Prov 6

Teljes szövegű keresés

Prov 6
Prov 6.1
בְּנִי אִמ־עָרַבְתָּ לְרֵעֶךָ תָּקַעְתָ
לַזָּר כַּפֶּיךָ׃
Prov 6.2
נֺוקַשְׁתָּ בְאִמְרֵי־פִיךָ נִלְכַּדְתָּ
בְּאִמְרֵי־פִיךָ׃
Prov 6.3
עֲשֵׂה זֺאת אֵפוֺא בְּנִי וְהִנָּצֵל
כִּי בָאתָ בְכַפ־רֵעֶךָ לֵך הִתְרַפֵּס
וּרְהַב רֵעֶיךָ׃
Prov 6.4
אַל־תִּתֵּן שֵׁנָה לְעֵינֶיךָ וּתְנוּמָה
לְעַפְעַפֶּיךָ׃
Prov 6.5
הִנָּצֵל כִּצְבִי מִיָּד וּכְצִפּוֺר
מִיַּד יָקוּשׁ׃ ף
Prov 6.6
לֵכְ־אֶל־נְמָלָה עָצֵל רְאֵה דְרָכֶיהָ
וַחֲכָם׃
Prov 6.7
אֲשֶׁר אֵינ־לָהּ קָצִין שֹׁטֵר וּמֹשֵׁל׃
Prov 6.8
תָּכִין בַּקַּיִץ לַחְמָהּ אָגְרָה בַקָּצִיר
מַאֲכָלָהּ׃
Prov 6.9
עַד־מָתַי עָצֵל תִּשְׁכָּב מָתַי תָּקוּם
מִשְּׁנָתֶךָ׃
Prov 6.10
מְעַט שֵׁנֺות מְעַט תְּנוּמוֺת מְעַט
חִבֻּק יָדַיִם לִשְׁכָּב׃
Prov 6.11
וּבָא־כִמְהַלֵּך רֵאשֶׁךָ וּמַחְסֹרְךָ
כְּאִישׁ מָגֵן׃ ף
Prov 6.12
אָדָם בְּלִיַּעַל אִישׁ אָוֶן הוֺלֵך
עִקְּשׁוּת פֶּה׃
Prov 6.13
קֹרֵץ 1 בְּעֵינֺו 2 בְּעֵינָיו מֹלֵל 1 בְּרַגְלוֺ 2 בְּרַגְלָיו
מֹרֶה בְּאֶצְבְּעֹתָיו׃
Prov 6.14
תַּהְפֻּכוֺת בְּלִבּוֺ חֹרֵשׁ רָע בְּכָל־עֵת 1 מְדָנִים 2 מִדְיָנִים
יְשַׁלֵּחַ׃
Prov 6.15
עַל־כֵּן פִּתְאֹם יָבוֺא אֵידוֺ
פֶּתַע יִשָּׁבֵר וְאֵין מַרְפֵּא׃ ף
Prov 6.16
שֶׁשׁ־הֵנָּה שָׂנֵא יְהוָה וְשֶׁבַע 1 תּוֺעֲבוֺת 2 תּוֺעֲבַת
נַפְשׁוֺ׃
Prov 6.17
עֵינַיִם רָמוֺת לְשׁוֺן שָׁקֶר וְיָדַיִם
שֹׁפְכוֺת דָּמ־נָקִי׃
Prov 6.18
לֵב חֹרֵשׁ מַחְשְׁבוֺת אָוֶן רַגְלַיִם
מְמַהֲרוֺת לָרוּץ לָרָעָה׃
Prov 6.19
יָפִיחַ כְּזָבִים עֵד שָׁקֶר וּמְשַׁלֵּחַ
מְדָנִים בֵּין אַחִים׃ ף
Prov 6.20
נְצֹר בְּנִי מִצְוַת אָבִיךָ וְאַל־תִּטֹּשׁ
תּוֺרַת אִמֶּךָ׃
Prov 6.21
קָשְׁרֵם עַל־לִבְּךָ תָמִיד עָנְדֵם
עַל־גַּרְגְּרֹתֶךָ׃
Prov 6.22
בְּהִתְהַלֶּכְךָ תַּנְחֶה אֹתָך בְּשָׁכְבְּךָ
תִּשְׁמֹר עָלֶיךָ וַהֲקִיצוֺתָ הִיא
תְשִׂיחֶךָ׃
Prov 6.23
כִּי נֵר מִצְוָה וְתוֺרָה אוֺר
וְדֶרֶך חַיִּים תּוֺכְחוֺת מוּסָר׃
Prov 6.24
לִשְׁמָרְךָ מֵאֵשֶׁת רָע מֵחֶלְקַת
לָשׁוֺן נָכְרִיָּה׃
Prov 6.25
אַל־תַּחְמֹד יָפְיָהּ בִּלְבָבֶךָ וְאַל־תִּקָּחֲךָ
בְּעַפְעַפֶּיהָ׃
Prov 6.26
כִּי בְעַד־אִשָּׁה זֺונָה עַד־כִּכַּר
לָחֶם וְאֵשֶׁת אִישׁ נֶפֶשׁ יְקָרָה
תָצוּד׃ ף
Prov 6.27
הֲיַחְתֶּה אִישׁ אֵשׁ בְּחֵיקוֺ וּבְגָדָיו
לֹא תִשָּׂרַפְנָה׃
Prov 6.28
אִמ־יְהַלֵּך אִישׁ עַל־הַגֶּחָלִים
וְרַגְלָיו לֹא תִכָּוֶינָה׃
Prov 6.29
כֵּן הַבָּא אֶל־אֵשֶׁת רֵעֵהוּ לֹא
יִנָּקֶה כָּל־הַנֺּגֵעַ בָּהּ׃
Prov 6.30
לֹא־יָבוּזוּ לַגַּנָּב כִּי יִגְנֺוב
לְמַלֵּא נַפְשׁוֺ כִּי יִרְעָב׃
Prov 6.31
וְנִמְצָא יְשַׁלֵּם שִׁבְעָתָיִם אֶת־כָּל־הוֺן
בֵּיתוֺ יִתֵּן׃
Prov 6.32
נֺאֵף אִשָּׁה חֲסַר־לֵב מַשְׁחִית
נַפְשׁוֺ הוּא יַעֲשֶׂנָּה׃
Prov 6.33
נֶגַע־וְקָלוֺן יִמְצָא וְחֶרְפָּתוֺ
לֹא תִמָּחֶה׃
Prov 6.34
כִּי־קִנְאָה חֲמַת־גָּבֶר וְלֹא־יַחְמוֺל
בְּיֺום נָקָם׃
Prov 6.35
לֹא־יִשָּׂא פְּנֵי כָל־כֹּפֶר וְלֹא־יֺאבֶה
כִּי תַרְבֶּה־שֹׁחַד׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT