Exo 11

Teljes szövegű keresés

Exo 11
Exo 11.1
וַיֺּאמֶר יְהוָה אֶל־מֹשֶׁה עוֺד
נֶגַע אֶחָד אָבִיא עַל־פַּרְעֹה
וְעַל־מִצְרַיִם אַחֲרֵי־כֵן יְשַׁלַּח
אֶתְכֶם מִזֶּה כְּשַׁלְּחוֺ כָּלָה גָּרֵשׁיְגָרֵשׁ
אֶתְכֶם מִזֶּה׃
Exo 11.2
דַּבֶּר־נָא בְּאָזְנֵי הָעָם וְיִשְׁאֲלוּ
אִישׁ מֵאֵת רֵעֵהוּ וְאִשָּׁה מֵאֵת
רְעוּתָהּ כְּלֵי־כֶסֶף וּכְלֵי זָהָב׃
Exo 11.3
וַיִּתֵּן יְהוָה אֶת־חֵן הָעָם
בְּעֵינֵי מִצְרָיִם גַּם הָאִישׁ מֹשֶׁה
גָּדוֺל מְאֹד בְּאֶרֶץ מִצְרַיִם בְּעֵינֵי
עַבְדֵי־פַרְעֹה וּבְעֵינֵי הָעָם׃
ס
Exo 11.4
וַיֺּאמֶר מֹשֶׁה כֹּה אָמַר יְהוָה
כַּחֲצֹת הַלַּיְלָה אֲנִי יֺוצֵא בְּתוֺך
מִצְרָיִם׃
Exo 11.5
וּמֵת כָּל־בְּכוֺר בְּאֶרֶץ מִצְרַיִם
מִבְּכוֺר פַּרְעֹה הַיֺּשֵׁב עַל־כִּסְאוֺ
עַד בְּכוֺר הַשִּׁפְחָה אֲשֶׁר אַחַר
הָרֵחָיִם וְכֹל בְּכוֺר בְּהֵמָה׃
Exo 11.6
וְהָיְתָה צְעָקָה גְדֹלָה בְּכָל־אֶרֶץ
מִצְרָיִם אֲשֶׁר כָּמֹהוּ לֹא נִהְיָתָה
וְכָמֹהוּ לֹא תֹסִף׃
Exo 11.7
וּלְכֹל בְּנֵי יִשְׂרָאֵל לֹא יֶחֱרַצ־כֶּלֶב
לְשֹׁנֺו לְמֵאִישׁ וְעַד־בְּהֵמָה לְמַעַן
תֵּדְעוּן אֲשֶׁר יַפְלֶה יְהוָה
בֵּין מִצְרַיִם וּבֵין יִשְׂרָאֵל׃
Exo 11.8
וְיָרְדוּ כָל־עֲבָדֶיךָ אֵלֶּה אֵלַי
וְהִשְׁתַּחֲוּוּ־לִי לֵאמֹר צֵא אַתָּה
וְכָל־הָעָם אֲשֶׁר־בְּרַגְלֶיךָ וְאַחֲרֵי־כֵן
אֵצֵא וַיֵּצֵא מֵעִמ־רְעֹה בָּחֳרִי־אָף׃
ס
Exo 11.9
וַיֺּאמֶר יְהוָה אֶל־מֹשֶׁה לֹא־יִשְׁמַע
אֲלֵיכֶם פַּרְעֹה לְמַעַן רְבוֺת
מוֺפְתַי בְּאֶרֶץ מִצְרָיִם׃
Exo 11.10
וּמֹשֶׁה וְאַהֲרֹן עָשׂוּ אֶת־כָּל־הַמֹּפְתִים
הָאֵלֶּה לִפְנֵי פַרְעֹה וַיְחַזֵּק
יְהוָה אֶת־לֵב פַּרְעֹה וְלֹא־שִׁלַּח
אֶת־בְּנֵי־יִשְׂרָאֵל מֵאַרְצוֺ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT