Ps 93
Ps 93
Ps 93.1
Deus ultionum Domine Deus ultionum ostendere
Ps 93.2
elevare qui iudicas terram redde vicissitudinem superbis
Ps 93.3
usquequo impii Domine usquequo impii exultabunt
Ps 93.4
fluent loquentes antiquum garrient omnes qui operantur iniquitatem
Ps 93.5
populum tuum Domine conterent et hereditatem tuam adfligent
Ps 93.6
viduam et advenam interficient et pupillos occident
Ps 93.7
et dixerunt non videbit Dominus et non intelleget Deus Iacob
Ps 93.8
intellegite stulti in populo et insipientes aliquando discite
Ps 93.9
qui plantavit aurem non audiet aut qui finxit oculum non videbit
Ps 93.10
qui erudit gentes non arguet qui docet hominem scientiam
Ps 93.11
Dominus novit cogitationes hominum quia vanae sunt
Ps 93.12
beatus vir quem erudieris Domine et de lege tua docueris eum
Ps 93.13
ut quiescat a diebus adflictionis donec fodiatur impio interitus
Ps 93.14
non enim derelinquet Dominus populum suum et hereditatem suam non deseret
Ps 93.15
quoniam ad iustitiam revertetur iudicium et sequentur illud omnes recti corde
Ps 93.16
quis stabit pro me adversum malos quis stabit pro me adversum operarios iniquitatis
Ps 93.17
nisi quia Dominus auxiliator meus paulo minus habitasset in inferno anima mea
Ps 93.18
si dicebam commotus est pes meus misericordia tua Domine sustentabat me
Ps 93.19
in multitudine cogitationum mearum quae sunt in me intrinsecus consolationes tuae delectabunt animam meam
Ps 93.20
numquid particeps erit tui thronus insidiarum fingens laborem in praecepto
Ps 93.21
copulabuntur adversus animam iusti et sanguinem innocentem condemnabunt
Ps 93.22
erit autem Dominus mihi in refugium et Deus meus quasi petra spei meae
Ps 93.23
et restitues super eos iniquitatem suam et in malitia sua perdes eos perdet eos Dominus Deus noster
