Amos 6

Teljes szövegű keresés

Amos 6
Amos 6.1
הוֺי הַשַּׁאֲנַנִּים בְּצִיֺּון וְהַבֹּטְחִים
בְּהַר שֹׁמְרוֺן נְקֻבֵי רֵאשִׁית
הַגֺּויִם וּבָאוּ לָהֶם בֵּית יִשְׂרָאֵל׃
Amos 6.2
עִבְרוּ כַלְנֵה וּרְאוּ וּלְכוּ מִשָּׁם
חֲמַת רַבָּה וּרְדוּ גַת־פְּלִשְׁתּים
הֲטוֺבִים מִנ־הַמַּמְלָכוֺת הָאֵלֶּה
אִמ־רַב גְּבוּלָם מִגְּבֻלְכֶם
Amos 6.3
הַמְנַדִּים לְיֺום רָע וַתַּגִּישׁוּן
שֶׁבֶת חָמָס׃
Amos 6.4
הַשֹּׁכְבִים עַל־מִטּוֺת שֵׁן וּסְרֻחִים
עַל־עַרְשׂוֺתָם וְאֹכְלִים כָּרִים
מִצֹּאן וַעֲגָלִים מִתּוֺך מַרְבֵּק׃
Amos 6.5
הַפֹּרְטִים עַל־פִּי הַנָּבֶל כְּדָוִיד
חָשְׁבוּ לָהֶם כְּלֵי־שִׁיר׃
Amos 6.6
הַשֹּׁתִים בְּמִזְרְקֵי יַיִן וְרֵאשִׁית
שְׁמָנִים יִמְשָׁחוּ וְלֹא נֶחְלוּ
עַל־שֵׁבֶר יֺוסֵף׃
Amos 6.7
לָכֵן עַתָּה יִגְלוּ בְּרֹאשׁ גֺּלִים
וְסָר מִרְזַח סְרוּחִים׃ ף
Amos 6.8
נִשְׁבַּע אֲדֹנָי יְהוִה בְּנַפְשׁוֺ
נְאֻמ־יְהוָה אֱלֹהֵי צְבָאוֺת
מְתָאֵב אָנֺכִי אֶת־גְּאוֺן יַעֲקֹב
וְאַרְמְנֺתָיו שָׂנֵאתִי וְהִסְגַּרְתִּי
עִיר וּמְלֹאָהּ׃
Amos 6.9
וְהָיָה אִמ־יִוָּתְרוּ עֲשָׂרָה אֲנָשִׁים
בְּבַיִת אֶחָד וָמֵתוּ׃
Amos 6.10
וּנְשָׂאוֺ דּוֺדוֺ וּמְסָרְפוֺ לְהוֺצִיא
עֲצָמִים מִנ־הַבַּיִת וְאָמַר לַאֲשֶׁר
בְּיַרְכְּתֵי הַבַּיִת הַעוֺד עִמָּך
וְאָמַר אָפֶס וְאָמַר הָס כִּי לֹא
לְהַזְכִּיר בְּשֵׁם יְהוָה׃
Amos 6.11
כִּי־הִנֵּה יְהוָה מְצַוֶּה וְהִכָּה
הַבַּיִת הַגָּדוֺל רְסִיסִים וְהַבַּיִת
הַקָּטֹן בְּקִעִים׃
Amos 6.12
הַיְרֻצוּן בַּסֶּלַע סוּסִים אִמ־יַחֲרוֺשׁ
בַּבְּקָרִים כִּי־הֲפַכְתֶּם לְרֹאשׁ
מִשְׁפָּט וּפְרִי צְדָקָה לְלַעֲנָה׃
Amos 6.13
הַשְּׂמֵחִים לְלֹא דָבָר הָאֹמְרִים
הֲלוֺא בְחָזְקֵנוּ לָקַחְנוּ לָנוּ
קַרְנָיִם׃
Amos 6.14
כִּי הִנְנִי מֵקִים עֲלֵיכֶם בֵּית
יִשְׂרָאֵל נְאֻמ־יְהוָה אֱלֹהֵי
הַצְּבָאוֺת גֺּוי וְלָחֲצוּ אֶתְכֶם
מִלְּבוֺא חֲמָת עַד־נַחַל הָעֲרָבָה׃
 

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT