Ez 11

Teljes szövegű keresés

Ez 11
Ez 11.1
וַתִּשָּׂא אֹתִי רוּחַ וַתָּבֵא אֹתִי
אֶל־שַׁעַר בֵּית־יְהוָה הַקַּדְמוֺנִי
הַפּוֺנֶה קָדִימָה וְהִנֵּה בְּפֶתַח
הַשַּׁעַר עֶשְׂרִים וַחֲמִשָּׁה אִישׁ
וָאֶרְאֶה בְתוֺכָם אֶת־יַאֲזַנְיָה
בֶנ־עַזֻּר וְאֶת־פְּלַטְיָהוּ בֶנ־בְּנָיָהוּ
שָׂרֵי הָעָם׃ ף
Ez 11.2
וַיֺּאמֶר אֵלָי בֶּנ־אָדָם אֵלֶּה
הָאֲנָשִׁים הַחֹשְׁבִים אָוֶן וְהַיֺּעֲצִים
עֲצַת־רָע בָּעִיר הַזֺּאת׃
Ez 11.3
הָאֹמְרִים לֹא בְקָרוֺב בְּנֺות
בָּתִּים הִיא הַסִּיר וַאֲנַחְנוּ
הַבָּשָׂר׃
Ez 11.4
לָכֵן הִנָּבֵא עֲלֵיהֶם הִנָּבֵא בֶּנ־אָדָם׃
Ez 11.5
וַתִּפֹּל עָלַי רוּחַ יְהוָה וַיֺּאמֶר
אֵלַי אֱמֹר כֹּה־אָמַר יְהוָה כֵּן
אֲמַרְתֶּם בֵּית יִשְׂרָאֵל וּמַעֲלוֺת
רוּחֲכֶם אֲנִי יְדַעְתִּהָ׃
Ez 11.6
הִרְבֵּיתֶם חַלְלֵיכֶם בָּעִיר הַזֺּאת
וּמִלֵּאתֶם חוּצֹתֶיהָ חָלָל׃ ף
Ez 11.7
לָכֵן כֹּה־אָמַר אֲדֹנָי יְהוִה
חַלְלֵיכֶם אֲשֶׁר שַׂמְתֶּם בְּתוֺכָהּ
הֵמָּה הַבָּשָׂר וְהִיא הַסִּיר וְאֶתְכֶם
הוֺצִיא מִתּוֺכָהּ׃
Ez 11.8
חֶרֶב יְרֵאתֶם וְחֶרֶב אָבִיא עֲלֵיכֶם
נְאֻם אֲדֹנָי יְהוִה׃
Ez 11.9
וְהוֺצֵאתִי אֶתְכֶם מִתּוֺכָהּ וְנָתַתִּי
אֶתְכֶם בְּיַד־זָרִים וְעָשִׂיתִי
בָכֶם שְׁפָטִים׃
Ez 11.10
בַּחֶרֶב תִּפֹּלוּ עַל־גְּבוּל יִשְׂרָאֵל
אֶשְׁפּוֺט אֶתְכֶם וִידַעְתֶּם כִּי־אֲנִי
יְהוָה׃
Ez 11.11
הִיא לֹא־תִהְיֶה לָכֶם לְסִיר
וְאַתֶּם תִּהְיוּ בְתוֺכָהּ לְבָשָׂר
אֶל־גְּבוּל יִשְׂרָאֵל אֶשְׁפֹּט אֶתְכֶם׃
Ez 11.12
וִידַעְתֶּם כִּי־אֲנִי יְהוָה אֲשֶׁר
בְּחֻקַּי לֹא הֲלַכְתֶּם וּמִשְׁפָּטַי
לֹא עֲשִׂיתֶם וּכְמִשְׁפְּטֵי הַגֺּויִם
אֲשֶׁר סְבִיבוֺתֵיכֶם עֲשִׂתֶם׃
Ez 11.13
וַיְהִי כְּהִנָּבְאִי וּפְלַטְיָהוּ בֶנ־בְּנָיָה
מֵת וָאֶפֹּל עַל־פָּנַי וָאֶזְעַק
קוֺל־גָּדוֺל וָאֹמַר אֲהָהּ אֲדֹנָי
יְהוִה כָּלָה אַתָּה עֹשֶׂה אֵת
שְׁאֵרִית יִשְׂרָאֵל׃ ף
Ez 11.14
וַיְהִי דְבַר־יְהוָה אֵלַי לֵאמֹר׃
Ez 11.15
בֶּנ־אָדָם אַחֶיךָ אַחֶיךָ אַנְשֵׁי
גְאֻלָּתֶךָ וְכָל־בֵּית יִשְׂרָאֵל כֻּלֹּה
אֲשֶׁר אָמְרוּ לָהֶם יֺשְׁבֵי יְרוּשָׁלִַם
רַחֲקוּ מֵעַל יְהוָה לָנוּ הִיא
נִתְּנָה הָאָרֶץ לְמוֺרָשָׁה׃ ס
Ez 11.16
לָכֵן אֱמֹר כֹּה־אָמַר אֲדֹנָי
יְהוִה כִּי הִרְחַקְתִּים בַּגֺּויִם
וְכִי הֲפִיצוֺתִים בָּאֲרָצוֺת
וָאֱהִי לָהֶם לְמִקְדָּשׁ מְעַט בָּאֲרָצוֺת
אֲשֶׁר־בָּאוּ שָׁם׃ ס
Ez 11.17
לָכֵן אֱמֹר כֹּה־אָמַר אֲדֹנָי יְהוִה
וְקִבַּצְתִּי אֶתְכֶם מִנ־הָעַמִּים
וְאָסַפְתִּי אֶתְכֶם מִנ־הָאֲרָצוֺת
אֲשֶׁר נְפֹצוֺתֶם בָּהֶם וְנָתַתִּי
לָכֶם אֶת־אַדְמַת יִשְׂרָאֵל׃
Ez 11.18
וּבָאוּ־שָׁמָּה וְהֵסִירוּ אֶת־כָּל־שִׁקּוּצֶיהָ
וְאֶת־כָּל־תּוֺעֲבוֺתֶיהָ מִמֶּנָּה׃
Ez 11.19
וְנָתַתִּי לָהֶם לֵב אֶחָד וְרוּחַ
חֲדָשָׁה אֶתֵּן בְּקִרְבְּכֶם וַהֲסִרֹתִי
לֵב הָאֶבֶן מִבְּשָׂרָם וְנָתַתִּי לָהֶם
לֵב בָּשָׂר׃
Ez 11.20
לְמַעַן בְּחֻקֹּתַי יֵלֵכוּ וְאֶת־מִשְׁפָּטַי
יִשְׁמְרוּ וְעָשׂוּ אֹתָם וְהָיוּ־לִי
לְעָם וַאֲנִי אֶהְיֶה לָהֶם לֵאלֹהִים׃
Ez 11.21
וְאֶל־לֵב שִׁקּוּצֵיהֶם וְתוֺעֲבוֺתֵיהֶם
לִבָּם הֹלֵך דַּרְכָּם בְּרֹאשָׁם נָתַתִּי
נְאֻם אֲדֹנָי יְהוִה׃
Ez 11.22
וַיִּשְׂאוּ הַכְּרוּבִים אֶת־כַּנְפֵיהֶם
וְהָאוֺפַנִּים לְעֻמָּתָם וּכְבוֺד
אֱלֹהֵי־יִשְׂרָאֵל עֲלֵיהֶם מִלְמָעְלָה׃
Ez 11.23
וַיַּעַל כְּבוֺד יְהוָה מֵעַל תּוֺך
הָעִיר וַיַּעֲמֹד עַל־הָהָר אֲשֶׁר
מִקֶּדֶם לָעִיר׃
Ez 11.24
וְרוּחַ נְשָׂאַתְנִי וַתְּבִיאֵנִי כַשְׂדִּימָה
אֶל־הַגֺּולָה בַּמַּרְאֶה בְּרוּחַ
אֱלֹהִים וַיַּעַל מֵעָלַי הַמַּרְאֶה
אֲשֶׁר רָאִיתִי׃
Ez 11.25
וָאֲדַבֵּר אֶל־הַגֺּולָה אֵת כָּל־דִּבְרֵי
יְהוָה אֲשֶׁר הֶרְאָנִי׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT