Jes 14

Teljes szövegű keresés

Jes 14
Jes 14.1
כִּי יְרַחֵם יְהוָה אֶת־יַעֲקֹב
וּבָחַר עוֺד בְּיִשְׂרָאֵל וְהִנִּיחָם
עַל־אַדְמָתָם וְנִלְוָה הַגֵּר עֲלֵיהֶם
וְנִסְפְּחוּ עַל־בֵּית יַעֲקֹב׃
Jes 14.2
וּלְקָחוּם עַמִּים וֶהֱבִיאוּם
אֶל־מְקוֺמָם וְהִתְנַחֲלוּם בֵּית־יִשְׂרָאֵל
עַל אַדְמַת יְהוָה לַעֲבָדִים
וְלִשְׁפָחוֺת וְהָיוּ שֹׁבִים לְשֹׁבֵיהֶם
וְרָדוּ בְּנֺגְשֵׂיהֶם׃ ס
Jes 14.3
וְהָיָה בְּיֺום הָנִיחַ יְהוָה
לְךָ מֵעָצְבְּךָ וּמֵרָגְזֶךָ וּמִנ־הָעֲבֹדָה
הַקָּשָׁה אֲשֶׁר עֻבַּד־בָּך׃
Jes 14.4
וְנָשָׂאתָ הַמָּשָׁל הַזֶּה עַל־מֶלֶך
בָּבֶל וְאָמָרְתָּ אֵיך שָׁבַת נֺגֵשׂ
שָׁבְתָה מַדְהֵבָה׃
Jes 14.5
שָׁבַר יְהוָה מַטֵּה רְשָׁעִים שֵׁבֶט
מֹשְׁלִים׃
Jes 14.6
מַכֶּה עַמִּים בְּעֶבְרָה מַכַּת בִּלְתִּי
סָרָה רֹדֶה בָאַף גֺּויִם מֻרְדָּף
בְּלִי חָשָׂך׃
Jes 14.7
נָחָה שָׁקְטָה כָּל־הָאָרֶץ פָּצְחוּ
רִנָּה׃
Jes 14.8
גַּמ־בְּרוֺשִׁים שָׂמְחוּ לְךָ אַרְזֵי
לְבָנֺון מֵאָז שָׁכַבְתָּ לֹא־יַעֲלֶה
הַכֹּרֵת עָלֵינוּ׃
Jes 14.9
שְׁאוֺל מִתַּחַת רָגְזָה לְךָ לִקְרַאת
בּוֺאֶךָ עוֺרֵר לְךָ רְפָאִים כָּל־עַתּוּדֵי
אָרֶץ הֵקִים מִכִּסְאוֺתָם כֹּל
מַלְכֵי גֺויִם׃
Jes 14.10
כֻּלָּם יַעֲנוּ וְיֺאמְרוּ אֵלֶיךָ
גַּמ־אַתָּה חֻלֵּיתָ כָמוֺנוּ אֵלֵינוּ
נִמְשָׁלְתָּ׃
Jes 14.11
הוּרַד שְׁאוֺל גְאוֺנֶךָ הֶמְיַת
נְבָלֶיךָ תַּחְתֶּיךָ יֻצַּע רִמָּה
וּמְכַסֶּיךָ תּוֺלֵעָה׃
Jes 14.12
אֵיך נָפַלְתָּ מִשָּׁמַיִם הֵילֵל בֶּנ־שָׁחַר
נִגְדַּעְתָּ לָאָרֶץ חוֺלֵשׁ עַל־גֺּויִם׃
Jes 14.13
וְאַתָּה אָמַרְתָּ בִלְבָבְךָ הַשָּׁמַיִם
אֶעֱלֶה מִמַּעַל לְכוֺכְבֵי־אֵל
אָרִים כִּסְאִי וְאֵשֵׁב בְּהַר־מוֺעֵד
בְּיַרְכְּתֵי צָפוֺן׃
Jes 14.14
אֶעֱלֶה עַל־בָּמֳתֵי עָב אֶדַּמֶּה
לְעֶלְיֺון׃
Jes 14.15
אַך אֶל־שְׁאוֺל תּוּרָד אֶל־יַרְכְּתֵי־בוֺר׃
Jes 14.16
רֹאֶיךָ אֵלֶיךָ יַשְׁגִּיחוּ אֵלֶיךָ
יִתְבּוֺנָנוּ הֲזֶה הָאִישׁ מַרְגִּיז
הָאָרֶץ מַרְעִישׁ מַמְלָכוֺת׃
Jes 14.17
שָׂם תֵּבֵל כַּמִּדְבָּר וְעָרָיו הָרָס
אֲסִירָיו לֹא־פָתַח בָּיְתָה׃
Jes 14.18
כָּל־מַלְכֵי גֺויִם כֻּלָּם שָׁכְבוּ
בְכָבוֺד אִישׁ בְּבֵיתוֺ׃
Jes 14.19
וְאַתָּה הָשְׁלַכְתָּ מִקִּבְרְךָ כְּנֵצֶר
נִתְעָב לְבוּשׁ הֲרֻגִים מְטֹעֲנֵי
חָרֶב יֺורְדֵי אֶל־אַבְנֵי־בוֺר
כְּפֶגֶר מוּבָס׃
Jes 14.20
לֹא־תֵחַד אִתָּם בִּקְבוּרָה כִּי־אַרְצְךָ
שִׁחַתָּ עַמְּךָ הָרָגְתָּ לֹא־יִקָּרֵא
לְעוֺלָם זֶרַע מְרֵעִים׃
Jes 14.21
הָכִינוּ לְבָנָיו מַטְבֵּחַ בַּעֲוֺן
אֲבוֺתָם בַּל־יָקֻמוּ וְיָרְשׁוּ
אָרֶץ וּמָלְאוּ פְנֵי־תֵבֵל עָרִים׃
Jes 14.22
וְקַמְתִּי עֲלֵיהֶם נְאֻם יְהוָה
צְבָאוֺת וְהִכְרַתִּי לְבָבֶל שֵׁם
וּשְׁאָר וְנִין וָנֶכֶד נְאֻמ־יְהוָה׃
Jes 14.23
וְשַׂמְתִּיהָ לְמוֺרַשׁ קִפֹּד וְאַגְמֵי־מָיִם
וְטֵאטֵאתִיהָ בְּמַטְאֲטֵא הַשְׁמֵד
נְאֻם יְהוָה צְבָאוֺת׃ ף
Jes 14.24
נִשְׁבַּע יְהוָה צְבָאוֺת לֵאמֹר
אִמ־לֹא כַּאֲשֶׁר דִּמִּיתִי כֵּן
הָיָתָה וְכַאֲשֶׁר יָעַצְתִּי הִיא
תָקוּם׃
Jes 14.25
לִשְׁבֹּר אַשּׁוּר בְּאַרְצִי וְעַל־הָרַי
אֲבוּסֶנּוּ וְסָר מֵעֲלֵיהֶם עֻלּוֺ
וְסֻבֳּלוֺ מֵעַל שִׁכְמוֺ יָסוּר׃
Jes 14.26
זֺאת הָעֵצָה הַיְּעוּצָה עַל־כָּל־הָאָרֶץ
וְזֺאת הַיָּד הַנְּטוּיָה עַל־כָּל־הַגֺּויִם׃
Jes 14.27
כִּי־יְהוָה צְבָאוֺת יָעָץ וּמִי
יָפֵר וְיָדוֺ הַנְּטוּיָה וּמִי יְשִׁיבֶנָּה׃
ף
Jes 14.28
בִּשְׁנַת־מוֺת הַמֶּלֶך אָחָז הָיָה
הַמַּשָּׂא הַזֶּה׃
Jes 14.29
אַל־תִּשְׂמְחִי פְלֶשֶׁת כֻּלֵּך כִּי
נִשְׁבַּר שֵׁבֶט מַכֵּך כִּי־מִשֹּׁרֶשׁ
נָחָשׁ יֵצֵא צֶפַע וּפִרְיֺו שָׂרָף
מְעוֺפֵף׃
Jes 14.30
וְרָעוּ בְּכוֺרֵי דַלִּים וְאֶבְיֺונִים
לָבֶטַח יִרְבָּצוּ וְהֵמַתִּי בָרָעָב
שָׁרְשֵׁך וּשְׁאֵרִיתֵך יַהֲרֹג׃
Jes 14.31
הֵילִילִי שַׁעַר זַעֲקִי־עִיר נָמוֺג
פְּלֶשֶׁת כֻּלֵּך כִּי מִצָּפוֺן עָשָׁן
בָּא וְאֵין בּוֺדֵד בְּמוֺעָדָיו׃
Jes 14.32
וּמַה־יַּעֲנֶה מַלְאֲכֵי־גֺוי כִּי
יְהוָה יִסַּד צִיֺּון וּבָהּ יֶחֱסוּ
עֲנִיֵּי עַמּוֺ׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT