Exo 3

Teljes szövegű keresés

Exo 3
Exo 3.1
וּמֹשֶׁה הָיָה רֹעֶה אֶת־צֹאן יִתְרוֺ
חֹתְנֺו כֹּהֵן מִדְיָן וַיִּנְהַג אֶת־הַצֹּאן
אַחַר הַמִּדְבָּר וַיָּבֹא אֶל־הַר
הָאֱלֹהִים חֹרֵבָה׃
Exo 3.2
וַיֵּרָא מַלְאַך יְהֹוָה אֵלָיו
בְּלַבַּת־אֵשׁ מִתּוֺך הַסְּנֶה וַיַּרְא
וְהִנֵּה הַסְּנֶה בֹּעֵר בָּאֵשׁ וְהַסְּנֶה
אֵינֶנּוּ אֻכָּל׃
Exo 3.3
וַיֺּאמֶר מֹשֶׁה אָסֻרָה־נָּא וְאֶרְאֶה
אֶת־הַמַּרְאֶה הַגָּדֹל הַזֶּה מַדּוּעַ
לֹא־יִבְעַר הַסְּנֶה׃
Exo 3.4
וַיַּרְא יְהוָה כִּי סָר לִרְאוֺת
וַיִּקְרָא אֵלָיו אֱלֹהִים מִתּוֺך
הַסְּנֶה וַיֺּאמֶר מֹשֶׁה מֹשֶׁה וַיֺּאמֶר
הִנֵּנִי׃
Exo 3.5
וַיֺּאמֶר אַל־תִּקְרַב הֲלֹם שַׁל־נְעָלֶיךָ
מֵעַל רַגְלֶיךָ כִּי הַמָּקוֺם אֲשֶׁר
אַתָּה עוֺמֵד עָלָיו אַדְמַת־קֹדֶשׁ
הוּא׃
Exo 3.6
וַיֺּאמֶר אָנֺכִי אֱלֹהֵי אָבִיךָ
אֱלֹהֵי אַבְרָהָם אֱלֹהֵי יִצְחָק
וֵאלֹהֵי יַעֲקֹב וַיַּסְתֵּר מֹשֶׁה
פָּנָיו כִּי יָרֵא מֵהַבִּיט אֶל־הָאֱלֹהִים׃
Exo 3.7
וַיֺּאמֶר יְהוָה רָאֹה רָאִיתִי
אֶת־עֳנִי עַמִּי אֲשֶׁר בְּמִצְרָיִם
וְאֶת־צַעֲקָתָם שָׁמַעְתִּי מִפְּנֵי
נֺגְשָׂיו כִּי יָדַעְתִּי אֶת־מַכְאֹבָו׃
Exo 3.8
וָאֵרֵד לְהַצִּילוֺ מִיַּד מִצְרַיִם
וּלְהַעֲלֹתוֺ מִנ־הָאָרֶץ הַהִוא
אֶל־אֶרֶץ טוֺבָה וּרְחָבָה אֶל־אֶרֶץ
זָבַת חָלָב וּדְבָשׁ אֶל־מְקוֺם
הַכְּנַעֲנִי וְהַחִתִּי וְהָאֱמֹרִי
וְהַפְּרִזִּי וְהַחִוִּי וְהַיְבוּסִי׃
Exo 3.9
וְעַתָּה הִנֵּה צַעֲקַת בְּנֵי־יִשְׂרָאֵל
בָּאָה אֵלָי וְגַמ־רָאִיתִי אֶת־הַלַּחַץ
אֲשֶׁר מִצְרַיִם לֹחֲצִים אֹתָם׃
Exo 3.10
וְעַתָּה לְכָה וְאֶשְׁלָחֲךָ אֶל־פַּרְעֹה
וְהוֺצֵא אֶת־עַמִּי בְנֵי־יִשְׂרָאֵל
מִמִּצְרָיִם׃
Exo 3.11
וַיֺּאמֶר מֹשֶׁה אֶל־הָאֱלֹהִים מִי
אָנֺכִי כִּי אֵלֵך אֶל־פַּרְעֹה
וְכִי אוֺצִיא אֶת־בְּנֵי יִשְׂרָאֵל
מִמִּצְרָיִם׃
Exo 3.12
וַיֺּאמֶר כִּי־אֶהְיֶה עִמָּך וְזֶה־לְּךָ
הָאוֺת כִּי אָנֺכִי שְׁלַחְתִּיךָ בְּהוֺצִיאֲךָ
אֶת־הָעָם מִמִּצְרַיִם תַּעַבְדוּן
אֶת־הָאֱלֹהִם עַל הָהָר הַזֶּה׃
Exo 3.13
וַיֺּאמֶר מֹשֶׁה אֶל־הָאֱלֹהִים
הִנֵּה אָנֺכִי בָא אֶל־בְּנֵי יִשְׂרָאֵל
וְאָמַרְתִּי לָהֶם אֱלֹהֵי אֲבוֺתֵיכֶם
שְׁלָחַנִי אֲלֵיכֶם וְאָמְרוּ־לִי
מַה־שְּׁמוֺ מָה אֹמַר אֲלֵהֶם׃
Exo 3.14
וַיֺּאמֶר אֱלֹהִים אֶל־מֹשֶׁה אֶהְיֶה
אֲשֶׁר אֶהְיֶה וַיֺּאמֶר כֹּה תֹאמַר
לִבְנֵי יִשְׂרָאֵל אֶהְיֶה שְׁלָחַנִי
אֲלֵיכֶם׃
Exo 3.15
וַיֺּאמֶר עוֺד אֱלֹהִים אֶל־מֹשֶׁה
כֹּה־תֹאמַר אֶל־בְּנֵי יִשְׂרָאֵל
יְהוָה אֱלֹהֵי אֲבֹתֵיכֶם אֱלֹהֵי
אַבְרָהָם אֱלֹהֵי יִצְחָק וֵאלֹהֵי
יַקֹב שְׁלָחַנִי אֲלֵיכֶם זֶה־שְּׁמִי
לְעֹלָם וְזֶה זִכְרִי לְדֹר דֹּר׃
Exo 3.16
לֵך וְאָסַפְתָּ אֶת־זִקְנֵי יִשְׂרָאֵל
וְאָמַרְתָּ אֲלֵהֶם יְהוָה אֱלֹהֵי
אֲבֹתֵיכֶם נִרְאָה אֵלַי אֱלֹהֵי
אַבְרָהָם יִצְחָק וְיַעֲקֹב לֵאמֹר
פָּקֹד פָּקַדְתִּי אֶתְכֶם וְאֶת־הֶעָשׂוּי
לָכֶם בְּמִצְרָיִם׃
Exo 3.17
וָאֹמַר אַעֲלֶה אֶתְכֶם מֵעֳנִי
מִצְרַיִם אֶל־אֶרֶץ הַכְּנַעֲנִי וְהַחִתִּי
וְהָאֱמֹרִי וְהַפְּרִזִּי וְהַחִוִּי
וְהַיְבוּסִי אֶל־אֶרֶץ זָת חָלָב
וּדְבָשׁ׃
Exo 3.18
וְשָׁמְעוּ לְקֹלֶךָ וּבָאתָ אַתָּה
וְזִקְנֵי יִשְׂרָאֵל אֶל־מֶלֶך מִצְרַיִם
וַאֲמַרְתֶּם אֵלָיו יְהוָה אֱלֹהֵי
הָעִבְרִיִּים נִקְרָה עָלֵינוּ וְעַתָּה
נֵלֲכָה־נָּא דֶּרֶך שְׁלֹשֶׁת יָמִים
בַּמִּדְבָּר וְנִזְבְּחָה לַיהוָה אֱלֹהֵינוּ׃
Exo 3.19
וַאֲנִי יָדַעְתִּי כִּי לֹא־יִתֵּן
אֶתְכֶם מֶלֶך מִצְרַיִם לַהֲלֹך
וְלֹא בְּיָד חֲזָקָה׃
Exo 3.20
וְשָׁלַחְתִּי אֶת־יָדִי וְהִכֵּיתִי
אֶת־מִצְרַיִם בְּכֹל נִפְלְאֹתַי
אֲשֶׁר אֶעֱשֶׂה בְּקִרְבּוֺ וְאַחֲרֵי־כֵן
יְשַׁלַּח אֶתְכֶם׃
Exo 3.21
וְנָתַתִּי אֶת־חֵן הָעָמ־הַזֶּה בְּעֵינֵי
מִצְרָיִם וְהָיָה כִּי תֵלֵכוּן לֹא
תֵלְכוּ רֵיקָם׃
Exo 3.22
וְשָׁאֲלָה אִשָּׁה מִשְּׁכֶנְתָּהּ וּמִגָּרַת
בֵּיתָהּ כְּלֵי־כֶסֶף וּכְלֵי זָהָב
וּשְׂמָלֹת וְשַׂמְתֶּם עַל־בְּנֵיכֶם
וְעַל־בְּנֺתֵיכֶם וְנִצַּלְתֶּם אֶתמִצְרָיִם׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT