1Chron 19

Teljes szövegű keresés

1Chron 19
1Chron 19.1
וַיְהִי אַחֲרֵי־כֵן וַיָּמָת נָחָשׁ
מֶלֶך בְּנֵי־עַמּוֺן וַיִּמְלֹך בְּנֺו
תַּחְתָּיו׃
1Chron 19.2
וַיֺּאמֶר דָּוִיד אֶעֱשֶׂה־חֶסֶד עִמ־חָנוּן
בֶּנ־נָחָשׁ כִּי־עָשָׂה אָבִיו עִמִּי
חֶסֶד וַיִּשְׁלַח דָּוִיד מַלְאָכִים
לְנַחֲמוֺ עַל־אָבִיו וַיָּאוּ עַבְדֵי
דָוִיד אֶל־אֶרֶץ בְּנֵי־עַמּוֺן
אֶל־חָנוּן לְנַחֲמוֺ׃
1Chron 19.3
וַיֺּאמְרוּ שָׂרֵי בְנֵי־עַמּוֺן
לְחָנוּן הַמְכַבֵּד דָּוִיד אֶת־אָבִיךָ
בְּעֵינֶיךָ כִּי־שָׁלַח לְךָ מְנַחֲמִים
הֲלֹא בַּעֲבוּר לַחְקֹר וְלַהֲפֹך
וּלְרַגֵּל הָאָרֶץ בָּאוּ עֲבָדָיו
אֵלֶיךָ׃ ף
1Chron 19.4
וַיִּקַּח חָנוּן אֶת־עַבְדֵי דָוִיד
וַיְגַלְּחֵם וַיִּכְרֹת אֶת־מַדְוֵיהֶם
בַּחֵצִי עַד־הַמִּפְשָׂעָה וַיְשַׁלְּחֵם׃
1Chron 19.5
וַיֵּלְכוּ וַיַּגִּידוּ לְדָוִיד עַל־הָאֲנָשִׁים
וַיִּשְׁלַח לִקְרָאתָם כִּי־הָיוּ
הָאֲנָשִׁים נִכְלָמִים מְאֹד וַיֺּאמֶר
הַמֶּלֶך שְׁבוּ בִירֵחֹ עַד אֲשֶׁר־יְצַמַּח
זְקַנְכֶם וְשַׁבְתֶּם׃
1Chron 19.6
וַיִּרְאוּ בְּנֵי עַמּוֺן כִּי הִתְבָּאֲשׁוּ
עִמ־דָּוִיד וַיִּשְׁלַח חָנוּן וּבְנֵי
עַמּוֺן אֶלֶף כִּכַּר־כֶּסֶף לִשְׂכֹּר
לָהֶם מִנ־אֲרַם נַהֲרַיִם וּמִנ־אֲרַם
מַעֲכָה וּמִצּוֺבָה רֶכֶב וּפָרָשִׁים׃
1Chron 19.7
וַיִּשְׂכְּרוּ לָהֶם שְׁנַיִם וּשְׁלֹשִׁים
אֶלֶף רֶכֶב וְאֶת־מֶלֶך מַעֲכָה
וְאֶת־עַמּוֺ וַיָּבֹאוּ וַיַּחֲנוּ
לִפְנֵי מֵידְבָא וּבְנֵי עַמּוֺן
נֶסְפוּ מֵעָרֵיהֶם וַיָּבֹאוּ לַמִּלְחָמָה׃
ף
1Chron 19.8
וַיִּשְׁמַע דָּוִיד וַיִּשְׁלַח אֶת־יֺואָב
וְאֵת כָּל־צָבָא הַגִּבּוֺרִים׃
1Chron 19.9
וַיֵּצְאוּ בְּנֵי עַמּוֺן וַיַּעַרְכוּ
מִלְחָמָה פֶּתַח הָעִיר וְהַמְּלָכִים
אֲשֶׁר־בָּאוּ לְבַדָּם בַּשָּׂדֶה׃
1Chron 19.10
וַיַּרְא יֺואָב כִּי־הָיְתָה פְנֵי־הַמִּלְחָמָה
אֵלָיו פָּנִים וְאָחוֺר וַיִּבְחַר
מִכָּל־בָּחוּר בְּיִשְׂרָאֵל וַיַּעֲרֹך
לִקְרַאת אֲרָם׃
1Chron 19.11
וְאֵת יֶתֶר הָעָם נָתַן בְּיַד
אַבְשַׁי אָחִיו וַיַּעַרְכוּ לִקְרַאת
בְּנֵי עַמּוֺן׃
1Chron 19.12
וַיֺּאמֶר אִמ־תֶּחֱזַק מִמֶּנִּי אֲרָם
וְהָיִיתָ לִּי לִתְשׁוּעָה ס וְאִמ־בְּנֵי
עַמּוֺן יֶחֶזְקוּ מִמְּךָ וְהוֺשַׁעְתִּיךָ׃
1Chron 19.13
חֲזַק וְנִתְחַזְּקָה בְּעַד־עַמֵּנוּ
וּבְעַד עָרֵי אֱלֹהֵינוּ וַיהוָה
הַטּוֺב בְּעֵינָיו יַעֲשֶׂה׃
1Chron 19.14
וַיִּגַּשׁ יֺואָב וְהָעָם אֲשֶׁר־עִמּוֺ
לִפְנֵי אֲרָם לַמִּלְחָמָה וַיָּנוּסוּ
מִפָּנָיו׃
1Chron 19.15
וּבְנֵי עַמּוֺן רָאוּ כִּי־נָס אֲרָם
וַיָּנוּסוּ גַמ־הֵם מִפְּנֵי אַבְשַׁי
אָחִיו וַיָּבֹאוּ הָעִירָה וַיָּבֹא
יֺואָב יְרוּשָׁלִָם׃ ף
1Chron 19.16
וַיַּרְא אֲרָם כִּי נִגְּפוּ לִפְנֵי
יִשְׂרָאֵל וַיִּשְׁלְחוּ מַלְאָכִים וַיֺּוצִיאוּ
אֶת־אֲרָם אֲשֶׁר מֵעֵבֶר הַנָּהָר
וְשׁוֺפַך שַׂר־צְבָא הֲדַעֶזֶר לִפְנֵיהֶם׃
1Chron 19.17
וַיֻּגַּד לְדָוִיד וַיֶּאֱסֹף אֶת־כָּל־יִשְׂרָאֵל
וַיַּעֲבֹר הַיַּרְדֵּן וַיָּבֹא אֲלֵהֶם
וַיַּעֲרֹך אֲלֵהֶם וַיַּעֲרֹך דָּוִיד
לִקְרַאת אֲרָם מִלְחָמָה וַיִּלָּחֲמוּ
עִמּוֺ׃
1Chron 19.18
וַיָּנָס אֲרָם מִלִּפְנֵי יִשְׂרָאֵל
וַיַּהֲרֹג דָּוִיד מֵאֲרָם שִׁבְעַת
אֲלָפִים רֶכֶב וְאַרְבָּעִים אֶלֶף
אִישׁ רַגְלִי וְאֵת שׁוֺפַך שַׂר־הַצָּבָא
הֵמִית׃
1Chron 19.19
וַיִּרְאוּ עַבְדֵי הֲדַדְעֶזֶר כִּי
נִגְּפוּ לִפְנֵי יִשְׂרָאֵל וַיַּשְׁלִימוּ
עִמ־דָּוִיד וַיַּעַבְדֻהוּ וְלֹא־אָבָה
אֲרָם לְהוֺשִׁיעַ אֶת־בְּנֵי־עַמּוֺן
עוֺד׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT