִשִׁיָּה כִּי
מַעֲלֵה הַלּוּחִית בִּבְכִי יַעֲלֶה־בּוֺ
כִּי דֶּרֶך חוֺרֹנַיִם זַעֲקַ־שֶׁבֶר
יְעֹעֵרוּ׃
Jes 15.6
כִּי־מֵי נִמְרִים מְשַׁמּוֺת יִהְיוּ
כִּי־יָבֵשׁ חָצִיר כָּלָה דֶשֶׁא יֶרֶק
לֹא הָיָה׃
Jes 15.7
עַל־כֵּן יִתְרָה עָשָׂה וּפְקֻדָּתָם
עַל נַחַל הָעֲרָבִים יִשָּׂאוּם׃
Jes 15.8
כִּי־הִקִּיפָה הַזְּעָקָה אֶת־גְּבוּל
מוֺאָב עַד־אֶגְלַיִם יִלְלָתָהּ
וּבְאֵר אֵילִים יִלְלָתָהּ׃
Jes 15.9
כִּי מֵי דִימוֺן מָלְאוּ דָם כִּי־אָשִׁית
עַל־דִּימוֺן נֺוסָפוֺת לִפְלֵיטַת
מוֺאָב אַרְיֵה וְלִשְׁאֵרִית אֲדָמָה׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT