1Sam 27

Teljes szövegű keresés

1Sam 27
1Sam 27.1
וַיֺּאמֶר דָּוִד אֶל־לִבּוֺ עַתָּה
אֶסָּפֶה יֺומ־אֶחָד בְּיַד־שָׁאוּל
אֵינ־לִי טוֺב כִּי הִמָּלֵט אִמָּלֵט
אֶל־אֶרֶץ פְּלִשְׁתִּים וְנֺואַשׁ מִנִּי
שָׁאוּל לְבַקְשֵׁנִי עוֺד בְּכָל־גְּבוּל
יִשְׂרָאֵל וְנִמְלַטְתִּי מִיָּדוֺ׃
1Sam 27.2
וַיָּקָם דָּוִד וַיַּעֲבֹר הוּא וְשֵׁשׁ־מֵאוֺת
אִישׁ אֲשֶׁר עִמּוֺ אֶל־אָכִישׁ בֶּנ־מָעוֺך
מֶלֶך גַּת׃
1Sam 27.3
וַיֵּשֶׁב דָּוִד עִמ־אָכִישׁ בְּגַת
הוּא וַאֲנָשָׁיו אִישׁ וּבֵיתוֺ
דָּוִד וּשְׁתֵּי נָשָׁיו אֲחִינֺעַם
הַיִּזְרְעֵאלִית וַאֲבִיגַיִל אֵשֶׁת־נָבָל
הַכַּרְמְלִית׃
1Sam 27.4
וַיֻּגַּד לְשָׁאוּל כִּי־בָרַח דָּוִד
גַּת וְלֹא־יֺוסַף 2 יָסַף עוֺד לְבַקְשׁוֺ׃
ס
1Sam 27.5
וַיֺּאמֶר דָּוִד אֶל־אָכִישׁ אִמ־נָא
מָצָאתִי חֵן בְּעֵינֶיךָ יִתְּנוּ־לִי
מָקוֺם בְּאַחַת עָרֵי הַשָּׂדֶה וְאֵשְׁבָה
שָּׁם וְלָמָּה יֵשֵׁב עַבְדְּךָ בְּעִיר
הַמַּמְלָכָה עִמָּך׃
1Sam 27.6
וַיִּתֶּנ־לוֺ אָכִישׁ בַּיֺּום הַהוּא
אֶת־צִקְלָג לָכֵן הָיְתָה צִקְלַג
לְמַלְכֵי יְהוּדָה עַד הַיֺּום הַזֶּה׃
ף
1Sam 27.7
וַיְהִי מִסְפַּר הַיָּמִים אֲשֶׁר־יָשַׁב
דָּוִד בִּשְׂדֵה פְלִשְׁתִּים יָמִים
וְאַרְבָּעָה חֳדָשִׁים׃
1Sam 27.8
וַיַּעַל דָּוִד וַאֲנָשָׁיו וַיִּפְשְׁטוּ
אֶל־הַגְּשׁוּרִי 1 וְהַגִּרְזִי 2 וְהַגִּזְרִי
וְהָעֲמָלֵקִי כִּי הֵנָּה יֺשְׁבוֺת
הָאָרֶץ אֲשֶׁר מֵעוֺם בּוֺאֲךָ שׁוּרָה
וְעַד־אֶרֶץ מִצְרָיִם׃
1Sam 27.9
וְהִכָּה דָוִד אֶת־הָאָרֶץ וְלֹא
יְחַיֶּה אִישׁ וְאִשָּׁה וְלָקַח צֹאן
וּבָקָר וַחֲמֹרִים וּגְמַלִּים וּבְגָדִים
וַיָּשָׁב וַיָּבֹא אֶל־אָכִישׁ׃
1Sam 27.10
וַיֺּאמֶר אָכִישׁ אַל־פְּשַׁטְתֶּם הַיֺּום
וַיֺּאמֶר דָּוִד עַל־נֶגֶב יְהוּדָה
וְעַל־נֶגֶב הַיַּרְחְמְאֵלִי וְאֶל־נֶגֶב
הַקֵּינִי׃
1Sam 27.11
וְאִישׁ וְאִשָּׁה לֹא־יְחַיֶּה דָוִד
לְהָבִיא גַת לֵאמֹר פֶּנ־יַגִּדוּ
עָלֵינוּ לֵאמֹר כֹּה־עָשָׂה דָוִד
וְכֹה מִשְׁפָּטוֺ כָּל־הַיָּמִים אֲשֶׁריָשַׁב
בִּשְׂדֵה פְלִשְׁתִּים׃
1Sam 27.12
וַיַּאֲמֵן אָכִישׁ בְּדָוִד לֵאמֹר
הַבְאֵשׁ הִבְאִישׁ בְּעַמּוֺ בְיִשְׂרָאֵל
וְהָיָה לִי לְעֶבֶד עוֺלָם׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT