Ps 80
Ps 80
Ps 80.1
victori in torcularibus Asaph
Ps 80.2
laudate Deum fortitudinem nostram iubilate Deo Iacob
Ps 80.3
adsumite carmen et date tympanum citharam decoram cum psalterio
Ps 80.4
clangite in neomenia bucina et in medio mense die sollemnitatis nostrae
Ps 80.5
quia legitimum Israhel est et iudicium Dei Iacob
Ps 80.6
testimonium in Ioseph posuit cum egrederetur terra Aegypti labium quod nesciebam audivi
Ps 80.7
amovi ab onere umerum eius manus eius a cofino recesserunt
Ps 80.8
in tribulatione invocasti et erui te exaudivi te in abscondito tonitrui probavi te super aquam Contradictionis semper
Ps 80.9
audi populus meus et contestor te Israhel si audieris me
Ps 80.10
non sit in te deus alienus et non adores deum peregrinum
Ps 80.11
ego sum Dominus Deus tuus qui eduxi te de terra Aegypti dilata os tuum et implebo illud
Ps 80.12
et non audivit populus meus vocem meam et Israhel non credidit mihi
Ps 80.13
et dimisi eum in pravitate cordis sui ambulabunt in consiliis suis
Ps 80.14
utinam populus meus audisset me Israhel in viis meis ambulasset
Ps 80.15
quasi nihilum inimicos eius humiliassem et super hostes eorum vertissem manum meam
Ps 80.16
qui oderunt Dominum negabunt eum et erit tempus eorum in saeculo
Ps 80.17
et cibavit eos de adipe frumenti et de petra mellis saturavit eos
