Amos 5

Teljes szövegű keresés

Amos 5
Amos 5.1
שִׁמְעוּ אֶת־הַדָּבָר הַזֶּה אֲשֶׁר
אָנֺכִי נֺשֵׂא עֲלֵיכֶם קִינָה בֵּית
יִשְׂרָאֵל׃
Amos 5.2
נָפְלָה לֹא־תוֺסִיף קוּם בְּתוּלַת
יִשְׂרָאֵל נִטְּשָׁה עַל־אַדְמָתָהּ
אֵין מְקִימָהּ׃
Amos 5.3
כִּי כֹה אָמַר אֲדֹנָי יְהוִה
הָעִיר הַיֺּצֵאת אֶלֶף תַּשְׁאִיר
מֵאָה וְהַיֺּוצֵאת מֵאָה תַּשְׁאִיר
עֲשָׂרָה לְבֵית יִשְׂרָאֵל׃ ס
Amos 5.4
כִּי כֹה אָמַר יְהוָה לְבֵית יִשְׂרָאֵל
דִּרְשׁוּנִי וִחְיוּ׃
Amos 5.5
וְאַל־תִּדְרְשׁוּ בֵּית־אֵל וְהַגִּלְגָּל
לֹא תָבֹאוּ וּבְאֵר שֶׁבַע לֹא תַעֲבֹרוּ
כִּי הַגִּלְגָּל גָּלֹה יִגְלֶה וּבֵית־אֵל
יִהְיֶה לְאָוֶ׃
Amos 5.6
דִּרְשׁוּ אֶת־יְהוָה וִחְיוּ פֶּנ־יִצְלַח
כָּאֵשׁ בֵּית יֺוסֵף וְאָכְלָה וְאֵינ־מְכַבֶּה
לְבֵית־אֵל׃
Amos 5.7
הַהֹפְכִים לְלַעֲנָה מִשְׁפָּט וּצְדָקָה
לָאָרֶץ הִנִּיחוּ׃
Amos 5.8
עֹשֵׂה כִימָה וּכְסִיל וְהֹפֵך
לַבֹּקֶר צַלְמָוֶת וְיֺום לַיְלָה
הֶחְשִׁיך הַקּוֺרֵא לְמֵי־הַיָּם
וַיִּשְׁפְּכֵם עַל־פְּנֵי הָאָרֶץ יְהוָה
שְׁמוֺ׃ ס
Amos 5.9
הַמַּבְלִיג שֹׁד עַל־עָז וְשֹׁד עַל־מִבְצָר
יָבוֺא׃
Amos 5.10
שָׂנְאוּ בַשַּׁעַר מוֺכִיחַ וְדֹבֵר
תָּמִים יְתָעֵבוּ׃
Amos 5.11
לָכֵן יַעַן בּוֺשַׁסְכֶם עַל־דָּל
וּמַשְׂאַת־בַּר תִּקְחוּ מִמֶּנּוּ בָּתֵּי
גָזִית בְּנִיתֶם וְלֹא־תֵשְׁבוּ בָם
כַּרְמֵי־חֶמֶד נְטַעְתֶּם וְלֹא תִשְׁתּוּ
אֶת־יֵינָם׃
Amos 5.12
כִּי יָדַעְתִּי רַבִּים פִּשְׁעֵיכֶם
וַעֲצֻמִים חַטֹּאתֵיכֶם צֹרְרֵי
צַדִּיק לֹקְחֵי כֹפֶר וְאֶבְיֺונִים
בַּשַּׁעַר הִטּוּ׃
Amos 5.13
לָכֵן הַמַּשְׂכִּיל בָּעֵת הַהִיא יִדֹּם
כִּי עֵת רָעָה הִיא׃
Amos 5.14
דִּרְשׁוּ־טוֺב וְאַל־רָע לְמַעַן
תִּחְיוּ וִיהִי־כֵן יְהוָה אֱלֹהֵי־צְבָאוֺת
אִתְּכֶם כַּאֲשֶׁר אֲמַרְתֶּם׃
Amos 5.15
שִׂנְאוּ־רָע וְאֶהֱבוּ טוֺב וְהַצִּיגוּ
בַשַּׁעַר מִשְׁפָּט אוּלַי יֶחֱנַן
יְהוָה אֱלֹהֵי־צְבָאוֺת שְׁאֵרִית
יֺוסֵף׃ ס
Amos 5.16
לָכֵן כֹּה־אָמַר יְהוָה אֱלֹהֵי
צְבָאוֺת אֲדֹנָי בְּכָל־רְחֹבוֺת
מִסְפֵּד וּבְכָל־חוּצוֺת יֺאמְרוּ
הוֺ־הוֺ וְקָרְאוּ אִכָּר אֶל־אֵבֶל
וּמִסְֳֵ אֶל־יֺודְעֵי נֶהִי׃
Amos 5.17
וּבְכָל־כְּרָמִים מִסְפֵּד כִּי־אֶעֱבֹר
בְּקִרְבְּךָ אָמַר יְהוָה׃ ס
Amos 5.18
הוֺי הַמִּתְאַוִּים אֶת־יֺום יְהוָה
לָמָּה־זֶּה לָכֶם יֺום יְהוָה הוּא־חֹשֶׁך
וְלֹא־אוֺר׃
Amos 5.19
כַּאֲשֶׁר יָנוּס אִישׁ מִפְּנֵי הָאֲרִי
וּפְגָעוֺ הַדֹּב וּבָא הַבַּיִת וְסָמַך
יָדוֺ עַל־הַקִּיר וּנְשָׁכוֺ הַנָּחָשׁ׃
Amos 5.20
הֲלֹא־חֹשֶׁך יֺום יְהוָה וְלֹא־אוֺר
וְאָפֵל וְלֹא־נֺגַהּ לוֺ׃
Amos 5.21
שָׂנֵאתִי מָאַסְתִּי חַגֵּיכֶם וְלֹא
אָרִיחַ בְּעַצְּרֹתֵיכֶם׃
Amos 5.22
כִּי אִמ־תַּעֲלוּ־לִי עֹלוֺת וּמִנְחֹתֵיכֶם
לֹא אֶרְצֶה וְשֶׁלֶם מְרִיאֵיכֶם
לֹא אַבִּיט׃
Amos 5.23
הָסֵר מֵעָלַי הֲמוֺן שִׁרֶיךָ וְזִמְרַת
נְבָלֶיךָ לֹא אֶשְׁמָע׃
Amos 5.24
וְיִגַּל כַּמַּיִם מִשְׁפָּט וּצְדָקָה
כְּנַחַל אֵיתָן׃
Amos 5.25
הַזְּבָחִים וּמִנְחָה הִגַּשְׁתֶּמ־לִי
בַמִּדְבָּר אַרְבָּעִים שָׁנָה בֵּית
יִשְׂרָאֵל׃
Amos 5.26
וּנְשָׂאתֶם אֵת סִכּוּת מַלְכְּכֶם
וְאֵת כִּיּוּן צַלְמֵיכֶם כּוֺכַב
אֱלֹהֵיכֶם אֲשֶׁר עֲשִׂיתֶם לָכֶם׃
Amos 5.27
וְהִגְלֵיתִי אֶתְכֶם מֵהָלְאָה לְדַמָּשֶׂק
אָמַר יְהוָה אֱלֹהֵי־צְבָאוֺת
שְׁמוֺ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT