Jes 60

Teljes szövegű keresés

Jes 60
Jes 60.1
קוּמִי אוֺרִי כִּי בָא אוֺרֵך
וּכְבוֺד יְהוָה עָלַיִך זָרָח׃
Jes 60.2
כִּי־הִנֵּה הַחֹשֶׁך יְכַסֶּה־אֶרֶץ
וַעֲרָפֶל לְאֻמִּים וְעָלַיִך יִזְרַח
יְהוָה וּכְבוֺדוֺ עָלַיִך יֵרָאֶה׃
Jes 60.3
וְהָלְכוּ גֺויִם לְאוֺרֵך וּמְלָכִים
לְנֺגַהּ זַרְחֵך׃
Jes 60.4
שְׂאִי־סָבִיב עֵינַיִך וּרְאִי כֻּלָּם
נִקְבְּצוּ בָאוּ־לָך בָּנַיִך מֵרָחוֺק
יָבֹאוּ וּבְנֺתַיִך עַל־צַד תֵּאָמַנָה׃
Jes 60.5
אָז תִּרְאִי וְנָהַרְתְּ וּפָחַד וְרָחַב
לְבָבֵך כִּי־יֵהָפֵך עָלַיִך הֲמוֺן
יָם חֵיל גֺּויִם יָבֹאוּ לָך׃
Jes 60.6
שִׁפְעַת גְּמַלִּים תְּכַסֵּך בִּכְרֵי
מִדְיָן וְעֵיפָה כֻּלָּם מִשְּׁבָא
יָבֹאוּ זָהָב וּלְבוֺנָה יִשָּׂאוּ
וּתְהִלֹּת יְהוָה יְבַשֵּׂרוּ׃
Jes 60.7
כָּל־צֹאן קֵדָר יִקָּבְצוּ לָך אֵילֵי
נְבָיֺות יְשָׁרְתוּנֶך יַעֲלוּ עַל־רָצוֺן
מִזְבְּחִי וּבֵית תִּפְאַרְתִּי אֲפָאֵר׃
Jes 60.8
מִי־אֵלֶּה כָּעָב תְּעוּפֶינָה וְכַיֺּונִים
אֶל־אֲרֻבֹּתֵיהֶם׃
Jes 60.9
כִּי־לִי אִיִּים יְקַוּוּ וָאֳנִיֺּות
תַּרְשִׁישׁ בָּרִאשֹׁנָה לְהָבִיא בָנַיִך
מֵרָחוֺק כַּסְפָּם וּזְהָבָם אִתָּם
לְשֵׁם יְהוָה אֱלֹהַיִך וְלִקְדוֺשׁ
יִשְׂרָאֵל כִּי פֵאֲרָך׃
Jes 60.10
וּבָנוּ בְנֵי־נֵכָר חֹמֹתַיִך וּמַלְכֵיהֶם
יְשָׁרְתוּנֶך כִּי בְקִצְפִּי הִכִּיתִיך
וּבִרְצוֺנִי רִחַמְתִּיך׃
Jes 60.11
וּפִתְּחוּ שְׁעָרַיִך תָּמִיד יֺומָם
וָלַיְלָה לֹא יִסָּגֵרוּ לְהָבִיא
אֵלַיִך חֵיל גֺּויִם וּמַלְכֵיהֶם
נְהוּגִים׃
Jes 60.12
כִּי־הַגֺּוי וְהַמַּמְלָכָה אֲשֶׁר לֹא־יַעַבְדוּך
יֺאבֵדוּ וְהַגֺּויִם חָרֹב יֶחֱרָבוּ׃
Jes 60.13
כְּבוֺד הַלְּבָנֺון אֵלַיִך יָבוֺא
בְּרוֺשׁ תִּדְהָר וּתְאַשּׁוּר יַחְדָּו
לְפָאֵר מְקוֺם מִקְדָּשִׁי וּמְקוֺם
רַגְלַי אֲכַבֵּד׃
Jes 60.14
וְהָלְכוּ אֵלַיִך שְׁחוֺחַ בְּנֵי מְעַנַּיִך
וְהִשְׁתַּחֲווּ עַל־כַּפּוֺת רַגְלַיִך
כָּל־מְנַאֲצָיִך וְקָרְאוּ לָך עִיר
יְהוָה צִיֺּון קְדוֺשׁ יִשְׂרָאֵל׃
Jes 60.15
תַּחַת הֱיֺותֵך עֲזוּבָה וּשְׂנוּאָה
וְאֵין עוֺבֵר וְשַׂמְתִּיך לִגְאוֺן
עוֺלָם מְשׂוֺשׂ דּוֺר וָדוֺר׃
Jes 60.16
וְיָנַקְתְּ חֲלֵב גֺּויִם וְשֹׁד מְלָכִים
תִּינָקִי וְיָדַעַתְּ כִּי אֲנִי יְהוָה
מוֺשִׁיעֵך וְגֺאֲלֵך אֲבִיר יַעֲקֹב׃
Jes 60.17
תַּחַת הַנְּחֹשֶׁת אָבִיא זָהָב וְתַחַת
הַבַּרְזֶל אָבִיא כֶסֶף וְתַחַת
הָעֵצִים נְחֹשֶׁת וְתַחַת הָאֲבָנִים
בַּרְזֶל וְשַׂמְתִּי פְקֻדָּתֵך שָׁלוֺם
וְנֺגְשַׂיִך צְדָקָה׃
Jes 60.18
לֹא־יִשָּׁמַע עוֺד חָמָס בְּאַרְצֵך
שֹׁד וָשֶׁבֶר בִּגְבוּלָיִך וְקָרָאת
יְשׁוּעָה חוֺמֹתַיִך וּשְׁעָרַיִך תְּהִלָּה׃
Jes 60.19
לֹא־יִהְיֶה־לָּך עוֺד הַשֶּׁמֶשׁ לְאוֺר
יֺומָם וּלְנֺגַהּ הַיָּרֵחַ לֹא־יָאִיר
לָך וְהָיָה־לָך יְהוָה לְאוֺר
עוֺלָם וֵאלֹהַיִך לְתִפְאַרְתֵּ׃
Jes 60.20
לֹא־יָבוֺא עוֺד שִׁמְשֵׁך וִירֵחֵך
לֹא יֵאָסֵף כִּי יְהוָה יִהְיֶה־לָּך
לְאוֺר עוֺלָם וְשָׁלְמוּ יְמֵי אֶבְלֵך׃
Jes 60.21
וְעַמֵּך כֻּלָּם צַדִּיקִים לְעוֺלָם
יִירְשׁוּ אָרֶץ נֵצֶר 1 מַטָּעוֺ 2 מַטָּעַי
מַעֲשֵׂה יָדַי לְהִתְפָּאֵר׃
Jes 60.22
הַקָּטֹן יִהְיֶה לָאֶלֶף וְהַצָּעִיר
לְגֺוי עָצוּם אֲנִי יְהוָה בְּעִתָּהּ
אֲחִישֶׁנָּה׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT