Jes 2

Teljes szövegű keresés

Jes 2
Jes 2.1
הַדָּבָר אֲשֶׁר חָזָה יְשַׁעְיָהוּ בֶּנ־אָמוֺץ
עַל־יְהוּדָה וִירוּשָׁלִָם׃
Jes 2.2
וְהָיָה בְּאַחֲרִית הַיָּמִים נָכוֺן
יִהְיֶה הַר בֵּית־יְהוָה בְּרֹאשׁ
הֶהָרִים וְנִשָּׂא מִגְּבָעוֺת וְנָהֲרוּ
אֵלָיו כָּל־הַגֺּויִם׃
Jes 2.3
וְהָלְכוּ עַמִּים רַבִּים וְאָמְרוּ
לְכוּ וְנַעֲלֶה אֶל־הַר־יְהוָה
אֶל־בֵּית אֱלֹהֵי יַעֲקֹב וְיֺרֵנוּ
מִדְּרָכָיו וְנֵלְכָה בְּאֹרְחֹתָיו
כִּי מִצִּיֺּון תֵּצֵא תוֺרָה וּדְבַר־יְהוָה
מִירוּשָׁלִָם׃
Jes 2.4
וְשָׁפַט בֵּין הַגֺּויִם וְהוֺכִיחַ
לְעַמִּים רַבִּים וְכִתְּתוּ חַרְבוֺתָם
לְאִתִּים וַחֲנִיתוֺתֵיהֶם לְמַזְמֵרוֺת
לֹא־יִשָּׂא גֺוי אֶל־גֺּוי חֶב
וְלֹא־יִלְמְדוּ עוֺד מִלְחָמָה׃
ף
Jes 2.5
בֵּית יַעֲקֹב לְכוּ וְנֵלְכָה בְּאוֺר
יְהוָה׃
Jes 2.6
כִּי נָטַשְׁתָּה עַמְּךָ בֵּית יַעֲקֹב
כִּי מָלְאוּ מִקֶּדֶם וְעֹנְנִים כַּפְּלִשְׁתִּים
וּבְיַלְדֵי נָכְרִים יַשְׂפִּיקוּ׃
Jes 2.7
וַתִּמָּלֵא אַרְצוֺ כֶּסֶף וְזָהָב וְאֵין
קֵצֶה לְאֹצְרֹתָיו וַתִּמָּלֵא אַרְצוֺ
סוּסִים וְאֵין קֵצֶה לְמַרְכְּבֹתָיו׃
Jes 2.8
וַתִּמָּלֵא אַרְצוֺ אֱלִילִים לְמַעֲשֵׂה
יָדָיו יִשְׁתַּחֲווּ לַאֲשֶׁר עָשׂוּ
אֶצְבְּעֹתָיו׃
Jes 2.9
וַיִּשַּׁח אָדָם וַיִּשְׁפַּל־אִישׁ וְאַל־תִּשָּׂא
לָהֶם׃
Jes 2.10
בּוֺא בַצּוּר וְהִטָּמֵן בֶּעָפָר
מִפְּנֵי פַּחַד יְהוָה וּמֵהֲדַר גְּאֹנֺו׃
Jes 2.11
עֵינֵי גַּבְהוּת אָדָם שָׁפֵל וְשַׁח
רוּם אֲנָשִׁים וְנִשְׂגַּב יְהוָה
לְבַדּוֺ בַּיֺּום הַהוּא׃ ס
Jes 2.12
כִּי יֺום לַיהוָה צְבָאוֺת עַל
כָּל־גֵּאֶה וָרָם וְעַל כָּל־נִשָּׂא
וְשָׁפֵל׃
Jes 2.13
וְעַל כָּל־אַרְזֵי הַלְּבָנֺון הָרָמִים
וְהַנִּשָּׂאִים וְעַל כָּל־אַלּוֺנֵי
הַבָּשָׁן׃
Jes 2.14
וְעַל כָּל־הֶהָרִים הָרָמִים וְעַל
כָּל־הַגְּבָעוֺת הַנִּשָּׂאוֺת׃
Jes 2.15
וְעַל כָּל־מִגְדָּל גָּבֹהַ וְעַל כָּל־חוֺמָה
בְצוּרָה׃
Jes 2.16
וְעַל כָּל־אֳנִיֺּות תַּרְשִׁישׁ וְעַל
כָּל־שְׂכִיֺּות הַחֶמְדָּה׃
Jes 2.17
וְשַׁח גַּבְהוּת הָאָדָם וְשָׁפֵל רוּם
אֲנָשִׁים וְנִשְׂגַּב יְהוָה לְבַדּוֺ
בַּיֺּום הַהוּא׃
Jes 2.18
וְהָאֱלִילִים כָּלִיל יַחֲלֹף׃
Jes 2.19
וּבָאוּ בִּמְעָרוֺת צֻרִים וּבִמְחִלּוֺת
עָפָר מִפְּנֵי פַּחַד יְהוָה וּמֵהֲדַר
גְּאוֺנֺו בְּקוּמוֺ לַעֲרֹץ הָאָרֶץ׃
Jes 2.20
בַּיֺּום הַהוּא יַשְׁלִיך הָאָדָם
אֵת אֱלִילֵי כַסְפּוֺ וְאֵת אֱלִילֵי
זְהָבוֺ אֲשֶׁר עָשׂוּ־לוֺ לְהִשְׁתַּחֲוֺת
לַחְפֹּר פֵּרוֺת וְלָעֲטַלֵּפִים׃
Jes 2.21
לָבוֺא בְּנִקְרוֺת הַצֻּרִים וּבִסְעִפֵי
הַסְּלָעִים מִפְּנֵי פַּחַד יְהוָה
וּמֵהֲדַר גְּאוֺנֺו בְּקוּמוֺ לַעֲרֹץ
הָאָרֶץ׃
Jes 2.22
חִדְלוּ לָכֶם מִנ־הָאָדָם אֲשֶׁר
נְשָׁמָה בְּאַפּוֺ כִּי־בַמֶּה נֶחְשָׁב
הוּא׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT