Os 11

Teljes szövegű keresés

Os 11
Os 11.1
sicuti mane transit pertransiit rex Israhel quia puer Israhel et dilexi eum et ex Aegypto vocavi filium meum
Os 11.2
vocaverunt eos sic abierunt a facie eorum Baalim immolabant et simulacris sacrificabant
Os 11.3
et ego quasi nutricius Ephraim portabam eos in brachiis meis et nescierunt quod curarem eos
Os 11.4
in funiculis Adam traham eos in vinculis caritatis et ero eis quasi exaltans iugum super maxillas eorum et declinavi ad eum ut vesceretur
Os 11.5
non revertetur in terram Aegypti et Assur ipse rex eius quoniam noluerunt converti
Os 11.6
coepit gladius in civitatibus eius et consumet electos eius et comedet capita eorum
Os 11.7
et populus meus pendebit ad reditum meum iugum autem inponetur ei simul quod non auferetur
Os 11.8
quomodo dabo te Ephraim protegam te Israhel quomodo dabo te sicut Adama ponam te ut Seboim conversum est in me cor meum pariter conturbata est paenitudo mea
Os 11.9
non faciam furorem irae meae non convertar ut disperdam Ephraim quoniam Deus ego et non homo in medio tui Sanctus et non ingrediar civitatem
Os 11.10
post Dominum ambulabunt quasi leo rugiet quia ipse rugiet et formidabunt filii maris
Os 11.11
et avolabunt quasi avis ex Aegypto et quasi columba de terra Assyriorum et conlocabo eos in domibus suis dicit Dominus
Os 11.12
circumdedit me in negatione Ephraim et in dolo domus Israhel Iudas autem testis descendit cum Deo et cum sanctis fidelis

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT