1Chron 20

Teljes szövegű keresés

1Chron 20
1Chron 20.1
וַיְהִי לְעֵת תְּשׁוּבַת הַשָּׁנָה
לְעֵת צֵאת הַמְּלָכִים וַיִּנְהַג
יֺואָב אֶת־חֵיל הַצָּבָא וַיַּשְׁחֵת
אֶת־אֶרֶץ בְּנֵי־עַמּוֺן וַיָּבֹא
וַיָּצַר אֶת־רַבָּה וְדָוִיד יֺשֵׁב
בִּירוּשָׁלִָם וַיַּך יֺואָב אֶת־רַבָּה
וַיֶּהֶרְסֶהָ׃
1Chron 20.2
וַיִּקַּח דָּוִיד אֶת־עֲטֶרֶת־מַלְכָּם
מֵעַל רֹאשׁוֺ וַיִּמְצָאָהּ מִשְׁקַל
כִּכַּר־זָהָב וּבָהּ אֶבֶן יְקָרָה
וַתְּהִי עַל־רֹאשׁ דָּוִיד וּשְׁל
הָעִיר הוֺצִיא הַרְבֵּה מְאֹד׃
1Chron 20.3
וְאֶת־הָעָם אֲשֶׁר־בָּהּ הוֺצִיא
וַיָּשַׂר בַּמְּגֵרָה וּבַחֲרִיצֵי הַבַּרְזֶל
וּבַמְּגֵרוֺת וְכֵן יַעֲשֶׂה דָוִיד
לְכֹל עָרֵי בְנֵי־עַמּוֺן וַיָּב
דָּוִיד וְכָל־הָעָם יְרוּשָׁלִָם׃
ף
1Chron 20.4
וַיְהִי אַחֲרֵיכֵן וַתַּעֲמֹד מִלְחָמָה
בְּגֶזֶר עִמ־פְּלִשְׁתִּים אָז הִכָּה
סִבְּכַי הַחֻשָׁתִי אֶת־סִפַּי מִילִדֵי
הָרְפָאִים וַיִּכָּנֵעוּ׃
1Chron 20.5
וַתְּהִי־עוֺד מִלְחָמָה אֶת־פְּלִשְׁתִּים
וַיַּך אֶלְחָנָן בֶּנ־יָעוּר 2 יָעִיר
אֶת־לַחְמִי אֲחִי גָּלְיָת הַגִּתִּי
וְעֵץ חֲנִיתוֺ כִּמְנֺור אֹרְגִים׃
1Chron 20.6
וַתְּהִי־עוֺד מִלְחָמָה בְּגַת וַיְהִי
אִישׁ מִדָּה וְאֶצְבְּעֹתָיו שֵׁשׁ־וָשֵׁשׁ
עֶשְׂרִים וְאַרְבַּע וְגַמ־הוּא נֺולַד
לְהָרָפָא׃
1Chron 20.7
וַיְחָרֵף אֶת־יִשְׂרָאֵל וַיַּכֵּהוּ
יְהוֺנָתָן בֶּנ־שִׁמְעָא אֲחִי דָוִיד׃
1Chron 20.8
אֵל נוּלְּדוּ לְהָרָפָא בְּגַת וַיִּפְּלוּ
בְיַד־דָּוִיד וּבְיַד־עֲבָדָיו׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT