1Thes 5

Teljes szövegű keresés

1Thes 5
1Thes 5.1
de temporibus autem et momentis fratres non indigetis ut scribamus vobis
1Thes 5.2
ipsi enim diligenter scitis quia dies Domini sicut fur in nocte ita veniet
1Thes 5.3
cum enim dixerint pax et securitas tunc repentinus eis superveniet interitus sicut dolor in utero habenti et non effugient
1Thes 5.4
vos autem fratres non estis in tenebris ut vos dies ille tamquam fur conprehendat
1Thes 5.5
omnes enim vos filii lucis estis et filii diei non sumus noctis neque tenebrarum
1Thes 5.6
igitur non dormiamus sicut ceteri sed vigilemus et sobrii simus
1Thes 5.7
qui enim dormiunt nocte dormiunt et qui ebrii sunt nocte ebrii sunt
1Thes 5.8
nos autem qui diei sumus sobrii simus induti loricam fidei et caritatis et galeam spem salutis
1Thes 5.9
quoniam non posuit nos Deus in iram sed in adquisitionem salutis per Dominum nostrum Iesum Christum
1Thes 5.10
qui mortuus est pro nobis ut sive vigilemus sive dormiamus simul cum illo vivamus
1Thes 5.11
propter quod consolamini invicem et aedificate alterutrum sicut et facitis
1Thes 5.12
rogamus autem vos fratres ut noveritis eos qui laborant inter vos et praesunt vobis in Domino et monent vos
1Thes 5.13
ut habeatis illos abundantius in caritate propter opus illorum pacem habete cum eis
1Thes 5.14
rogamus autem vos fratres corripite inquietos consolamini pusillianimes suscipite infirmos patientes estote ad omnes
1Thes 5.15
videte ne quis malum pro malo alicui reddat sed semper quod bonum est sectamini et in invicem et in omnes
1Thes 5.16
semper gaudete
1Thes 5.17
sine intermissione orate in omnibus gratias agite haec enim voluntas Dei est in Christo Iesu in omnibus vobis
1Thes 5.18
Spiritum nolite extinguere
1Thes 5.19
prophetias nolite spernere omnia autem probate quod bonum est tenete
1Thes 5.20
ab omni specie mala abstinete vos
1Thes 5.21
ipse autem Deus pacis sanctificet vos per omnia et integer spiritus vester et anima et corpus sine querella in adventu Domini nostri Iesu Christi servetur
1Thes 5.22
fidelis est qui vocavit vos qui etiam faciet
1Thes 5.23
fratres orate pro nobis
1Thes 5.24
salutate fratres omnes in osculo sancto
1Thes 5.25
adiuro vos per Dominum ut legatur epistula omnibus sanctis fratribus
1Thes 5.26
gratia Domini nostri Iesu Christi vobiscum amen

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT