Jeh 11

Teljes szövegű keresés

Jeh 11
Jeh 11.1
וַיְהִי כִּשְׁמֹעַ יָבִין מֶלֶכְ־חָצוֺר
וַיִּשְׁלַח אֶל־יֺובָב מֶלֶך מָדוֺן
וְאֶל־מֶלֶך שִׁמְרוֺן וְאֶל־מֶלֶך
אַכְשָׁף׃
Jeh 11.2
וְאֶל־הַמְּלָכִים אֲשֶׁר מִצְּפוֺן
בָּהָר וּבָעֲרָבָה נֶגֶב כִּנְַרוֺת
וּבַשְּׁפֵלָה וּבְנָפוֺת דּוֺר מִיָּם׃
Jeh 11.3
הַכְּנַעֲנִי מִמִּזְרָח וּמִיָּם וְהָאֱמֹרִי
וְהַחִתִּי וְהַפְּרִזִּי וְהַיְבוּסִי
בָּהָר וְהַחִוִּי תַּחַת חֶרְמוֺן
בְּאֶרֶץ הַמִּצְפָּה׃
Jeh 11.4
וַיֵּצְאוּ הֵם וְכָל־מַחֲנֵיהֶם עִמָּם
עַמ־רָב כַּחוֺל אֲשֶׁר עַל־שְׂפַת־הַיָּם
לָרֹב וְסוּס וָרֶכֶב רַב־מְאֹד׃
Jeh 11.5
וַיִּוָּעֲדוּ כֹּל הַמְּלָכִים הָאֵלֶּה
וַיָּבֹאוּ וַיַּחֲנוּ יַחְדָּו אֶל־מֵי
מֵרוֺם לְהִלָּחֵם עִמ־יִשְׂרָאֵל׃
ף
Jeh 11.6
וַיֺּאמֶר יְהוָה אֶל־יְהוֺשֻׁעַ אַל־תִּירָא
מִפְּנֵיהֶם כִּי־מָחָר כָּעֵת הַזֺּאת
אָנֺכִי נֺתֵן אֶת־כֻּלָּם חֲלָלִים
לִפְנֵי יִשְׂרָאֵל אֶת־סוּסֵיהֶם
תְּעַקֵּר וְאֶת־מַרְכְּבֹתֵיהֶם תִּשְׂרֹף
בָּאֵשׁ׃
Jeh 11.7
וַיָּבֹא יְהוֺשֻׁעַ וְכָל־עַם הַמִּלְחָמָה
עִמּוֺ עֲלֵיהֶם עַל־מֵי מֵרוֺם
פִּתְאֹם וַיִּפְּלוּ בָּהֶם׃
Jeh 11.8
וַיִּתְּנֵם יְהוָה בְּיַד־יִשְׂרָאֵל
וַיַּכּוּם וַיִּרְדְּפוּם עַד־צִידוֺן
רַבָּה וְעַד מִשְׂרְפוֺת מַיִם וְעַד־בִּקְעַת
מִצְפֶּה מִזְרָחָה וַיַּךֻּ עַד־בִּלְתִּי
הִשְׁאִיר־לָהֶם שָׂרִיד׃
Jeh 11.9
וַיַּעַשׂ לָהֶם יְהוֺשֻׁעַ כַּאֲשֶׁר אָמַר־לוֺ
יְהוָה אֶת־סוּסֵיהֶם עִקֵּר וְאֶת־מַרְכְּבֹתֵיהֶם
שָׂרַף בָּאֵשׁ׃ ס
Jeh 11.10
וַיָּשָׁב יְהוֺשֻׁעַ בָּעֵת הַהִיא וַיִּלְכֹּד
אֶת־חָצוֺר וְאֶת־מַלְכָּהּ הִכָּה
בֶחָרֶב כִּי־חָצוֺר לְפָנִים הִיא
רֹאשׁ כָּל־הַמַּמְלָכוֺת הָאֵלֶּה׃
Jeh 11.11
וַיַּכּוּ אֶת־כָּל־הַנֶּפֶשׁ אֲשֶׁר־בָּהּ
לְפִי־חֶרֶב הַחֲרֵם לֹא נֺותַר
כָּל־נְשָׁמָה וְאֶת־חָצוֺר שָׂרַף
בָּאֵשׁ׃
Jeh 11.12
וְאֶת־כָּל־עָרֵי הַמְּלָכִימ־הָאֵלֶּה
וְאֶת־כָּל־מַלְכֵיהֶם לָכַד יְהוֺשֻׁעַ
וַיַּכֵּם לְפִי־חֶרֶב הֶחֱרִים אוֺתָם
כַּאֲשֶׁר צִוָּה מֹשֶׁה עֶבֶד הוָה׃
Jeh 11.13
רַק כָּל־הֶעָרִים הָעֹמְדוֺת עַל־תִּלָּם
לֹא שְׂרָפָם יִשְׂרָאֵל זוּלָתִי
אֶת־חָצוֺר לְבַדָּהּ שָׂרַף יְהוֺשֻׁעַ׃
Jeh 11.14
וְכֹל שְׁלַל הֶעָרִים הָאֵלֶּה
וְהַבְּהֵמָה בָּזְזוּ לָהֶם בְּנֵי יִשְׂרָאֵל
רַק אֶת־כָּל־הָאָדָם הִכּוּ לְפִי־חֶרֶב
עַד־הִשְׁמִדָם אוֺתָם לֹא שְׁאִירוּ
כָּל־נְשָׁמָה׃
Jeh 11.15
כַּאֲשֶׁר צִוָּה יְהוָה אֶת־מֹשֶׁה
עַבְדּוֺ כֵּנ־צִוָּה מֹשֶׁה אֶת־יְהוֺשֻׁעַ
וְכֵן עָשָׂה יְהוֺשֻׁעַ לֹא־הֵסִיר
דָּבָר מִכֹּל אֲשֶׁר־צִוָּה יְהוָה
אֶת־מֹשֶׁה׃
Jeh 11.16
וַיִּקַּח יְהוֺשֻׁעַ אֶת־כָּל־הָאָרֶץ
הַזֺּאת הָהָר וְאֶת־כָּל־הַנֶּגֶב
וְאֵת כָּל־אֶרֶץ הַגֺּשֶׁן וְאֶת־הַשְּׁפֵלָה
וְאֶת־הָעֲרָבָה וְאֶת־הַר יִשְׂרָאֵל
וּשְׁפֵלָתֹה׃
Jeh 11.17
מִנ־הָהָר הֶחָלָק הָעוֺלֶה שֵׂעִיר
וְעַד־בַּעַל־גָּד בְּבִקְעַת הַלְּבָנֺון
תַּחַת הַר־חֶרְמוֺן וְאֵת כָּל־מַלְכֵיהֶם
לָכַד וַיַּכֵּם וַיְמִיתֵם׃
Jeh 11.18
יָמִים רַבִּים עָשָׂה יְהוֺשֻׁעַ אֶת־כָּל־הַמְּלָכִים
הָאֵלֶּה מִלְחָמָה׃
Jeh 11.19
לֹא־הָיְתָה עִיר אֲשֶׁר הִשְׁלִימָה
אֶל־בְּנֵי יִשְׂרָאֵל בִּלְתִּי הַחִוִּי
יֺשְׁבֵי גִבְעוֺן אֶת־הַכֹּל לָקְחוּ
בַמִּלְחָמָה׃
Jeh 11.20
כִּי מֵאֵת יְהוָה הָיְתָה לְחַזֵּק
אֶת־לִבָּם לִקְרַאת הַמִּלְחָמָה אֶת־יִשְׂרָאֵל
לְמַעַן הַחֲרִימָם לְבִלְתִּי הֱיֺות־לָהֶם
תְּחִנָּה כִּי מַעַן הַשְׁמִידָם כַּאֲשֶׁר
צִוָּה יְהוָה אֶת־מֹשֶׁה׃ ס
Jeh 11.21
וַיָּבֹא יְהוֺשֻׁעַ בָּעֵת הַהִיא וַיַּכְרֵת
אֶת־הָעֲנָקִים מִנ־הָהָר מִנ־חֶבְרוֺן
מִנ־דְּבִר מִנ־עֲנָב וּמִכֹּל הַר
יְהוּדָה וּמִכֹּל הַר יִשְׂאֵל עִמ־עָרֵיהֶם
הֶחֱרִימָם יְהוֺשֻׁעַ׃
Jeh 11.22
לֹא־נֺותַר עֲנָקִים בְּאֶרֶץ בְּנֵי
יִשְׂרָאֵל רַק בְּעַזָּה בְּגַת וּבְאַשְׁדּוֺד
נִשְׁאָרוּ׃
Jeh 11.23
וַיִּקַּח יְהוֺשֻׁעַ אֶת־כָּל־הָאָרֶץ
כְּכֹל אֲשֶׁר דִּבֶּר יְהוָה אֶל־מֹשֶׁה
וַיִּתְּנָהּ יְהוֺשֻׁעַ לְנַחֲלָה לְיִשְׂרָאֵל
כְּמַחְלְקֹתָם לְשִׁבְטֵיהֶמוְהָאָרֶץ
שָׁקְטָה מִמִּלְחָמָה׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT