Jo 1

Teljes szövegű keresés

Jo 1
Jo 1.1
in principio erat Verbum et Verbum erat apud Deum et Deus erat Verbum
Jo 1.2
hoc erat in principio apud Deum
Jo 1.3
omnia per ipsum facta sunt et sine ipso factum est nihil quod factum est
Jo 1.4
in ipso vita erat et vita erat lux hominum et lux in tenebris lucet et tenebrae eam non conprehenderunt
Jo 1.5
fuit homo missus a Deo cui nomen erat Iohannes
Jo 1.6
hic venit in testimonium ut testimonium perhiberet de lumine ut omnes crederent per illum
Jo 1.7
non erat ille lux sed ut testimonium perhiberet de lumine
Jo 1.8
erat lux vera quae inluminat omnem hominem venientem in mundum
Jo 1.9
in mundo erat et mundus per ipsum factus est et mundus eum non cognovit
Jo 1.10
in propria venit et sui eum non receperunt
Jo 1.11
quotquot autem receperunt eum dedit eis potestatem filios Dei fieri his qui credunt in nomine eius
Jo 1.12
qui non ex sanguinibus neque ex voluntate carnis neque ex voluntate viri sed ex Deo nati sunt
Jo 1.13
et Verbum caro factum est et habitavit in nobis et vidimus gloriam eius gloriam quasi unigeniti a Patre plenum gratiae et veritatis
Jo 1.14
Iohannes testimonium perhibet de ipso et clamat dicens hic erat quem dixi vobis qui post me venturus est ante me factus est quia prior me erat
Jo 1.15
et de plenitudine eius nos omnes accepimus et gratiam pro gratia
Jo 1.16
quia lex per Mosen data est gratia et veritas per Iesum Christum facta est
Jo 1.17
Deum nemo vidit umquam unigenitus Filius qui est in sinu Patris ipse enarravit
Jo 1.18
et hoc est testimonium Iohannis quando miserunt Iudaei ab Hierosolymis sacerdotes et Levitas ad eum ut interrogarent eum tu quis es
Jo 1.19
et confessus est et non negavit et confessus est quia non sum ego Christus
Jo 1.20
et interrogaverunt eum quid ergo Helias es tu et dicit non sum propheta es tu et respondit non
Jo 1.21
dixerunt ergo ei quis es ut responsum demus his qui miserunt nos quid dicis de te ipso
Jo 1.22
ait ego vox clamantis in deserto dirigite viam Domini sicut dixit Esaias propheta
Jo 1.23
et qui missi fuerant erant ex Pharisaeis
Jo 1.24
et interrogaverunt eum et dixerunt ei quid ergo baptizas si tu non es Christus neque Helias neque propheta
Jo 1.25
respondit eis Iohannes dicens ego baptizo in aqua medius autem vestrum stetit quem vos non scitis
Jo 1.26
ipse est qui post me venturus est qui ante me factus est cuius ego non sum dignus ut solvam eius corrigiam calciamenti
Jo 1.27
haec in Bethania facta sunt trans Iordanen ubi erat Iohannes baptizans
Jo 1.28
altera die videt Iohannes Iesum venientem ad se et ait ecce agnus Dei qui tollit peccatum mundi
Jo 1.29
hic est de quo dixi post me venit vir qui ante me factus est quia prior me erat
Jo 1.30
et ego nesciebam eum sed ut manifestaretur Israhel propterea veni ego in aqua baptizans
Jo 1.31
et testimonium perhibuit Iohannes dicens quia vidi Spiritum descendentem quasi columbam de caelo et mansit super eum
Jo 1.32
et ego nesciebam eum sed qui misit me baptizare in aqua ille mihi dixit super quem videris Spiritum descendentem et manentem super eum hic est qui baptizat in Spiritu Sancto
Jo 1.33
et ego vidi et testimonium perhibui quia hic est Filius Dei
Jo 1.34
altera die iterum stabat Iohannes et ex discipulis eius duo
Jo 1.35
et respiciens Iesum ambulantem dicit ecce agnus Dei
Jo 1.36
et audierunt eum duo discipuli loquentem et secuti sunt Iesum
Jo 1.37
conversus autem Iesus et videns eos sequentes dicit eis quid quaeritis qui dixerunt ei rabbi quod dicitur interpretatum magister ubi habitas
Jo 1.38
dicit eis venite et videte venerunt et viderunt ubi maneret et apud eum manserunt die illo hora autem erat quasi decima
Jo 1.39
erat autem Andreas frater Simonis Petri unus ex duobus qui audierant ab Iohanne et secuti fuerant eum
Jo 1.40
invenit hic primum fratrem suum Simonem et dicit ei invenimus Messiam quod est interpretatum Christus
Jo 1.41
et adduxit eum ad Iesum intuitus autem eum Iesus dixit tu es Simon filius Iohanna tu vocaberis Cephas quod interpretatur Petrus
Jo 1.42
in crastinum voluit exire in Galilaeam et invenit Philippum et dicit ei Iesus sequere me
Jo 1.43
erat autem Philippus a Bethsaida civitate Andreae et Petri
Jo 1.44
invenit Philippus Nathanahel et dicit ei quem scripsit Moses in lege et prophetae invenimus Iesum filium Ioseph a Nazareth
Jo 1.45
et dixit ei Nathanahel a Nazareth potest aliquid boni esse dicit ei Philippus veni et vide
Jo 1.46
vidit Iesus Nathanahel venientem ad se et dicit de eo ecce vere Israhelita in quo dolus non est
Jo 1.47
dicit ei Nathanahel unde me nosti respondit Iesus et dixit ei priusquam te Philippus vocaret cum esses sub ficu vidi te
Jo 1.48
respondit ei Nathanahel et ait rabbi tu es Filius Dei tu es rex Israhel
Jo 1.49
respondit Iesus et dixit ei quia dixi tibi vidi te sub ficu credis maius his videbis
Jo 1.50
et dicit ei amen amen dico vobis videbitis caelum apertum et angelos Dei ascendentes et descendentes supra Filium hominis

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT