Ez 9

Teljes szövegű keresés

Ez 9
Ez 9.1
וַיִּקְרָא בְאָזְנַי קוֺל גָּדוֺל
לֵאמֹר קָרְבוּ פְּקֻדּוֺת הָעִיר
וְאִישׁ כְּלִי מַשְׁחֵתוֺ בְּיָדוֺ׃
Ez 9.2
וְהִנֵּה שִׁשָּׁה אֲנָשִׁים בָּאִים מִדֶּרֶכְ־שַׁעַר
הָעֶלְיֺון אֲשֶׁר מָפְנֶה צָפוֺנָה
וְאִישׁ כְּלִי מַפָּצוֺ בְּיָדוֺ וְאִישׁ־אֶחָד
בְּתוֺכָם לָבֻשׁ בַּדִּים וְקֶסֶת
הַסֹּפֵר בְּמָתְנָיו וַיָּבֹאוּ וַיַּעַמְדוּ
אֵצֶל מִזְבַּח הַנְּחֹשֶׁת׃
Ez 9.3
וּכְבוֺד אֱלֹהֵי יִשְׂרָאֵל נַעֲלָה
מֵעַל הַכְּרוּב אֲשֶׁר הָיָה עָלָיו
אֶל מִפְתַּן הַבָּיִת וַיִּקְרָא אֶל־הָאִישׁ
הַלָּבֻשׁ הַבַּדִּים אֲשֶׁ קֶסֶת הַסֹּפֵר
בְּמָתְנָיו׃ ס
Ez 9.4
וַיֺּאמֶר יְהוָה 1 אֵלוֺ 2 אֵלָיו עֲבֹר
בְּתוֺך הָעִיר בְּתוֺך יְרוּשָׁלִָם
וְהִתְוִיתָ תָּו עַל־מִצְחוֺת הָאֲנָשִׁים
הַנֶּאֱנָחִים וְהַנֶּאֱנָקִים עַל כָּל־הַתּוֺעֵבוֺת
הַנַּעֲשׂוֺת בְּתוֺכָהּ׃
Ez 9.5
וּלְאֵלֶּה אָמַר בְּאָזְנַי עִבְרוּ
בָעִיר אַחֲרָיו וְהַכּוּ 1 עַל 2 אַל־תָּחֹס 1 עֵינֵיכֶם 2 עֵינְכֶם
וְאַל־תַּחְמֹלוּ׃
Ez 9.6
זָקֵן בָּחוּר וּבְתוּלָה וְטַף וְנָשִׁים
תַּהַרְגוּ לְמַשְׁחִית וְעַל־כָּל־אִישׁ
אֲשֶׁר־עָלָיו הַתָּו אַל־תִּגַּשׁוּ
וּמִמִּקְדָּשִׁי תָּחֵלּוּ וַיָּחֵלּוּ בָּאֲנָשִׁים
הַזְּקֵנִים אֲשֶׁר לִפְנֵי הַבָּיִת׃
Ez 9.7
וַיֺּאמֶר אֲלֵיהֶם טַמְּאוּ אֶת־הַבַּיִת
וּמַלְאוּ אֶת־הַחֲצֵרוֺת חֲלָלִים
צֵאוּ וְיָצְאוּ וְהִכּוּ בָעִיר׃
Ez 9.8
וַיְהִי כְּהַכּוֺתָם וְנֵאשֲׁאַר אָנִי
וָאֶפְּלָה עַל־פָּנַי וָאֶזְעַק וָאֹמַר
אֲהָהּ אֲדֹנָי יְהוִה הֲמַשְׁחִית
אַתָּה אֵת כָּל־שְׁאֵרִית יִשְׂרָאֵל
בְּשָׁפְכְּךָ אֶת־חֲמָתְךָ עַל־יְרוּשָׁלִָם׃
Ez 9.9
וַיֺּאמֶר אֵלַי עֲוֺן בֵּית־יִשְׂרָאֵל
וִיהוּדָה גָּדוֺל בִּמְאֹד מְאֹד
וַתִּמָּלֵא הָאָרֶץ דָּמִים וְהָעִיר
מָלְאָה מֻטֶּה כִּי אָמְרוּ עָזַב
יְהוָה אֶת־הָאָרֶץ וְאֵין יְהוָה
רֹאֶה׃
Ez 9.10
וְגַמ־אֲנִי לֹא־תָחוֺס עֵינִי
וְלֹא אֶחְמֹל דַּרְכָּם בְּרֹאשָׁם
נָתָתִּי׃
Ez 9.11
וְהִנֵּה הָאִישׁ לְבֻשׁ הַבַּדִּים אֲשֶׁר
הַקֶּסֶת בְּמָתְנָיו מֵשִׁיב דָּבָר
לֵאמֹר עָשִׂיתִי 1 כַאֲשֶׁר 2 כְּכל 2 אֲשֶׁר
צִוִּיתָנִי׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT