Lev 13

Teljes szövegű keresés

Lev 13
Lev 13.1
וַיְדַבֵּר יְהוָה אֶל־מֹשֶׁה וְאֶל־אַהֲרֹן
לֵאמֹר׃
Lev 13.2
אָדָם כִּי־יִהְיֶה בְעוֺר־בְּשָׂרוֺ
שְׂאֵת אוֺ־סַפַּחַת אוֺ בַהֶרֶת וְהָיָה
בְעוֺר־בְּשָׂרוֺ לְנֶגַע צָרָעַת
וְהוּבָא אֶל־אַהֲרֹן הַכֹּהֵן אוֺ
אֶל־אַחַד מִבָּנָיו הַכֹּהֲנִים׃
Lev 13.3
וְרָאָה הַכֹּהֵן אֶת־הַנֶּגַע בְּעוֺר־הַבָּשָׂר
וְשֵׂעָר בַּנֶּגַע הָפַך לָבָן וּמַרְאֵה
הַנֶּגַע עָמֹק מֵעוֺר בְּשָׂרוֺ נֶגַע
צָרַעַת הוּא וְרָאָהוּ הַכֹּהֵן וְטִמֵּא
אֹתוֺ׃
Lev 13.4
וְאִמ־בַּהֶרֶת לְבָנָה הִוא בְּעוֺר
בְּשָׂרוֺ וְעָמֹק אֵינ־מַרְאֶהָ מִנ־הָעוֺר
וּשְׂעָרָה לֹא־הָפַך לָבָן וְהִסְגִּיר
הַכֹּהֵן אֶת־הַנֶּגַע שִׁבְעַת מִים׃
Lev 13.5
וְרָאָהוּ הַכֹּהֵן בַּיֺּום הַשְּׁבִיעִי
וְהִנֵּה הַנֶּגַע עָמַד בְּעֵינָיו
לֹא־פָשָׂה הַנֶּגַע בָּעוֺר וְהִסְגִּירוֺ
הַכֹּהֵן שִׁבְעַת יָמִים שֵׁנִית׃
Lev 13.6
וְרָאָה הַכֹּהֵן אֹתוֺ בַּיֺּום הַשְּׁבִיעִי
שֵׁנִית וְהִנֵּה כֵּהָה הַנֶּגַע וְלֹא־פָשָׂה
הַנֶּגַע בָּעוֺר וְטִהֲרוֺ הַכֹּהֵן
מִסְפַּחַת הִיא וְכִבֶּס בְּגָדָיו
וְטָהֵר׃
Lev 13.7
וְאִמ־פָּשֹׂה תִפְשֶׂה הַמִּסְפַּחַת
בָּעוֺר אַחֲרֵי הֵרָאֹתוֺ אֶל־הַכֹּהֵן
לְטָהֳרָתוֺ וְנִרְאָה שֵׁנִית אֶל־הַכֹּהֵן׃
Lev 13.8
וְרָאָה הַכֹּהֵן וְהִנֵּה פָּשְׂתָה הַמִּסְפַּחַת
בָּעוֺר וְטִמְּאוֺ הַכֹּהֵן צָרַעַת
הִוא׃ ף
Lev 13.9
נֶגַע צָרַעַת כִּי תִהְיֶה בְּאָדָם
וְהוּבָא אֶל־הַכֹּהֵן׃
Lev 13.10
וְרָאָה הַכֹּהֵן וְהִנֵּה שְׂאֵת־לְבָנָה
בָּעוֺר וְהִיא הָפְכָה שֵׂעָר לָבָן
וּמִחְיַת בָּשָׂר חַי בַּשְׂאֵת׃
Lev 13.11
צָרַעַת נֺושֶׁנֶת הִוא בְּעוֺר בְּשָׂרוֺ
וְטִמְּאוֺ הַכֹּהֵן לֹא יַסְגִּרֶנּוּ
כִּי טָמֵא הוּא׃
Lev 13.12
וְאִמ־פָּרוֺחַ תִּפְרַח הַצָּרַעַת
בָּעוֺר וְכִסְּתָה הַצָּרַעַת אֵת כָּל־עוֺר
הַנֶּגַע מֵרֹאשׁוֺ וְעַד־רַגְלָיו
לְכָל־מַרְאֵה עֵינֵי הַכֹּהֵן׃
Lev 13.13
וְרָאָה הַכֹּהֵן וְהִנֵּה כִסְּתָה הַצָּרַעַת
אֶת־כָּל־בְּשָׂרוֺ וְטִהַר אֶת־הַנָּגַע
כֻּלּוֺ הָפַך לָבָן טָהוֺר הוּא׃
Lev 13.14
וּבְיֺום הֵרָאוֺת בּוֺ בָּשָׂר חַי
יִטְמָא׃
Lev 13.15
וְרָאָה הַכֹּהֵן אֶת־הַבָּשָׂר הַחַי
וְטִמְּאוֺ הַבָּשָׂר הַחַי טָמֵא הוּא
צָרַעַת הוּא׃
Lev 13.16
אוֺ כִי יָשׁוּב הַבָּשָׂר הַחַי וְנֶהְפַּך
לְלָבָן וּבָא אֶל־הַכֹּהֵן׃
Lev 13.17
וְרָאָהוּ הַכֹּהֵן וְהִנֵּה נֶהְפַּך
הַנֶּגַע לְלָבָן וְטִהַר הַכֹּהֵן
אֶת־הַנֶּגַע טָהוֺר הוּא׃ ף
Lev 13.18
וּבָשָׂר כִּי־יִהְיֶה בוֺ־בְעֹרוֺ
שְׁחִין וְנִרְפָּא׃
Lev 13.19
וְהָיָה בִּמְקוֺם הַשְּׁחִין שְׂאֵת
לְבָנָה אוֺ בַהֶרֶת לְבָנָה אֲדַמְדָּמֶת
וְנִרְאָה אֶל־הַכֹּהֵן׃
Lev 13.20
וְרָאָה הַכֹּהֵן וְהִנֵּה מַרְאֶהָ שָׁפָל
מִנ־הָעוֺר וּשְׂעָרָהּ הָפַך לָבָן
וְטִמְּאוֺ הַכֹּהֵן נֶגַע־צָרַעַת הִיא
בַּשְּׁחִין פָּרָחָה׃
Lev 13.21
וְאִם יִרְאֶנָּה הַכֹּהֵן וְהִנֵּה אֵינ־בָּהּ
שֵׂעָר לָבָן וּשְׁפָלָה אֵינֶנָּה
מִנ־הָעוֺר וְהִיא כֵהָה וְהִסְגִּירוֺ
הַכֹּהֵן שִׁבְעַת יָמִים׃
Lev 13.22
וְאִמ־פָּשֹׂה תִפְשֶׂה בָּעוֺר וְטִמֵּא
הַכֹּהֵן אֹתוֺ נֶגַע הִוא׃
Lev 13.23
וְאִמ־תַּחְתֶּיהָ תַּעֲמֹד הַבַּהֶרֶת
לֹא פָשָׂתָה צָרֶבֶת הַשְּׁחִין הִוא
וְטִהֲרוֺ הַכֹּהֵן׃ ס
Lev 13.24
אוֺ בָשָׂר כִּי־יִהְיֶה בְעֹרוֺ מִכְוַת־אֵשׁ
וְהָיְתָה מִחְיַת הַמִּכְוָה בַּהֶרֶת
לְבָנָה אֲדַמְדֶּמֶת אוֺ לְבָנָה׃
Lev 13.25
וְרָאָה אֹתָהּ הַכֹּהֵן וְהִנֵּה נֶהְפַּך
שֵׂעָר לָבָן בַּבַּהֶרֶת וּמַרְאֶהָ
עָמֹק מִנ־הָעוֺר צָרַעַת הִוא
בַּמִּכְוָה פָּרָחָה וְטִמֵּא אֹתוֺ
הַכֹּהֵן נֶגַע צָרַעַת הִוא׃
Lev 13.26
וְאִם יִרְאֶנָּה הַכֹּהֵן וְהִנֵּה
אֵינ־בַּבֶּהֶרֶת שֵׂעָר לָבָן וּשְׁפָלָה
אֵינֶנָּה מִנ־הָעוֺר וְהִוא כֵהָה
וְהִסְגִּירוֺ הַכֹּהֵן שִׁבְעַת יָמִים׃
Lev 13.27
וְרָאָהוּ הַכֹּהֵן בַּיֺּום הַשְּׁבִיעִי
אִמ־פָּשֹׂה תִפְשֶׂה בָּעוֺר וְטִמֵּא
הַכֹּהֵן אֹתוֺ נֶגַע צָרַעַת הִוא׃
Lev 13.28
וְאִמ־תַּחְתֶּיהָ תַעֲמֹד הַבַּהֶרֶת
לֹא־פָשְׂתָה בָעוֺר וְהִוא כֵהָה
שְׂאֵת הַמִּכְוָה הִוא וְטִהֲרוֺ
הַכֹּהֵן כִּי־צָרֶבֶת הַמִּכְוָה הִוא׃
ף
Lev 13.29
וְאִישׁ אוֺ אִשָּׁה כִּי־יִהְיֶה בוֺ
נָגַע בְּרֹאשׁ אוֺ בְזָקָן׃
Lev 13.30
וְרָאָה הַכֹּהֵן אֶת־הַנֶּגַע וְהִנֵּה
מַרְאֵהוּ עָמֹק מִנ־הָעוֺר וּבוֺ
שֵׂעָר צָהֹב דָּק וְטִמֵּא אֹתוֺ הַכֹּהֵן
נֶתֶק הוּא צָרַעַת הָרֹאשׁ אוֺ
הַזָּקָן הוּא׃
Lev 13.31
וְכִי־יִרְאֶה הַכֹּהֵן אֶת־נֶגַע
הַנֶּתֶק וְהִנֵּה אֵינ־מַרְאֵהוּ
עָמֹק מִנ־הָעוֺר וְשֵׂעָר שָׁחֹר
אֵין בּוֺ וְהִסְגִּיר הַכֹּהֵן אֶת־נֶגַע
הַנֶּתֶק שִׁבְעַת יָמִים׃
Lev 13.32
וְרָאָה הַכֹּהֵן אֶת־הַנֶּגַע בַּיֺּום
הַשְּׁבִיעִי וְהִנֵּה לֹא־פָשָׂה הַנֶּתֶק
וְלֹא־הָיָה בוֺ שֵׂעָר צָהֹב וּמַרְאֵה
הַנֶּתֶק אֵין עָמֹק מִנ־הָעוֺר׃
Lev 13.33
וְהִתְגַּלָּח וְאֶת־הַנֶּתֶק לֹא יְגַלֵּחַ
וְהִסְגִּיר הַכֹּהֵן אֶת־הַנֶּתֶק
שִׁבְעַת יָמִים שֵׁנִית׃
Lev 13.34
וְרָאָה הַכֹּהֵן אֶת־הַנֶּתֶק בַּיֺּום
הַשְּׁבִיעִי וְהִנֵּה לֹא־פָשָׂה הַנֶּתֶק
בָּעוֺר וּמַרְאֵהוּ אֵינֶנּוּ עָמֹק
מִנ־הָעוֺר וְטִהַר אֹתוֺ הַכֹּהֵן
וְכִבֶּס בְּגָדָיו וְטָהֵר׃
Lev 13.35
וְאִמ־פָּשֹׂה יִפְשֶׂה הַנֶּתֶק בָּעוֺר
אַחֲרֵי טָהֳרָתוֺ׃
Lev 13.36
וְרָאָהוּ הַכֹּהֵן וְהִנֵּה פָּשָׂה הַנֶּתֶק
בָּעוֺר לֹא־יְבַקֵּר הַכֹּהֵן לַשֵּׂעָר
הַצָּהֹב טָמֵא הוּא׃
Lev 13.37
וְאִמ־בְּעֵינָיו עָמַד הַנֶּתֶק
וְשֵׂעָר שָׁחֹר צָמַח־בּוֺ נִרְפָּא
הַנֶּתֶק טָהוֺר הוּא וְטִהֲרוֺ הַכֹּהֵן׃
ס
Lev 13.38
וְאִישׁ אוֺ־אִשָּׁה כִּי־יִהְיֶה בְעוֺר־בְּשָׂרָם
בֶּהָרֹת בֶּהָרֹת לְבָנֺת׃
Lev 13.39
וְרָאָה הַכֹּהֵן וְהִנֵּה בְעוֺר־בְּשָׂרָם
בֶּהָרֹת כֵּהוֺת לְבָנֺת בֹּהַק הוּא
פָּרַח בָּעוֺר טָהוֺר הוּא׃ ס
Lev 13.40
וְאִישׁ כִּי יִמָּרֵט רֹאשׁוֺ קֵרֵחַ
הוּא טָהוֺר הוּא׃
Lev 13.41
וְאִם מִפְּאַת פָּנָיו יִמָּרֵט רֹאשׁוֺ
גִּבֵּחַ הוּא טָהוֺר הוּא׃
Lev 13.42
וְכִי־יִהְיֶה בַקָּרַחַת אוֺ בַגַּבַּחַת
נֶגַע לָבָן אֲדַמְדָּם צָרַעַת פֹּרַחַת
הִוא בְּקָרַחְתּוֺ אוֺ בְגַבַּחְתּוֺ׃
Lev 13.43
וְרָאָה אֹתוֺ הַכֹּהֵן וְהִנֵּה שְׂאֵת־הַנֶּגַע
לְבָנָה אֲדַמְדֶּמֶת בְּקָרַחְתּוֺ אוֺ
בְגַבַּחְתּוֺ כְּמַרְאֵה צָרַעַת עוֺר
בָּשָׂר׃
Lev 13.44
אִישׁ־צָרוּעַ הוּא טָמֵא הוּא
טַמֵּא יְטַמְּאֶנּוּ הַכֹּהֵן בְּרֹאשׁוֺ
נִגְעוֺ׃
Lev 13.45
וְהַצָּרוּעַ אֲשֶׁר־בּוֺ הַנֶּגַע בְּגָדָיו
יִהְיוּ פְרֻמִים וְרֹאשׁוֺ יִהְיֶה
פָרוּעַ וְעַל־שָׂפָם יַעְטֶה וְטָמֵא
טָמֵא יִקְרָא׃
Lev 13.46
כָּל־יְמֵי אֲשֶׁר הַנֶּגַע בּוֺ יִטְמָא
טָמֵא הוּא בָּדָד יֵשֵׁב מִחוּץ
לַמַּחֲנֶה מוֺשָׁבוֺ׃ ס
Lev 13.47
וְהַבֶּגֶד כִּי־יִהְיֶה בוֺ נֶגַע
צָרָעַת בְּבֶגֶד צֶמֶר אוֺ בְּבֶגֶד
פִּשְׁתִּים׃
Lev 13.48
אוֺ בִשְׁתִי אוֺ בְעֵרֶב לַפִּשְׁתִּים
וְלַצָּמֶר אוֺ בְעוֺר אוֺ בְּכָל־מְלֶאכֶת
עוֺר׃
Lev 13.49
וְהָיָה הַנֶּגַע יְרַקְרַק אוֺ אֲדַמְדָּם
בַּבֶּגֶד אוֺ בָעוֺר אוֺ־בַשְּׁתִי
אוֺ־בָעֵרֶב אוֺ בְכָל־כְּלִי־עוֺר
נֶגַע צָרַעַת הוּא וְהָרְאָהאֶת־הַכֹּהֵן׃
Lev 13.50
וְרָאָה הַכֹּהֵן אֶת־הַנָּגַע וְהִסְגִּיר
אֶת־הַנֶּגַע שִׁבְעַת יָמִים׃
Lev 13.51
וְרָאָה אֶת־הַנֶּגַע בַּיֺּום הַשְּׁבִיעִי
כִּי־פָשָׂה הַנֶּגַע בַּבֶּגֶד אוֺ־בַשְּׁתִי
אוֺ־בָעֵרֶב אוֺ בָעוֺר לְכֹל
אֲשֶׁר־יֵעָשֶׂה הָעוֺר לִלָאכָה צָרַעַת
מַמְאֶרֶת הַנֶּגַע טָמֵא הוּא׃
Lev 13.52
וְשָׂרַף אֶת־הַבֶּגֶד אוֺ אֶת־הַשְּׁתִי
אוֺ אֶת־הָעֵרֶב בַּצֶּמֶר אוֺ בַפִּשְׁתִּים
אוֺ אֶת־כָּל־כְּלִי הָעוֺר אֲשֶׁר־יִהְיֶה
בוֺ הַנָּגַע כִּיצָרַעַת מַמְאֶרֶת
הִוא בָּאֵשׁ תִּשָּׂרֵף׃
Lev 13.53
וְאִם יִרְאֶה הַכֹּהֵן וְהִנֵּה לֹא־פָשָׂה
הַנֶּגַע בַּבֶּגֶד אוֺ בַשְּׁתִי אוֺ
בָעֵרֶב אוֺ בְּכָל־כְּלִי־עוֺר׃
Lev 13.54
וְצִוָּה הַכֹּהֵן וְכִבְּסוּ אֵת אֲשֶׁר־בּוֺ
הַנָּגַע וְהִסְגִּירוֺ שִׁבְעַת־יָמִים
שֵׁנִית׃
Lev 13.55
וְרָאָה הַכֹּהֵן אַחֲרֵי הֻכַּבֵּס
אֶת־הַנֶּגַע וְהִנֵּה לֹא־הָפַך הַנֶּגַע
אֶת־עֵינֺו וְהַנֶּגַע לֹא־פָשָׂה
טָמֵא הוּא בָּאֵשׁ תִּשְׂרְפֶנּוּפְּחֶתֶת
הִוא בְּקָרַחְתּוֺ אוֺ בְגַבַּחְתּוֺ׃
Lev 13.56
וְאִם רָאָה הַכֹּהֵן וְהִנֵּה כֵּהָה
הַנֶּגַע אַחֲרֵי הֻכַּבֵּס אֹתוֺ וְקָרַע
אֹתוֺ מִנ־הַבֶּגֶד אוֺ מִנ־הָעוֺר
אוֺ מִנ־הַשְּׁתִי אוֺ מִנ־הָעֵרֶב׃
Lev 13.57
וְאִמ־תֵּרָאֶה עוֺד בַּבֶּגֶד אוֺ־בַשְּׁתִי
אוֺ־בָעֵרֶב אוֺ בְכָל־כְּלִי־עוֺר
פֹּרַחַת הִוא בָּאֵשׁ תִּשְׂרְפֶנּוּ אֵת
אֲשֶׁר־בּוֺ הַנָּגַע׃
Lev 13.58
וְהַבֶּגֶד אוֺ־הַשְּׁתִי אוֺ־הָעֵרֶב
אוֺ־כָל־כְּלִי הָעוֺר אֲשֶׁר תְּכַבֵּס
וְסָר מֵהֶם הַנָּגַע וְכֻבַּס שֵׁנִית
וְטָהֵר׃
Lev 13.59
זֺאת תּוֺרַת נֶגַע־צָרַעַת בֶּגֶד
הַצֶּמֶר אוֺ הַפִּשְׁתִּים אוֺ הַשְּׁתִי
אוֺ הָעֵרֶב אוֺ כָּל־כְּלִי־עוֺר
לְטַהֲרוֺ אוֺ לְטַמְּאוֺ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT