Jeh 1

Teljes szövegű keresés

Jeh 1
Jeh 1.1
וַיְהִי אַחֲרֵי מוֺת מֹשֶׁה עֶבֶד
יְהוָה וַיֺּאמֶר יְהוָה אֶל־יְהוֺשֻׁעַ
בִּנ־נוּן מְשָׁרֵת מֹשֶׁה לֵאמֹר׃
Jeh 1.2
מֹשֶׁה עַבְדִּי מֵת וְעַתָּה קוּם
עֲבֹר אֶת־הַיַּרְדֵּן הַזֶּה אַתָּה
וְכָל־הָעָם הַזֶּה אֶל־הָאָרֶץ אֲשֶׁר
אָנֺכִי נֺתֵן לָהֶם לִבְנֵי יִשְׂרָאֵל׃
Jeh 1.3
כָּל־מָקוֺם אֲשֶׁר תִּדְרֹך כַּפ־רַגְלְכֶם
בּוֺ לָכֶם נְתַתִּיו כַּאֲשֶׁר דִּבַּרְתִּי
אֶל־מֹשֶׁה׃
Jeh 1.4
מֵהַמִּדְבָּר וְהַלְּבָנֺון הַזֶּה וְעַד־הַנָּהָר
הַגָּדוֺל נְהַר־פְּרָת כֹּל אֶרֶץ
הַחִתִּים וְעַד־הַיָּם הַגָּדוֺל מְבוֺא
הַשָּׁמֶשׁ יִהְיֶה בּוּלְכֶם׃
Jeh 1.5
לֹא־יִתְיַצֵּב אִישׁ לְפָנֶיךָ כֹּל
יְמֵי חַיֶּיךָ כַּאֲשֶׁר הָיִיתִי
עִמ־מֹשֶׁה אֶהְיֶה עִמָּך לֹא אַרְפְּךָ
וְלֹא אֶעֶזְבֶךָּ׃
Jeh 1.6
חֲזַק וֶאֱמָץ כִּי אַתָּה תַּנְחִיל
אֶת־הָעָם הַזֶּה אֶת־הָאָרֶץ אֲשֶׁר־נִשְׁבַּעְתִּי
לַאֲבוֺתָם לָתֵת לָהֶם׃
Jeh 1.7
רַק חֲזַק וֶאֱמַץ מְאֹד לִשְׁמֹר
לַעֲשׂוֺת כְּכָל־הַתּוֺרָה אֲשֶׁר
צִוְּךָ מֹשֶׁה עַבְדִּי אַל־תָּסוּר
מִמֶּנּוּ יָמִין וּשְׂמֹאול לְמַעַן
תַּשְׂכִּיל בְּכֹל אֲשֶׁר תֵּלֵך׃
Jeh 1.8
לֹא־יָמוּשׁ סֵפֶר הַתּוֺרָה הַזֶּה
מִפִּיךָ וְהָגִיתָ בּוֺ יֺומָם וָלַיְלָה
לְמַעַן תִּשְׁמֹר לַעֲשׂוֺת כְּכָל־הַכָּתוּב
בּוֺ כִּי־אָז תַּצְלִיחַ אֶת־דְּרָכֶךָ
וְאָז תַּשְׂכִּיל׃
Jeh 1.9
הֲלוֺא צִוִּיתִיךָ חֲזַק וֶאֱמָץ
אַל־תַּעֲרֹץ וְאַל־תֵּחָת כִּי עִמְּךָ
יְהוָה אֱלֹהֶיךָ בְּכֹל אֲשֶׁר תֵּלֵך׃
ף
Jeh 1.10
וַיְצַו יְהוֺשֻׁעַ אֶת־שֹׁטְרֵי הָעָם
לֵאמֹר׃
Jeh 1.11
עִבְרוּ בְּקֶרֶב הַמַּחֲנֶה וְצַוּוּ
אֶת־הָעָם לֵאמֹר הָכִינוּ לָכֶם
צֵידָה כִּי בְּעוֺד שְׁלֹשֶׁת יָמִים
אַתֶּם עֹבְרִים אֶת־הַיַּרְדֵּן הַזֶּה
לָבוֺא לָרֶשֶׁת אֶת־הָאָרֶץ אֲשֶׁר
יְהוָה אֱלֹהֵיכֶם נֺתֵן לָכֶם
לְרִשְׁתָּהּ׃ ס
Jeh 1.12
וְלָראוּבֵנִי וְלַגָּדִי וְלַחֲצִי
שֵׁבֶט הַמְנַשֶּׁה אָמַר יְהוֺשֻׁעַ לֵאמֹר׃
Jeh 1.13
זָכוֺר אֶת־הַדָּבָר אֲשֶׁר צִוָּה
אֶתְכֶם מֹשֶׁה עֶבֶד־יְהוָה לֵאמֹר
יְהוָה אֱלֹהֵיכֶם מֵנִיחַ לָכֶם
וְנָתַן לָכֶם אֶת־הָאָרֶץ הַזֺּאת׃
Jeh 1.14
נְשֵׁיכֶם טַפְּכֶם וּמִקְנֵיכֶם יֵשְׁבוּ
בָּאָרֶץ אֲשֶׁר נָתַן לָכֶם מֹשֶׁה
בְּעֵבֶר הַיַּרְדֵּן וְאַתֶּם תַּעַבְרוּ
חֲמֻשִׁים לִפְנֵי אֲחֵיכֶם לּ גִּבּוֺרֵי
הַחַיִל וַעֲזַרְתֶּם אוֺתָם׃
Jeh 1.15
עַד אֲשֶׁר־יָנִיחַ יְהוָה לַאֲחֵיכֶם
כָּכֶם וְיָרְשׁוּ גַמ־הֵמָּה אֶת־הָאָרֶץ
אֲשֶׁר־יְהוָה אֱלֹהֵיכֶם נֺתֵן לָהֶם
וְשַׁבְתֶּם לְאֶרֶץ יְרֻשַּׁכֶם וִירִשְׁתֶּם
אוֺתָהּ אֲשֶׁר נָתַן לָכֶם מֹשֶׁה
עֶבֶד יְהוָה בְּעֵבֶר הַיַּרְדֵּן
מִזְרַח הַשָּׁמֶשׁ׃
Jeh 1.16
וַיַּעֲנוּ אֶת־יְהוֺשֻׁעַ לֵאמֹר כֹּל
אֲשֶׁר־צִוִּיתָנוּ נַעֲשֶׂה וְאֶל־כָּל־אֲשֶׁר
תִּשְׁלָחֵנוּ נֵלֵך׃
Jeh 1.17
כְּכֹל אֲשֶׁר־שָׁמַעְנוּ אֶל־מֹשֶׁה
כֵּן נִשְׁמַע אֵלֶיךָ רַק יִהְיֶה
יְהוָה אֱלֹהֶיךָ עִמָּך כַּאֲשֶׁר
הָיָה עִמ־מֹשֶׁה׃
Jeh 1.18
כָּל־אִישׁ אֲשֶׁר־יַמְרֶה אֶת־פִּיךָ
וְלֹא־יִשְׁמַע אֶת־דְּבָרֶיךָ לְכֹל
אֲשֶׁר־תְּצַוֶּנּוּ יוּמָת רַק חֲזַק
וֶאֱמָץ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT