e) Schönbrunn, 1837. május 31.
e) Schönbrunn, 1837. május 31.
V. Ferdinánd elhatározása: jóváhagyva a Kancellária felségsértési bizottságának előterjesztését, elrendeli, hogy Kossuth ellen haladéktalanul indítsanak hűtlenségi pert.
Probata commissionis opinione penes remissionem actorum advolutis causarum regalium directori remonstrationibus adjacentium via judicis curiae regiae indilate disponi volo, ut Ludovicus Kossuth mox actione Fisci Regii ad poenam notae infidelitatis conveniatur, hocve scopo sine mora benevolo examini ea, quam gravitas rei deposcit, cum circumspectione subjiciatur, conquisitisve solertissime aliis etiam, quam quae jam praesto sunt, contra illum probis, celeriori processus pertractationi et conclusioni omnimode intendatur; a contemporanea porro ceterorum in praeadnexa causarmri regalium directoris relatione memoratorum individuorum ad consortium litis evocatione praescindatur, si qui tamen ex his aut aliis etiam, peracto Ludovici Kossuth examine, seu per fassionem illius, seu per alia accommoda documenta positivae complicitatis proba gravati fuerint, hi in complexum litis suppletorie evocentur; hoc nihilominus sub obtutu causarum regalium director medio peculiarium praesidialium eo invietur, ut evenientes hujusmodi complicitatis casus, praevie semper actutum cancellario et quidem cum productione concernentium adminiculorum insinuet Mihi per commisionem hanc comite opinione substernendos. Ita non absimiliter causarum regalium director districtim inviandus est, ut occasione excipiendae a Ludovico Kossuth fassionis peculiari attentione prosequatur imputationes assessori Tabulae Regiae Francisco Földváry factas hasve pro ratione evolventium semet circumstantiarum secus etiam debito cum rigore investiget, resultatum vero ad notitiam personalis (qui eatenus in antecessum jam fiducialiter edocendus est) pro ulteriori officiose pertractatione perferat ac una cancellario quoque insinuet.
Reliquum praesentis propositionis contextum pro notitia suscipio, de resultate vero exigendae informationis ad calcem illius memoratae ulteriorem relationem praestolor.
Schönbrunn, die 31-a Maii 1837.
Ferdinand mp.
Eredeti tisztázat. OL Kanc. eln. 1837: 896.
A döntésről Pálffy június 1-én (fogalm.: Bartal) futárral értesítette Cziráky országbírót, Beöthy királyi jogügyigazgatót és Somssich Pongrác személynököt (OL Kanc. eln. 1837: 896.).
