1Chron 23

Teljes szövegű keresés

1Chron 23
1Chron 23.1
וְדָוִיד זָקֵן וְשָׂבַע יָמִים וַיַּמְלֵך
אֶת־שְׁלֹמֹה בְנֺו עַל־יִשְׂרָאֵל׃
1Chron 23.2
וַיֶּאֱסֹף אֶת־כָּל־שָׂרֵי יִשְׂרָאֵל
וְהַכֹּהֲנִים וְהַלְוִיִּם׃
1Chron 23.3
וַיִּסָּפְרוּ הַלְוִיִּם מִבֶּן שְׁלֹשִׁים
שָׁנָה וָמָעְלָה וַיְהִי מִסְפָּרָם
לְגֻלְגְּלֹתָם לִגְבָרִים שְׁלֹשִׁים
וּשְׁמוֺנָה אָלֶף׃
1Chron 23.4
מֵאֵלֶּה לְנַצֵּחַ עַל־מְלֶאכֶת בֵּית־יְהוָה
עֶשְׂרִים וְאַרְבָּעָה אָלֶף וְשֹׁטְרִים
וְשֹׁפְטִים שֵׁשֶׁת אֲלָפִים׃
1Chron 23.5
וְאַרְבַּעַת אֲלָפִים שֹׁעֲרִים וְאַרְבַּעַת
אֲלָפִים מְהַלְלִים לַיהוָה בַּכֵּלִים
אֲשֶׁר עָשִׂיתִי לְהַלֵּל׃
1Chron 23.6
וַיֶּחָלְקֵם דָּוִיד מַחְלְקוֺת ס
לִבְנֵי לֵוִי לְגֵרְשׁוֺן קְהָת
וּמְרָרִי׃ ס
1Chron 23.7
לַגֵּרְשֻׁנִּי לַעְדָּן וְשִׁמְעִי׃ ס
1Chron 23.8
בְּנֵי לַעְדָּן הָרֹאשׁ יְחִיאֵל
וְזֵתָם וְיֺואֵל שְׁלֹשָׁה׃ ס
1Chron 23.9
בְּנֵי שִׁמְעִי 1 שְׁלֹמוֺת 2 שְׁלוֺמִית
וַחֲזִיאֵל וְהָרָן שְׁלֹשָׁה אֵלֶּה
רָאשֵׁי הָאָבוֺת לְלַעְדָּן׃ ס
1Chron 23.10
וּבְנֵי שִׁמְעִי יַחַת זִינָא וִיעוּשׁ
וּבְרִיעָה אֵלֶּה בְנֵי־שִׁמְעִי אַרְבָּעָה׃
1Chron 23.11
וַיְהִי־יַחַת הָרֹאשׁ וְזִיזָה
הַשֵּׁנִי וִיעוּשׁ וּבְרִיעָה לֹא־הִרְבּוּ
בָנִים וַיִּהְיוּ לְבֵית אָב לִפְקֻדָּה
אֶחָת׃ ס
1Chron 23.12
בְּנֵי קְהָת עַמְרָם יִצְהָר חֶבְרוֺן
וְעֻזִּיאֵל אַרְבָּעָה׃ ס
1Chron 23.13
בְּנֵי עַמְרָם אַהֲרֹן וּמֹשֶׁה וַיִּבָּדֵל
אַהֲרֹן לְהַקְדִּישׁוֺ קֹדֶשׁ קָדָשִׁים
הוּא־וּבָנָיו עַד־עוֺלָם לְהַקְטִיר
לִפְנֵי יְהוָה לְשָׁרְתוֺ וּלְבָרֵך
בִּשְׁמוֺ עַד־עוֺלָם׃
1Chron 23.14
וּמֹשֶׁה אִישׁ הָאֱלֹהִים בָּנָיו
יִקָּרְאוּ עַל־שֵׁבֶט הַלֵּוִי׃
1Chron 23.15
בְּנֵי מֹשֶׁה גֵּרְשֹׁם וֶאֱלִיעֶזֶר׃
1Chron 23.16
בְּנֵי גֵרְשׁוֺם שְׁבוּאֵל הָרֹאשׁ׃
1Chron 23.17
וַיִּהְיוּ בְנֵי־אֱלִיעֶזֶר רְחַבְיָה
הָרֹאשׁ וְלֹא־הָיָה לֶאֱלִיעֶזֶר
בָּנִים אֲחֵרִים וּבְנֵי רְחַבְיָה
רָבוּ לְמָעְלָה׃
1Chron 23.18
בְּנֵי יִצְהָר שְׁלֹמִית הָרֹאשׁ׃
ס
1Chron 23.19
בְּנֵי חֶבְרוֺן יְרִיָּהוּ הָרֹאשׁ
אֲמַרְיָה הַשֵּׁנִי יַחֲזִיאֵל הַשְּׁלִישִׁי
וִיקַמְעָם הָרְבִיעִי׃
1Chron 23.20
בְּנֵי עֻזִּיאֵל מִיכָה הָרֹאשׁ
וְיִשִּׁיָּה הַשֵּׁנִי׃ ס
1Chron 23.21
בְּנֵי מְרָרִי מַחְלִי וּמוּשִׁי בְּנֵי
מַחְלִי אֶלְעָזָר וְקִישׁ׃
1Chron 23.22
וַיָּמָת אֶלְעָזָר וְלֹא־הָיוּ לוֺ
בָּנִים כִּי אִמ־בָּנֺות וַיִּשָּׂאוּם
בְּנֵי־קִישׁ אֲחֵיהֶם׃
1Chron 23.23
בְּנֵי מוּשִׁי מַחְלִי וְעֵדֶר וִירֵמוֺת
שְׁלֹשָׁה׃
1Chron 23.24
אֵלֶּה בְנֵי־לֵוִי לְבֵית אֲבֹתֵיהֶם
רָאשֵׁי הָאָבוֺת לִפְקוּדֵיהֶם בְּמִסְפַּר
שֵׁמוֺת לְגֻלְגְּלֹתָם עֹשֵׂה הַמְּלָאכָה
לַעֲבֹדַת בֵּית יְהוָה מִבֶּן עֶשְׂרִים
שָׁנָה וָמָעְלָה׃
1Chron 23.25
כִּי אָמַר דָּוִיד הֵנִיחַ יְהוָה
אֱלֹהֵי־יִשְׂרָאֵל לְעַמּוֺ וַיִּשְׁכֹּן
בִּירוּשָׁלִַם עַד־לְעוֺלָם׃
1Chron 23.26
וְגַם לַלְוִיִּם אֵינ־לָשֵׂאת אֶת־הַמִּשְׁכָּן
וְאֶת־כָּל־כֵּלָיו לַעֲבֹדָתוֺ׃
1Chron 23.27
כִּי בְדִבְרֵי דָוִיד הָאַחֲרֹנִים
הֵמָּה מִסְפַּר בְּנֵי־לֵוִי מִבֶּן
עֶשְׂרִים שָׁנָה וּלְמָעְלָה׃
1Chron 23.28
כִּי מַעֲמָדָם לְיַד־בְּנֵי אַהֲרֹן
לַעֲבֹדַת בֵּית יְהוָה עַל־הַחֲצֵרוֺת
וְעַל־הַלְּשָׁכוֺת וְעַל־טָהֳרַת לְכָל־קֹדֶשׁ
וּמַעֲשֵׂה עֲבֹדַת יּת הָאֱלֹהִים׃
1Chron 23.29
וּלְלֶחֶם הַמַּעֲרֶכֶת וּלְסֹלֶת לְמִנְחָה
וְלִרְקִיקֵי הַמַּצּוֺת וְלַמַּחֲבַת
וְלַמֻּרְבָּכֶת וּלְכָל־מְשׂוּרָה וּמִדָּה׃
1Chron 23.30
וְלַעֲמֹד בַּבֹּקֶר בַּבֹּקֶר לְהֹדוֺת
וּלְהַלֵּל לַיהוָה וְכֵן לָעָרֶב׃
1Chron 23.31
וּלְכֹל הַעֲלוֺת עֹלוֺת לַיהוָה
לַשַּׁבָּתוֺת לֶחֳדָשִׁים וְלַמֹּעֲדִים
בְּמִסְפָּר כְּמִשְׁפָּט עֲלֵיהֶם תָּמִיד
לִפְנֵי יְהוָה׃
1Chron 23.32
וְשָׁמְרוּ אֶת־מִשְׁמֶרֶת אֹהֶל־מוֺעֵד
וְאֵת מִשְׁמֶרֶת הַקֹּדֶשׁ וּמִשְׁמֶרֶת
בְּנֵי אַהֲרֹן אֲחֵיהֶם לַעֲבֹדַת
בֵּית יְהוָה׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT