Ps 5
Ps 5
Ps 5.1
victori pro hereditatibus canticum David
Ps 5.2
verba mea audi Domine intellege murmur meum
Ps 5.3
rex meus et Deus meus
Ps 5.4
quia te deprecor Domine mane audies vocem meam
Ps 5.5
mane praeparabor ad te et contemplabor quoniam non es deus volens iniquitatem tu
Ps 5.6
nec habitabit iuxta te malignus non stabunt iniqui in conspectu oculorum tuorum
Ps 5.7
odisti omnes operantes iniquitatem perdes loquentes mendacium virum sanguinum et dolosum abominabitur Dominus
Ps 5.8
ego autem in multitudine misericordiae tuae introibo in domum tuam adorabo in templo sancto tuo in timore tuo
Ps 5.9
Domine deduc me in iustitia tua propter insidiatores meos dirige ante faciem meam viam tuam
Ps 5.10
non est enim in ore eorum rectum interiora eorum insidiae
Ps 5.11
sepulchrum patens guttur eorum linguam suam levificant condemna eos Deus decidant a consiliis suis iuxta multitudinem scelerum eorum expelle eos quoniam provocaverunt te
Ps 5.12
et laetentur omnes qui sperant in te in perpetuum laudabunt et proteges eos et laetabuntur in te qui diligunt nomen tuum
Ps 5.13
quia tu benedices iusto Domine ut scuto placabilitatis coronabis eum
