Prov 4

Teljes szövegű keresés

Prov 4
Prov 4.1
שִׁמְעוּ בָנִים מוּסַר אָב וְהַקְשִׁיבוּ
לָדַעַת בִּינָה׃
Prov 4.2
כִּי לֶקַח טוֺב נָתַתִּי לָכֶם תּוֺרָתִי
אַל־תַּעֲזֺבוּ׃
Prov 4.3
כִּי־בֵן הָיִיתִי לְאָבִי רַך וְיָחִיד
לִפְנֵי אִמִּי׃
Prov 4.4
וַיֺּרֵנִי וַיֺּאמֶר לִי יִתְמָכְ־דְּבָרַי
לִבֶּךָ שְׁמֹר מִצְוֺתַי וֶחְיֵה׃
Prov 4.5
קְנֵה חָכְמָה קְנֵה בִינָה אַל־תִּשְׁכַּח
וְאַל־תֵּט מֵאִמְרֵי־פִי׃
Prov 4.6
אַל־תַּעַזְבֶהָ וְתִשְׁמְרֶךָּ אֱהָבֶהָ
וְתִצְּרֶךָּ׃
Prov 4.7
רֵאשִׁית חָכְמָה קְנֵה חָכְמָה וּבְכָל־קִנְיָנְךָ
קְנֵה בִינָה׃
Prov 4.8
סַלְסְלֶהָ וּתְרוֺמְמֶךָּ תְּכַבֵּדְךָ כִּי
תְחַבְּקֶנָּה׃
Prov 4.9
תִּתֵּן לְרֹאשְׁךָ לִוְיַת־חֵן עֲטֶרֶת
תִּפְאֶרֶת תְּמַגְּנֶךָּ׃
Prov 4.10
שְׁמַע בְּנִי וְקַח אֲמָרָי וְיִרְבּוּ
לְךָ שְׁנֺות חַיִּים׃
Prov 4.11
בְּדֶרֶך חָכְמָה הֹרֵתִיךָ הִדְרַכְתִּיךָ
בְּמַעְגְּלֵי־יֺשֶׁר׃
Prov 4.12
בְּלֶכְתְּךָ לֹא־יֵצַר צַעֲדֶךָ וְאִמ־תָּרוּץ
לֹא תִכָּשֵׁל׃
Prov 4.13
הַחֲזֵק בַּמּוּסָר אַל־תֶּרֶף נִצְּרֶהָ
כִּי־הִיא חַיֶּיךָ׃
Prov 4.14
בְּאֹרַח רְשָׁעִים אַל־תָּבֹא וְאַל־תְּאַשֵּׁר
בְּדֶרֶך רָעִים׃
Prov 4.15
פְּרָעֵהוּ אַל־תַּעֲבָר־בּוֺ שְׂטֵה
מֵעָלָיו וַעֲבוֺר׃
Prov 4.16
כִּי לֹא יִשְׁנוּ אִמ־לֹא יָרֵעוּ
וְנִגְזְלָה שְׁנָתָם אִמ־לֹא 1 יִכְשׁוֺלוּ 2 יַכְשִׁילוּ׃
Prov 4.17
כִּי לָחֲמוּ לֶחֶם רֶשַׁע וְיֵין
חֲמָסִים יִשְׁתּוּ׃
Prov 4.18
וְאֹרַח צַדִּיקִים כְּאוֺר נֺגַהּ
הוֺלֵך וָאוֺר עַד־נְכוֺן הַיֺּום׃
Prov 4.19
דֶּרֶך רְשָׁעִים כָּאֲפֵלָה לֹא יָדְעוּ
בַּמֶּה יִכָּשֵׁלוּ׃ ף
Prov 4.20
בְּנִי לִדְבָרַי הַקְשִׁיבָה לַאֲמָרַי
הַט־אָזְנֶךָ׃
Prov 4.21
אַל־יַלִּיזוּ מֵעֵינֶיךָ שָׁמְרֵם
בְּתוֺך לְבָבֶךָ׃
Prov 4.22
כִּי־חַיִּים הֵם לְמֹצְאֵיהֶם וּלְכָל־בְּשָׂרוֺ
מַרְפֵּא׃
Prov 4.23
מִכָּל־מִשְׁמָר נְצֹר לִבֶּךָ כִּי־מִמֶּנּוּ
תּוֺצְאוֺת חַיִּים׃
Prov 4.24
הָסֵר מִמְּךָ עִקְּשׁוּת פֶּה וּלְזוּת
שְׂפָתַיִם הַרְחֵק מִמֶּךָּ׃
Prov 4.25
עֵינֶיךָ לְנֺכַח יַבִּיטוּ וְעַפְעַפֶּיךָ
יַיְשִׁרוּ נֶגְדֶּךָ׃
Prov 4.26
פַּלֵס מַעְגַּל רַגְלֶךָ וְכָל־דְּרָכֶיךָ
יִכֹּנוּ׃
Prov 4.27
אַל־תֵּט־יָמִין וּשְׂמֹאול הָסֵר
רַגְלְךָ מֵרָע׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT