1Chron 24

Teljes szövegű keresés

1Chron 24
1Chron 24.1
וְלִבְנֵי אַהֲרֹן מַחְלְקוֺתָם בְּנֵי
אַהֲרֹן נָדָב וַאֲבִיהוּא אֶלְעָזָר
וְאִיתָמָר׃
1Chron 24.2
וַיָּמָת נָדָב וַאֲבִיהוּא לִפְנֵי
אֲבִיהֶם וּבָנִים לֹא־הָיוּ לָהֶם
וַיְכַהֲנוּ אֶלְעָזָר וְאִיתָמָר׃
1Chron 24.3
וַיֶּחָלְקֵם דָּוִיד וְצָדוֺק מִנ־בְּנֵי
אֶלְעָזָר וַאֲחִימֶלֶך מִנ־בְּנֵי
אִיתָמָר לִפְקֻדָּתָם בַּעֲבֹדָתָם׃
1Chron 24.4
וַיִּמָּצְאוּ בְנֵי־אֶלְעָזָר רַבִּים
לְרָאשֵׁי הַגְּבָרִים מִנ־בְּנֵי אִיתָמָר
וַיַּחְלְקוּם לִבְנֵי אֶלְעָזָר רָאשִׁים
לְבֵית־אָבוֺת שִׁשָּׁה עָשָׂר וְלִבְנֵי
אִיתָמָר לְבֵית אֲבוֺתָם שְׁמוֺנָה׃
1Chron 24.5
וַיַּחְלְקוּם בְּגֺורָלוֺת אֵלֶּה עִמ־אֵלֶּה
כִּי־הָיוּ שָׂרֵי־קֹדֶשׁ וְשָׂרֵי הָאֱלֹהִים
מִבְּנֵי אֶלְעָזָר וּבִבְנֵי אִיתָמָר׃
ס
1Chron 24.6
וַיִּכְתְּבֵם שְׁמַעְיָה בֶנ־נְתַנְאֵל
הַסּוֺפֵר מִנ־הַלֵּוִי לִפְנֵי הַמֶּלֶך
וְהַשָּׂרִים וְצָדוֺק הַכֹּהֵן וַאֲחִימֶלֶך
בֶּנ־אֶבְיָתָר וְרָאשֵׁי הָאָבוֺת
לַכֹּהֲנִים וְלַלְוִיִּם בֵּית־אָב
אֶחָד אָחֻז לְאֶלְעָזָר וְאָחֻז אָחֻז
לְאִיתָמָר׃ ף
1Chron 24.7
וַיֵּצֵא הַגֺּורָל הָרִאשׁוֺן לִיהוֺיָרִיב
לִידַעְיָה הַשֵּׁנִי׃
1Chron 24.8
לְחָרִם הַשְּׁלִישִׁי לִשְׂעֹרִים הָרְבִעִי׃
1Chron 24.9
לְמַלְכִּיָּה הַחֲמִישִׁי לְמִיָּמִן הַשִּׁשִּׁי׃
1Chron 24.10
לְהַקּוֺץ הַשְּׁבִעִי לַאֲבִיָּה הַשְּׁמִינִי׃
1Chron 24.11
לְיֵשׁוּעַ הַתְּשִׁעִי לִשְׁכַנְיָהוּ הָעֲשִׂרִי׃
1Chron 24.12
לְאֶלְיָשִׁיב עַשְׁתֵּי עָשָׂר לְיָקִים
שְׁנֵים עָשָׂר׃
1Chron 24.13
לְחֻפָּה שְׁלֹשָׁה עָשָׂר לְיֶשֶׁבְאָב
אַרְבָּעָה עָשָׂר׃
1Chron 24.14
לְבִלְגָּה חֲמִשָּׁה עָשָׂר לְאִמֵּר שִׁשָּׁה
עָשָׂר׃
1Chron 24.15
לְחֵזִיר שִׁבְעָה עָשָׂר לְהַפִּצֵּץ
שְׁמוֺנָה עָשָׂר׃
1Chron 24.16
לִפְתַחְיָה תִּשְׁעָה עָשָׂר לִיחֶזְקֵאל
הָעֶשְׂרִים׃
1Chron 24.17
לְיָכִין אֶחָד וְעֶשְׂרִים לְגָמוּל
שְׁנַיִם וְעֶשְׂרִים׃
1Chron 24.18
לִדְלָיָהוּ שְׁלֹשָׁה וְעֶשְׂרִים לְמַעַזְיָהוּ
אַרְבָּעָה וְעֶשְׂרִים׃ ף
1Chron 24.19
אֵלֶּה פְקֻדָּתָם לַעֲבֹדָתָם לָבוֺא
לְבֵית־יְהוָה כְּמִשְׁפָּטָם בְּיַד
אַהֲרֹן אֲבִיהֶם כַּאֲשֶׁר צִוָּהוּ
יְהוָה אֱלֹהֵי יִשְׂרָאֵל׃ ף
1Chron 24.20
וְלִבְנֵי לֵוִי הַנֺּותָרִים לִבְנֵי
עַמְרָם שׁוּבָאֵל לִבְנֵי שׁוּבָאֵל
יֶחְדְּיָהוּ׃
1Chron 24.21
לִרְחַבְיָהוּ לִבְנֵי רְחַבְיָהוּ הָרֹאשׁ
יִשִּׁיָּה׃
1Chron 24.22
לַיִּצְהָרִי שְׁלֹמוֺת לִבְנֵי שְׁלֹמוֺת
יָחַת׃
1Chron 24.23
וּבְנָי יְרִיָּהוּ אֲמַרְיָהוּ הַשֵּׁנִי
יַחֲזִיאֵל הַשְּׁלִישִׁי יְקַמְעָם
הָרְבִיעִי׃
1Chron 24.24
בְּנֵי עֻזִּיאֵל מִיכָה לִבְנֵי מִיכָה 1 שָׁמוּר 2 שָׁמִיר׃
1Chron 24.25
אֲחִי מִיכָה יִשִּׁיָּה לִבְנֵי יִשִּׁיָּה
זְכַרְיָהוּ׃
1Chron 24.26
בְּנֵי מְרָרִי מַחְלִי וּמוּשִׁי בְּנֵי
יַעֲזִיָּהוּ בְנֺו׃
1Chron 24.27
בְּנֵי מְרָרִי לְיַעֲזִיָּהוּ בְנֺו
וְשֹׁהַם וְזַכּוּר וְעִבְרִי׃
1Chron 24.28
לְמַחְלִי אֶלְעָזָר וְלֹא־הָיָה
לוֺ בָּנִים׃
1Chron 24.29
לְקִישׁ בְּנֵי־קִישׁ יְרַחְמְאֵל׃
1Chron 24.30
וּבְנֵי מוּשִׁי מַחְלִי וְעֵדֶר
וִירִימוֺת אֵלֶּה בְּנֵי הַלְוִיִּם
לְבֵית אֲבֹתֵיהֶם׃
1Chron 24.31
וַיַּפִּילוּ גַמ־הֵם גֺּורָלוֺת לְעֻמַּת
אֲחֵיהֶם בְּנֵי־אַהֲרֹן לִפְנֵי דָוִיד
הַמֶּלֶך וְצָדוֺק וַאֲחִימֶלֶך וְרָאשֵׁי
הָאָבוֺת לַכֹּהֲנִים וְלַלְוִיִּם אָבוֺת
הָרֹאשׁ לְעֻמַּת אָחִיו הַקָּטָן׃
ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT