2Chron 35

Teljes szövegű keresés

2Chron 35
2Chron 35.1
וַיַּעַשׂ יֺאשִׁיָּהוּ בִירוּשָׁלִַם פֶּסַח
לַיהוָה וַיִּשְׁחֲטוּ הַפֶּסַח בְּאַרְבָּעָה
עָשָׂר לַחֹדֶשׁ הָרִאשׁוֺן׃
2Chron 35.2
וַיַּעֲמֵד הַכֹּהֲנִים עַל־מִשְׁמְרוֺתָם
וַיְחַזְּקֵם לַעֲבוֺדַת בֵּית יְהוָה׃
2Chron 35.3
וַיֺּאמֶר לַלְוִיִּם 1 הַמְּבוּנִים 2 הַמְּבִינִים
לְכָל־יִשְׂרָאֵל הַקְּדוֺשִׁים לַיהוָה
תְּנוּ אֶת־אֲרוֺנ־הַקֹּדֶשׁ בַּבַּיִת
אֲשֶׁר בָּנָה שְׁלֹמֹה בֶנ־דָּוִיד
מֶלֶך יִשְׂרָאֵל אֵינ־לָכֶם מַשָּׂא
בַּכָּתֵף עַתָּה עִבְדוּ אֶת־יְהוָה
אֱלֹהֵיכֶם וְאֵת עַמּוֺ יִשְׂרָאֵל׃
2Chron 35.4
וְהִכּוֺנוּ 2 וְהָכִינוּ לְבֵית־אֲבוֺתֵיכֶם
כְּמַחְלְקוֺתֵיכֶם בִּכְתָב דָּוִיד
מֶלֶך יִשְׂרָאֵל וּבְמִכְתַּב שְׁלֹמֹה
בְנֺו׃
2Chron 35.5
וְעִמְדוּ בַקֹּדֶשׁ לִפְלֻגֺּות בֵּית
הָאָבוֺת לַאֲחֵיכֶם בְּנֵי הָעָם
וַחֲלֻקַּת בֵּית־אָב לַלְוִיִּם׃
2Chron 35.6
וְשַׁחֲטוּ הַפָּסַח וְהִתְקַדְּשׁוּ וְהָכִינוּ
לַאֲחֵיכֶם לַעֲשׂוֺת כִּדְבַר־יְהוָה
בְּיַד־מֹשֶׁה׃ ף
2Chron 35.7
וַיָּרֶם יֺאשִׁיָּהוּ לִבְנֵי הָעָם
צֹאן כְּבָשִׂים וּבְנֵי־עִזִּים
הַכֹּל לַפְּסָחִים לְכָל־הַנִּמְצָא
לְמִסְפַּר שְׁלֹשִׁים אֶלֶף וּבָקָר
שְׁלֹשֶׁת אֲלָפִים אֵלֶּה מֵרְכוּשׁ
הַמֶּלֶך׃ ס
2Chron 35.8
וְשָׂרָיו לִנְדָבָה לָעָם לַכֹּהֲנִים
וְלַלְוִיִּם הֵרִימוּ חִלְקִיָּה וּזְכַרְיָהוּ
וִיחִיאֵל נְגִידֵי בֵּית הָאֱלֹהִים
לַכֹּהֲנִים נָתְנוּ לַסָחִים אַלְפַּיִם
וְשֵׁשׁ מֵאוֺת וּבָקָר שְׁלֹשׁ מֵאוֺת׃
2Chron 35.9
וְכָונַנְיָהוּ 2 וְכָנַנְיָהוּ וּשְׁמַעְיָהוּ
וּנְתַנְאֵל אֶחָיו וַחֲשַׁבְיָהוּ
וִיעִיאֵל וְיֺוזָבָד שָׂרֵי הַלְוִיִּם
הֵרִימוּ לַלְוִיִּם לַפְּסָחִים חֲמֵשֶׁת
אֲלָפִים וּבָקָר חֲמֵשׁ מֵאוֺת׃
2Chron 35.10
וַתִּכּוֺן הָעֲבוֺדָה וַיַּעַמְדוּ הַכֹּהֲנִים
עַל־עָמְדָם וְהַלְוִיִּם עַל־מַחְלְקוֺתָם
כְּמִצְוַת הַמֶּלֶך׃
2Chron 35.11
וַיִּשְׁחֲטוּ הַפָּסַח וַיִּזְרְקוּ הַכֹּהֲנִים
מִיָּדָם וְהַלְוִיִּם מַפְשִׁיטִים׃
2Chron 35.12
וַיָּסִירוּ הָעֹלָה לְתִתָּם לְמִפְלַגֺּות
לְבֵית־אָבוֺת לִבְנֵי הָעָם לְהַקְרִיב
לַיהוָה כַּכָּתוּב בְּסֵפֶר מֹשֶׁה
וְכֵן לַבָּקָר׃
2Chron 35.13
וַיְבַשְּׁלוּ הַפֶּסַח בָּאֵשׁ כַּמִּשְׁפָּט
וְהַקֳּדָשִׁים בִּשְּׁלוּ בַּסִּירוֺת
וּבַדְּוָדִים וּבַצֵּלָחוֺת וַיָּרִיצוּ
לְכָל־בְּנֵי הָעָם׃
2Chron 35.14
וְאַחַר הֵכִינוּ לָהֶם וְלַכֹּהֲנִים
כִּי הַכֹּהֲנִים בְּנֵי אַהֲרֹן בְּהַעֲלוֺת
הָעוֺלָה וְהַחֲלָבִים עַד־לָיְלָה
וְהַלְוִיִּם הֵכִינוּ לָהֶם וְלַכֹּהֲנִים
בְּנֵי אַהֲרֹן׃
2Chron 35.15
וְהַמְשֹׁרֲרִים בְּנֵי־אָסָף עַל־מַעֲמָדָם
כְּמִצְוַת דָּוִיד וְאָסָף וְהֵימָן
וִידֻתוּן חוֺזֵה הַמֶּלֶך וְהַשֹּׁעֲרִים
לְשַׁעַר וָשָׁעַר אֵין לָהֶם לָסוּר
מֵעַל עֲבֹדָתָם כִּי־אֲחֵיהֶם הַלְוִיִּם
הֵכִינוּ לָהֶם׃
2Chron 35.16
וַתִּכּוֺן כָּל־עֲבוֺדַת יְהוָה
בַּיֺּום הַהוּא לַעֲשׂוֺת הַפֶּסַח
וְהַעֲלוֺת עֹלוֺת עַל מִזְבַּח יְהוָה
כְּמִצְוַת הַמֶּלֶך יֺאשִׁיָּהוּ׃
2Chron 35.17
וַיַּעֲשׂוּ בְנֵי־יִשְׂרָאֵל הַנִּמְצְאִים
אֶת־הַפֶּסַח בָּעֵת הַהִיא וְאֶת־חַג
הַמַּצּוֺת שִׁבְעַת יָמִים׃
2Chron 35.18
וְלֹא־נַעֲשָׂה פֶסַח כָּמֹהוּ בְּיִשְׂרָאֵל
מִימֵי שְׁמוּאֵל הַנָּבִיא וְכָל־מַלְכֵי
יִשְׂרָאֵל לֹא־עָשׂוּ כַּפֶּסַח אֲשֶׁר־עָשָׂה
יֺאשִׁיָּהוּ וְכֹּהֲנִים וְהַלְוִיִּם
וְכָל־יְהוּדָה וְיִשְׂרָאֵל הַנִּמְצָא
וְיֺושְׁבֵי יְרוּשָׁלִָם׃ ס
2Chron 35.19
בִּשְׁמוֺנֶה עֶשְׂרֵה שָׁנָה לְמַלְכוּת
יֺאשִׁיָּהוּ נַעֲשָׂה הַפֶּסַח הַזֶּה׃
2Chron 35.20
אַחֲרֵי כָל־זֺאת אֲשֶׁר הֵכִין
יֺאשִׁיָּהוּ אֶת־הַבַּיִת עָלָה נְכוֺ
מֶלֶכְ־מִצְרַיִם לְהִלָּחֵם בְּכַרְכְּמִישׁ
עַל־פְּרָת וַיֵּצֵא לִקְרָאתוֺ יֺאשִׁיָּהוּ׃
2Chron 35.21
וַיִּשְׁלַח אֵלָיו מַלְאָכִים לֵאמֹר
מַה־לִּי וָלָך מֶלֶך יְהוּדָה
לֹא־עָלֶיךָ אַתָּה הַיֺּום כִּי אֶל־בֵּית
מִלְחַמְתִּי וֵאלֹהִים אָמַר לְבַהֲלֵנִי
חֲדַל־לְךָ מֵאֱלֹהִים אֲשֶׁר־עִמִּי
וְאַל־יַשְׁחִיתֶךָ׃
2Chron 35.22
וְלֹא־הֵסֵב יֺאשִׁיָּהוּ פָנָיו
מִמֶּנּוּ כִּי לְהִלָּחֵמ־בּוֺ הִתְחַפֵּשׂ
וְלֹא שָׁמַע אֶל־דִּבְרֵי נְכוֺ
מִפִּי אֱלֹהִים וַיָּבֹא לְהִלָּחֵם
בִקְעַת מְגִדּוֺ׃
2Chron 35.23
וַיֺּרוּ הַיֺּרִים לַמֶּלֶך יֺאשִׁיָּהוּ
וַיֺּאמֶר הַמֶּלֶך לַעֲבָדָיו הַעֲבִירוּנִי
כִּי הָחֳלֵיתִי מְאֹד׃
2Chron 35.24
וַיַּעֲבִירֻהוּ עֲבָדָיו מִנ־הַמֶּרְכָּבָה
וַיַּרְכִּיבֻהוּ עַל רֶכֶב הַמִּשְׁנֶה
אֲשֶׁר־לוֺ וַיֺּולִיכֻהוּ יְרוּשָׁלִַם
וַיָּמָת וַיִּקָּבֵר בְּבְרוֺת אֲבֹתָיו
וְכָל־יְהוּדָה וִירוּשָׁלִַם מִתְאַבְּלִים
עַל־יֺאשִׁיָּהוּ׃ ף
2Chron 35.25
וַיְקוֺנֵן יִרְמְיָהוּ עַל־יֺאשִׁיָּהוּ
וַיֺּאמְרוּ כָל־הַשָּׁרִים וְהַשָּׁרוֺת
בְּקִינֺותֵיהֶם עַל־יֺאשִׁיָּהוּ
עַד־הַיֺּום וַיִּתְּנוּם לְחֹק עַל־יִרָאֵל
וְהִנָּם כְּתוּבִים עַל־הַקִּינֺות׃
2Chron 35.26
וְיֶתֶר דִּבְרֵי יֺאשִׁיָּהוּ וַחֲסָדָיו
כַּכָּתוּב בְּתוֺרַת יְהוָה׃
2Chron 35.27
וּדְבָרָיו הָרִאשֹׁנִים וְהָאַחֲרֹנִים
הִנָּם כְּתוּבִים עַל־סֵפֶר מַלְכֵי־יִשְׂרָאֵל
וִיהוּדָה׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT