2Reg 24

Teljes szövegű keresés

2Reg 24
2Reg 24.1
בְּיָמָיו עָלָה נְבֻכַדְנֶאצַּר מֶלֶך
בָּבֶל וַיְהִי־לוֺ יְהוֺיָקִים עֶבֶד
שָׁלֹשׁ שָׁנִים וַיָּשָׁב וַיִּמְרָד־בּוֺ׃
2Reg 24.2
וַיְשַׁלַּח יְהוָה בּוֺ אֶת־גְּדוּדֵי
כַשְׂדִּים וְאֶת־גְּדוּדֵי אֲרָם
וְאֵת גְּדוּדֵי מוֺאָב וְאֵת גְּדוּדֵי
בְנֵי־עַמּוֺן וַיְשַׁלְּחֵם בִּיהדָה
לְהַאֲבִידוֺ כִּדְבַר יְהוָה אֲשֶׁר
דִּבֶּר בְּיַד עֲבָדָיו הַנְּבִיאִים׃
2Reg 24.3
אַך עַל־פִּי יְהוָה הָיְתָה בִּיהוּדָה
לְהָסִיר מֵעַל פָּנָיו בְּחַטֹּאת
מְנַשֶּׁה כְּכֹל אֲשֶׁר עָשָׂה׃
2Reg 24.4
וְגַם דַּמ־הַנָּקִי אֲשֶׁר שָׁפָך וַיְמַלֵּא
אֶת־יְרוּשָׁלִַם דָּם נָקִי וְלֹא־אָבָה
יְהוָה לִסְלֹחַ׃
2Reg 24.5
וְיֶתֶר דִּבְרֵי יְהוֺיָקִים וְכָל־אֲשֶׁר
עָשָׂה הֲלֹא־הֵם כְּתוּבִים עַל־סֵפֶר
דִּבְרֵי הַיָּמִים לְמַלְכֵי יְהוּדָה׃
2Reg 24.6
וַיִּשְׁכַּב יְהוֺיָקִים עִמ־אֲבֹתָיו
וַיִּמְלֹך יְהוֺיָכִין בְּנֺו תַּחְתָּיו׃
2Reg 24.7
וְלֹא־הֹסִיף עוֺד מֶלֶך מִצְרַיִם
לָצֵאת מֵאַרְצוֺ כִּי־לָקַח מֶלֶך
בָּבֶל מִנַּחַל מִצְרַיִם עַד־נְהַר־פְּרָת
כֹּל אֲשֶׁר הָיְתָה לְמֶלֶך מִצְרָיִם׃
ף
2Reg 24.8
בֶּנ־שְׁמֹנֶה עֶשְׂרֵה שָׁנָה יְהוֺיָכִין
בְּמָלְכוֺ וּשְׁלֹשָׁה חֳדָשִׁים מָלַך
בִּירוּשָׁלִָם וְשֵׁם אִמּוֺ נְחֻשְׁתָּא
בַת־אֶלְנָתָן מִירוּשָׁלִָם׃
2Reg 24.9
וַיַּעַשׂ הָרַע בְּעֵינֵי יְהוָה
כְּכֹל אֲשֶׁר־עָשָׂה אָבִיו׃
2Reg 24.10
בָּעֵת הַהִיא 1 עָלָה 2 עָלוּ עַבְדֵי
נְבֻכַדְנֶאצַּר מֶלֶכְ־בָּבֶל יְרוּשָׁלִָם
וַתָּבֹא הָעִיר בַּמָּצוֺר׃
2Reg 24.11
וַיָּבֹא נְבוּכַדְנֶאצַּר מֶלֶכְ־בָּבֶל
עַל־הָעִיר וַעֲבָדָיו צָרִים עָלֶיהָ׃
2Reg 24.12
וַיֵּצֵא יְהוֺיָכִין מֶלֶכְ־יְהוּדָה
עַל־מֶלֶך בָּבֶל הוּא וְאִמּוֺ וַעֲבָדָיו
וְשָׂרָיו וְסָרִיסָיו וַיִּקַּח אֹתוֺ
מֶלֶך בָּבֶל בִּשְׁנַת שְׁמֹנֶה לְמָלְכוֺ׃
2Reg 24.13
וַיֺּוצֵא מִשָּׁם אֶת־כָּל־אוֺצְרוֺת
בֵּית יְהוָה וְאוֺצְרוֺת בֵּית
הַמֶּלֶך וַיְקַצֵּץ אֶת־כָּל־כְּלֵי
הַזָּהָב אֲשֶׁר עָשָׂה שְׁלֹמֹה מֶלֶכְ־יִשְׂרָאֵל
בְּהֵיכַל יְהוָה כַּאֲשֶׁר דִּבֶּר
יְהוָה׃
2Reg 24.14
וְהִגְלָה אֶת־כָּל־יְרוּשָׁלִַם וְאֶת־כָּל־הַשָּׂרִים
וְאֵת כָּל־גִּבּוֺרֵי הַחַיִל 1 עֲשָׂרָה 2 עֲשֶׂרֶת
אֲלָפִים גֺּולֶה וְכָל־הֶחָרָשׁ וְהַמַּסְגֵּר
א נִשְׁאַר זוּלַת דַּלַּת עַמ־הָאָרֶץ׃
2Reg 24.15
וַיֶּגֶל אֶת־יְהוֺיָכִין בָּבֶלָה
וְאֶת־אֵם הַמֶּלֶך וְאֶת־נְשֵׁי הַמֶּלֶך
וְאֶת־סָרִיסָיו וְאֵת 1 אוּלֵי 2 אֵילֵי
הָאָרֶץ הוֺלִיך גֺּולָה מִירוּשָׁלִַם
בָּבֶלָה׃
2Reg 24.16
וְאֵת כָּל־אַנְשֵׁי הַחַיִל שִׁבְעַת
אֲלָפִים וְהֶחָרָשׁ וְהַמַּסְגֵּר אֶלֶף
הַכֹּל גִּבּוֺרִים עֹשֵׂי מִלְחָמָה
וַיְבִיאֵם מֶלֶכְ־בָּבֶל גֺּולָה
בֶלָה׃
2Reg 24.17
וַיַּמְלֵך מֶלֶכְ־בָּבֶל אֶת־מַתַּנְיָה
דֹדוֺ תַּחְתָּיו וַיַּסֵּב אֶת־שְׁמוֺ
צִדְקִיָּהוּ׃ ף
2Reg 24.18
בֶּנ־עֶשְׂרִים וְאַחַת שָׁנָה צִדְקִיָּהוּ
בְמָלְכוֺ וְאַחַת עֶשְׂרֵה שָׁנָה
מָלַך בִּירוּשָׁלִָם וְשֵׁם אִמּוֺ 1 חֲמִיטַל 2 חֲמוּטַל
בַּת־יִרְמְיָהוּ לִּבְנָה׃
2Reg 24.19
וַיַּעַשׂ הָרַע בְּעֵינֵי יְהוָה
כְּכֹל אֲשֶׁר־עָשָׂה יְהוֺיָקִים׃
2Reg 24.20
כִּי עַל־אַף יְהוָה הָיְתָה בִירוּשָׁלִַם
וּבִיהוּדָה עַד־הִשְׁלִכוֺ אֹתָם
מֵעַל פָּנָיו וַיִּמְרֹד צִדְקִיָּהוּ
בְּמֶלֶך בָּבֶל׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT