Ps 29
Ps 29
Ps 29.1
psalmus cantici pro dedicatione domus David
Ps 29.2
exaltabo te Domine quoniam salvasti me et non delectasti inimicos meos super me
Ps 29.3
Domine Deus meus clamavi ad te et sanasti me
Ps 29.4
Domine eduxisti de inferno animam meam vivificasti me ne descenderem in lacum
Ps 29.5
cantate Domino sancti eius et confitemini memoriae sanctitatis eius
Ps 29.6
quoniam ad momentum est ira eius et vita in repropitiatione eius ad vesperum commorabitur fletus et in matutino laus
Ps 29.7
ego autem dixi in abundantia mea non commovebor in sempiternum
Ps 29.8
Domine in voluntate tua posuisti monti meo fortitudinem abscondisti faciem tuam et factus sum conturbatus
Ps 29.9
ad Dominum clamabo et Dominum deprecabor
Ps 29.10
quae est utilitas in sanguine meo cum descendero in corruptionem numquid confitebitur tibi pulvis aut adnuntiabit veritatem tuam
Ps 29.11
audi Domine et miserere mei Domine esto adiutor
Ps 29.12
convertisti planctum meum in chorum mihi solvisti saccum meum et accinxisti me laetitia
Ps 29.13
ut laudet te gloria et non taceat Domine Deus meus in sempiternum confitebor tibi
