Thr 4

Teljes szövegű keresés

Thr 4
Thr 4.1
אֵיכָה יוּעַם זָהָב יִשְׁנֶא הַכֶּתֶם
הַטּוֺב תִּשְׁתַּפֵּכְנָה אַבְנֵי־קֹדֶשׁ
בְּרֹאשׁ כָּל־חוּצוֺת׃ ס
Thr 4.2
בְּנֵי צִיֺּון הַיְקָרִים הַמְסֻלָּאִים
בַּפָּז אֵיכָה נֶחְשְׁבוּ לְנִבְלֵי־חֶרֶשׂ
מַעֲשֵׂה יְדֵי יֺוצֵר׃ ס
Thr 4.3
גַּמ־תַּנִּין 2 תַּנִּים חָלְצוּ שַׁד
הֵינִיקוּ גּוּרֵיהֶן בַּת־עַמִּי
לְאַכְזָר 1 כִּי 1 עֵנִים 2 כַּיְעֵנִים
בַּמִּדְבָּר׃ ס
Thr 4.4
דָּבַק לְשׁוֺן יֺונֵק אֶל־חִכּוֺ
בַּצָּמָא עוֺלָלִים שָׁאֲלוּ לֶחֶם
פֹּרֵשׂ אֵין לָהֶם׃ ס
Thr 4.5
הָאֹכְלִים לְמַעֲדַנִּים נָשַׁמּוּ בַּחוּצוֺת
הָאֱמֻנִים עֲלֵי תוֺלָע חִבְּקוּ
אַשְׁפַּתּוֺת׃ ס
Thr 4.6
וַיִּגְדַּל עֲוֺן בַּת־עַמִּי מֵחַטַּאת
סְדֹם הַהֲפוּכָה כְמוֺ־רָגַע וְלֹא־חָלוּ
בָהּ יָדָיִם׃ ס
Thr 4.7
זַכּוּ נְזִירֶיהָ מִשֶּׁלֶג צַחוּ מֵחָלָב
אָדְמוּ עֶצֶם מִפְּנִינִים סַפִּיר
גִּזְרָתָם׃ ס
Thr 4.8
חָשַׁך מִשְּׁחוֺר תָּאֳרָם לֹא נִכְּרוּ
בַּחוּצוֺת צָפַד עוֺרָם עַל־עַצְמָם
יָבֵשׁ הָיָה כָעֵץ׃ ס
Thr 4.9
טוֺבִים הָיוּ חַלְלֵי־חֶרֶב מֵחַלְלֵי
רָעָב שֶׁהֵם יָזוּבוּ מְדֻקָּרִים
מִתְּנוּבֹת שָׂדָי׃ ס
Thr 4.10
יְדֵי נָשִׁים רַחֲמָנִיֺּות בִּשְּׁלוּ
יַלְדֵיהֶן הָיוּ לְבָרוֺת לָמוֺ
בְּשֶׁבֶר בַּת־עַמִּי׃ ס
Thr 4.11
כִּלָּה יְהוָה אֶת־חֲמָתוֺ שָׁפַך
חֲרוֺן אַפּוֺ וַיַּצֶּת־אֵשׁ בְּצִיֺּון
וַתֹּאכַל יְסוֺדֹתֶיהָ׃ ס
Thr 4.12
לֹא הֶאֱמִינוּ מַלְכֵי־אֶרֶץ 1 וְכֹל 2 כֹּל
יֺשְׁבֵי תֵבֵל כִּי יָבֹא צַר וְאוֺיֵב
בְּשַׁעֲרֵי יְרוּשָׁלִָם׃ ס
Thr 4.13
מֵחַטֹּאת נְבִיאֶיהָ עֲוֺנֺות כֹּהֲנֶיהָ
הַשֹּׁפְכִים בְּקִרְבָּהּ דַּם צַדִּיקִים׃
ס
Thr 4.14
נָעוּ עִוְרִים בַּחוּצוֺת נְגֺאֲלוּ
בַּדָּם בְּלֹא יוּכְלוּ יִגְּעוּ בִּלְבֻשֵׁיהֶם׃
ס
Thr 4.15
סוּרוּ טָמֵא קָרְאוּ לָמוֺ סוּרוּ
סוּרוּ אַל־תִּגָּעוּ כִּי נָצוּ
גַּמ־נָעוּ אָמְרוּ בַּגֺּויִם לֹא
יֺוסִיפוּ לָגוּר׃ ס
Thr 4.16
פְּנֵי יְהוָה חִלְּקָם לֹא יֺוסִיף
לְהַבִּיטָם פְּנֵי כֹהֲנִים לֹא
נָשָׂאוּ 1 זְקֵנִים 2 וּזְקֵנִימםְ לֹא
חָנָנוּ׃ ס
Thr 4.17
עוֺדֵינָה 2 עוֺדֵינוּ תִּכְלֶינָה
עֵינֵינוּ אֶל־עֶזְרָתֵנוּ הָבֶל
בְּצִפִּיָּתֵנוּ צִפִּינוּ אֶל־גֺּוי
לֹא יֺושִׁעַ׃ ס
Thr 4.18
צָדוּ צְעָדֵינוּ מִלֶּכֶת בִּרְחֹבֹתֵינוּ
קָרַב קִצֵּינוּ מָלְאוּ יָמֵינוּ
כִּי־בָא קִצֵּינוּ׃ ס
Thr 4.19
קַלִּים הָיוּ רֹדְפֵינוּ מִנִּשְׁרֵי
שָׁמָיִם עַל־הֶהָרִים דְּלָקֻנוּ
בַּמִּדְבָּר אָרְבוּ לָנוּ׃ ס
Thr 4.20
רוּחַ אַפֵּינוּ מְשִׁיחַ יְהוָה נִלְכַּד
בִּשְׁחִיתוֺתָם אֲשֶׁר אָמַרְנוּ בְּצִלּוֺ
נִחְיֶה בַגֺּויִם׃ ס
Thr 4.21
שִׂישִׂי וְשִׂמְחִי בַּת־אֱדוֺם 1 יֺושַׁבְתִּי 2 יֺושֶׁבֶת
בְּאֶרֶץ עוּץ גַּמ־עָלַיִך תַּעֲבָר־כּוֺס
תִּשְׁכְּרִי וְתִתְעָרִי׃ ס
Thr 4.22
תַּמ־עֲוֺנֵך בַּת־צִיֺּון לֹא יֺוסִיף
לְהַגְלוֺתֵך פָּקַד עֲוֺנֵך בַּת־אֱדוֺם
גִּלָּה עַל־חַטֹּאתָיִך׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT