1Sam 7

Teljes szövegű keresés

1Sam 7
1Sam 7.1
וַיָּבֹאוּ אַנְשֵׁי קִרְיַת יְעָרִים
וַיַּעֲלוּ אֶת־אֲרוֺן יְהוָה וַיָּבִאוּ
אֹתוֺ אֶל־בֵּית אֲבִינָדָב בַּגִּבְעָה
וְאֶת־אֶלְעָזָר בְּנֺו קִשׁוּ לִשְׁמֹר
אֶת־אֲרוֺן יְהוָה׃ ף
1Sam 7.2
וַיְהִי מִיֺּום שֶׁבֶת הָאָרוֺן בְּקִרְיַת
יְעָרִים וַיִּרְבּוּ הַיָּמִים וַיִּהְיוּ
עֶשְׂרִים שָׁנָה וַיִּנָּהוּ כָּל־בֵּית
יִשְׂרָאֵל אַחֲרֵי יְהוָה׃ ס
1Sam 7.3
וַיֺּאמֶר שְׁמוּאֵל אֶל־כָּל־בֵּית
יִשְׂרָאֵל לֵאמֹר אִמ־בְּכָל־לְבַבְכֶם
אַתֶּם שָׁבִים אֶל־יְהוָה הָסִירוּ
אֶת־אֱלֹהֵי הַנֵּכָר מִתּוֺכְכֶם וְהָעַשְׁתָּרוֺת
וְהָכִינוּ לְבַבְכֶם אֶל־יְהוָה
וְעִבְדֻהוּ לְבַדּוֺ וְיַצֵּל אֶתְכֶם
מִיַּד פְּלִשְׁתִּים׃
1Sam 7.4
וַיָּסִירוּ בְּנֵי יִשְׂרָאֵל אֶת־הַבְּעָלִים
וְאֶת־הָעַשְׁתָּרֹת וַיַּעַבְדוּ אֶת־יְהוָה
לְבַדּוֺ׃ ף
1Sam 7.5
וַיֺּאמֶר שְׁמוּאֵל קִבְצוּ אֶת־כָּל־יִשְׂרָאֵל
הַמִּצְפָּתָה וְאֶתְפַּלֵּל בַּעַדְכֶם אֶל־יְהוָה׃
1Sam 7.6
וַיִּקָּבְצוּ הַמִּצְפָּתָה וַיִּשְׁאֲבוּ־מַיִם
וַיִּשְׁפְּכוּ לִפְנֵי יְהוָה וַיָּצוּמוּ
בַּיֺּום הַהוּא וַיֺּאמְרוּ שָׁם
חָטָאנוּ לַיהוָה וַיִּשְׁפֹּט שְׁמוּאֵל
אֶת־בְּנֵי יִשְׂרָאֵל בַּמִּצְפָּה׃
1Sam 7.7
וַיִּשְׁמְעוּ פְלִשְׁתִּים כִּי־הִתְקַבְּצוּ
בְנֵי־יִשְׂרָאֵל הַמִּצְפָּתָה וַיַּעֲלוּ
סַרְנֵי־פְלִשְׁתִּים אֶל־יִשְׂרָאֵל
וַיִּשְׁמְעוּ בְּנֵי יִשְׂרָאֵ וַיִּרְאוּ
מִפְּנֵי פְלִשְׁתִּים׃
1Sam 7.8
וַיֺּאמְרוּ בְנֵי־יִשְׂרָאֵל אֶל־שְׁמוּאֵל
אַל־תַּחֲרֵשׁ מִמֶּנּוּ מִזְּעֹק אֶל־יְהוָה
אֱלֹהֵינוּ וְיֺשִׁעֵנוּ מִיַּד פְּלִשְׁתִּים׃
1Sam 7.9
וַיִּקַּח שְׁמוּאֵל טְלֵה חָלָב אֶחָד 1 וַיַּעֲלֶה 2 וַיַּעֲלֵהוּ
עוֺלָה כָּלִיל לַיהוָה וַיִּזְעַק
שְׁמוּאֵל אֶל־יְהוָה בְּעַד יִשְׂרָאֵל
וַיַּעֲנֵהוּ יְהוָה׃
1Sam 7.10
וַיְהִי שְׁמוּאֵל מַעֲלֶה הָעוֺלָה
וּפְלִשְׁתִּים נִגְּשׁוּ לַמִּלְחָמָה בְּיִשְׂרָאֵל
וַיַּרְעֵם יְהוָה בְּקוֺל־גָּדוֺל
בַּיֺּום הַהוּא עַל־פְּלִשְׁתִּים וַיְהֻמֵּם
וַיִּנָּגְפוּ לִפְנֵי יִשְׂרָאֵל׃
1Sam 7.11
וַיֵּצְאוּ אַנְשֵׁי יִשְׂרָאֵל מִנ־הַמִּצְפָּה
וַיִּרְדְּפוּ אֶת־פְּלִשְׁתִּים וַיַּכּוּם
עַד־מִתַּחַת לְבֵית כָּר׃
1Sam 7.12
וַיִּקַּח שְׁמוּאֵל אֶבֶן אַחַת וַיָּשֶׂם
בֵּינ־הַמִּצְפָּה וּבֵין הַשֵּׁן וַיִּקְרָא
אֶת־שְׁמָהּ אֶבֶן הָעָזֶר וַיֺּאמַר
עַד־הֵנָּה עֲזָרָנוּ יְהוָה׃
1Sam 7.13
וַיִּכָּנְעוּ הַפְּלִשְׁתִּים וְלֹא־יָסְפוּ
עוֺד לָבוֺא בִּגְבוּל יִשְׂרָאֵל
וַתְּהִי יַד־יְהוָה בַּפְּלִשְׁתִּים
כֹּל יְמֵי שְׁמוּאֵל׃
1Sam 7.14
וַתָּשֹׁבְנָה הֶעָרִים אֲשֶׁר לָקְחוּ־פְלִשְׁתִּים
מֵאֵת יִשְׂרָאֵל לְיִשְׂרָאֵל מֵעֶקְרוֺן
וְעַד־גַּת וְאֶת־גְּבוּלָן הִצִּיל
יִשְׂרָאֵל מִיַּד פְּלִשְׁתִּים וַיְהִי
שָׁלוֺם בֵּין יִשְׂרָאֵל וּבֵין
הָאֱמֹרִי׃
1Sam 7.15
וַיִּשְׁפֹּט שְׁמוּאֵל אֶת־יִשְׂרָאֵל
כֹּל יְמֵי חַיָּיו׃
1Sam 7.16
וְהָלַך מִדֵּי שָׁנָה בְּשָׁנָה וְסָבַב
בֵּית־אֵל וְהַגִּלְגָּל וְהַמִּצְפָּה
וְשָׁפַט אֶת־יִשְׂרָאֵל אֵת כָּל־הַמְּקוֺמוֺת
הָאֵלֶּה׃
1Sam 7.17
וּתְשֻׁבָתוֺ הָרָמָתָה כִּי־שָׁם בֵּיתוֺ
וְשָׁם שָׁפָט אֶת־יִשְׂרָאֵל וַיִּבֶנ־שָׁם
מִזְבֵּחַ לַיהוָה׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT