Micha 1

Teljes szövegű keresés

Micha 1
Micha 1.1
דְּבַר־יְהוָה אֲשֶׁר הָיָה אֶל־מִיכָה
הַמֹּרַשְׁתִּי בִּימֵי יֺותָם אָחָז
יְחִזְקִיָּה מַלְכֵי יְהוּדָה אֲשֶׁר־חָזָה
עַל־שֹׁמְרוֺן וִירוּשָׁלִָם׃
Micha 1.2
שִׁמְעוּ עַמִּים כֻּלָּם הַקְשִׁיבִי
אֶרֶץ וּמְלֹאָהּ וִיהִי אֲדֹנָי
יְהוִה בָּכֶם לְעֵד אֲדֹנָי מֵהֵיכַל
קָדְשׁוֺ׃
Micha 1.3
כִּי־הִנֵּה יְהוָה יֺצֵא מִמְּקוֺמוֺ
וְיָרַד וְדָרַך עַל־בָּמוֺתֵי 2 בָּמֳתֵי
אָרֶץ׃
Micha 1.4
וְנָמַסּוּ הֶהָרִים תַּחְתָּיו וְהָעֲמָקִים
יִתְבַּקָּעוּ כַּדּוֺנַג מִפְּנֵי הָאֵשׁ
כְּמַיִם מֻגָּרִים בְּמוֺרָד׃
Micha 1.5
בְּפֶשַׁע יַעֲקֹב כָּל־זֺאת וּבְחַטֹּאות
בֵּית יִשְׂרָאֵל מִי־פֶשַׁע יַעֲקֹב
הֲלוֺא שֹׁמְרוֺן וּמִי בָּמוֺת
יְהוּדָה הֲלוֺא יְרוּשָׁלִָם׃
Micha 1.6
וְשַׂמְתִּי שֹׁמְרוֺן לְעִי הַשָּׂדֶה
לְמַטָּעֵי כָרֶם וְהִגַּרְתִּי לַגַּי
אֲבָנֶיהָ וִיסֹדֶיהָ אֲגַלֶּה׃
Micha 1.7
וְכָל־פְּסִילֶיהָ יֻכַּתּוּ וְכָל־אֶתְנַנֶּיהָ
יִשָּׂרְפוּ בָאֵשׁ וְכָל־עֲצַבֶּיהָ
אָשִׂים שְׁמָמָה כִּי מֵאֶתְנַן זֺונָה
קִבָּצָה וְעַד־אֶתְנַן זֺוןָ יָשׁוּבוּ׃
Micha 1.8
עַל־זֺאת אֶסְפְּדָה וְאֵילִילָה
אֵילְכָה 1 שִׁילַל 2 שׁוֺלָל וְעָרוֺם
אֶעֱשֶׂה מִסְפֵּד כַּתַּנִּים וְאֵבֶל
כִּבְנֺות יַעֲנָה׃
Micha 1.9
כִּי אֲנוּשָׁה מַכּוֺתֶיהָ כִּי־בָאָה
עַד־יְהוּדָה נָגַע עַד־שַׁעַר
עַמִּי עַד־יְרוּשָׁלִָם׃
Micha 1.10
בְּגַת אַל־תַּגִּידוּ בָּכוֺ אַל־תִּבְכּוּ
בְּבֵית לְעַפְרָה עָפָר 1 הִתְפַּלָּשְׁתִּי 2 הִתְפַּלָּשִׁי׃
Micha 1.11
עִבְרִי לָכֶם יֺושֶׁבֶת שָׁפִיר
עֶרְיָה־בֹשֶׁת לֹא יָצְאָה יֺושֶׁבֶת
צַאֲנָן מִסְפַּד בֵּית הָאֵצֶל
יִקַּח מִכֶּם עֶמְדָּתוֺ׃
Micha 1.12
כִּי־חָלָה לְטוֺב יֺושֶׁבֶת מָרוֺת
כִּי־יָרַד רָע מֵאֵת יְהוָה לְשַׁעַר
יְרוּשָׁלִָם׃
Micha 1.13
רְתֹם הַמֶּרְכָּבָה לָרֶכֶשׁ יֺושֶׁבֶת
לָכִישׁ רֵאשִׁית חַטָּאת הִיא
לְבַת־צִיֺּון כִּי־בָך נִמְצְאוּ
פִּשְׁעֵי יִשְׂרָאֵל׃
Micha 1.14
לָכֵן תִּתְּנִי שִׁלּוּחִים עַל מוֺרֶשֶׁת
גַּת בָּתֵּי אַכְזִיב לְאַכְזָב לְמַלְכֵי
יִשְׂרָאֵל׃
Micha 1.15
עֹד הַיֺּרֵשׁ אָבִי לָך יֺושֶׁבֶת
מָרֵשָׁה עַד־עֲדֻלָּם יָבוֺא כְּבוֺד
יִשְׂרָאֵל׃
Micha 1.16
קָרְחִי וָגֺזִּי עַל־בְּנֵי תַּעֲנוּגָיִך
הַרְחִבִי קָרְחָתֵך כַּנֶּשֶׁר כִּי גָלוּ
מִמֵּך׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT