Deut 9

Teljes szövegű keresés

Deut 9
Deut 9.1
שְׁמַע יִשְׂרָאֵל אַתָּה עֹבֵר הַיֺּום
אֶת־הַיַּרְדֵּן לָבֹא לָרֶשֶׁת גֺּויִם
גְּדֹלִים וַעֲצֻמִים מִמֶּךָּ עָרִים
גְּדֹלֹת וּבְצֻרֹת בַּשָּׁמָיִם׃
Deut 9.2
עַמ־גָּדוֺל וָרָם בְּנֵי עֲנָקִים
אֲשֶׁר אַתָּה יָדַעְתָּ וְאַתָּה שָׁמַעְתָּ
מִי יִתְיַצֵּב לִפְנֵי בְּנֵי עֲנָק׃
Deut 9.3
וְיָדַעְתָּ הַיֺּום כִּי יְהוָה אֱלֹהֶיךָ
הוּא־הָעֹבֵר לְפָנֶיךָ אֵשׁ אֹכְלָה
הוּא יַשְׁמִידֵם וְהוּא יַכְנִיעֵם
לְפָנֶיךָ וְהוֺרַשְׁתָּם וְהַאַבַדְתָּםְ
מַהֵר כַּאֲשֶׁר דִּבֶּר יְהוָה לָך׃
Deut 9.4
אַל־תֹּאמַר בִּלְבָבְךָ בַּהֲדֹף יְהוָה
אֱלֹהֶיךָ אֹתָם מִלְּפָנֶיךָ לֵאמֹר
בְּצִדְקָתִי הֱבִיאַנִי יְהוָה לָרֶשֶׁת
אֶת־הָאָרֶץ הַזֺּאת וּבְרִשְׁת הַגֺּויִם
הָאֵלֶּה יְהוָה מוֺרִישָׁםְ מִפָּנֶיךָ׃
Deut 9.5
לֹא בְצִדְקָתְךָ וּבְיֺשֶׁר לְבָבְךָ
אַתָּה בָא לָרֶשֶׁת אֶת־אַרְצָם כִּי
בְּרִשְׁעַת הַגֺּויִם הָאֵלֶּה יְהוָה
אֱלֹהֶיךָ מוֺרִישָׁם מִפָּנֶךָ וּלְמַעַן
הָקִים אֶת־הַדָּבָר אֲשֶׁר נִשְׁבַּע
יְהוָה לַאֲבֹתֶיךָ לְאַבְרָהָם לְיִצְחָק
וּלְיַעֲקֹב׃
Deut 9.6
וְיָדַעְתָּ כִּי לֹא בְצִדְקָתְךָ יְהוָה
אֱלֹהֶיךָ נֺתֵן לְךָ אֶת־הָאָרֶץ
הַטּוֺבָה הַזֺּאת לְרִשְׁתָּהּ כִּי עַמ־קְשֵׁה־עֹרֶף
אָתָּה׃
Deut 9.7
זְכֹר אַל־תִּשְׁכַּח אֵת אֲשֶׁר־הִקְצַפְתָּ
אֶת־יְהוָה אֱלֹהֶיךָ בַּמִּדְבָּר
לְמִנ־הַיֺּום אֲשֶׁר־יָצָאתָ מֵאֶרֶץ
מִצְרַיִם עַד־בֹּאֲכֶם עַד־הַמָּקוֺם
הַזֶּה מַמְרִים הֱיִיתֶם עִמ־יְהוָה׃
Deut 9.8
וּבְחֹרֵב הִקְצַפְתֶּם אֶת־יְהוָה
וַיִּתְאַנַּף יְהוָה בָּכֶם לְהַשְׁמִיד
אֶתְכֶם׃
Deut 9.9
בַּעֲלֹתִי הָהָרָה לָקַחַת לוּחֹת
הָאֲבָנִים לוּחֹת הַבְּרִית אֲשֶׁר־כָּרַת
יְהוָה עִמָּכֶם וָאֵשֵׁב בָּהָר אַרְבָּעִים
יֺום וְאַרְבָּעִים לַלָה לֶחֶם לֹא
אָכַלְתִּי וּמַיִם לֹא שָׁתִיתִי׃
Deut 9.10
וַיִּתֵּן יְהוָה אֵלַי אֶת־שְׁנֵי
לוּחֹת הָאֲבָנִים כְּתֻבִים בְּאֶצְבַּע
אֱלֹהִים וַעֲלֵיהֶם כְּכָל־הַדְּבָרִים
אֲשֶׁר דִּבֶּר יְהוָה עִמָּדֶ בָּהָר
מִתּוֺך הָאֵשׁ בְּיֺום הַקָּהָל׃
Deut 9.11
וַיְהִי מִקֵּץ אַרְבָּעִים יֺום וְאַרְבָּעִים
לָיְלָה נָתַן יְהוָה אֵלַי אֶת־שְׁנֵי
לֻחֹת הָאֲבָנִים לֻחוֺת הַבְּרִית׃
Deut 9.12
וַיֺּאמֶר יְהוָה אֵלַי קוּם רֵד
מַהֵר מִזֶּה כִּי שִׁחֵת עַמְּךָ אֲשֶׁר
הוֺצֵאתָ מִמִּצְרָיִם סָרוּ מַהֵר
מִנ־הַדֶּרֶך אֲשֶׁר צִוִּיתִם עָשׂוּ
לָהֶם מַסֵּכָה׃
Deut 9.13
וַיֺּאמֶר יְהוָה אֵלַי לֵאמֹר
רָאִיתִי אֶת־הָעָם הַזֶּה וְהִנֵּה
עַמ־קְשֵׁה־עֹרֶף הוּא׃
Deut 9.14
הֶרֶף מִמֶּנִּי וְאַשְׁמִידֵם וְאֶמְחֶה
אֶת־שְׁמָם מִתַּחַת הַשָּׁמָיִם וְאֶעֱשֶׂה
אוֺתְךָ לְגֺוי־עָצוּם וָרָב מִמֶּנּוּ׃
Deut 9.15
וָאֵפֶן וָאֵרֵד מִנ־הָהָר וְהָהָר
בֹּעֵר בָּאֵשׁ וּשְׁנֵי לֻחֹת הַבְּרִית
עַל שְׁתֵּי יָדָי׃
Deut 9.16
וָאֵרֶא וְהִנֵּה חֲטָאתֶם לַיהוָה
אֱלֹהֵיכֶם עֲשִׂיתֶם לָכֶם עֵגֶל
מַסֵּכָה סַרְתֶּם מַהֵר מִנ־הַדֶּרֶך
אֲשֶׁר־צִוָּה יְהוָה אֶתְכֶם׃
Deut 9.17
וָאֶתְפֹּשׂ בִּשְׁנֵי הַלֻּחֹת וָאַשְׁלִכֵם
מֵעַל שְׁתֵּי יָדָי וָאֲשַׁבְּרֵם לְעֵינֵיכֶם׃
Deut 9.18
וָאֶתְנַפַּל לִפְנֵי יְהוָה כָּרִאשֹׁנָה
אַרְבָּעִים יֺום וְאַרְבָּעִים לַיְלָה
לֶחֶם לֹא אָכַלְתִּי וּמַיִם לֹא
שָׁתִיתִי עַל כָּל־חַטַּאתְכֶם אֲשֶׁר
חֲטָאתֶם לַעֲשׂוֺת הָרַע בְּעֵינֵי
יְהוָה לְהַכְעִיסוֺ׃
Deut 9.19
כִּי יָגֺרְתִּי מִפְּנֵי הָאַף וְהַחֵמָה
אֲשֶׁר קָצַף יְהוָה עֲלֵיכֶם לְהַשְׁמִיד
אֶתְכֶם וַיִּשְׁמַע יְהוָה אֵלַי
גַּם בַּפַּעַם הַהִוא׃
Deut 9.20
וּבְאַהֲרֹן הִתְאַנַּף יְהוָה מְאֹד
לְהַשְׁמִידוֺ וָאֶתְפַּלֵּל גַּמ־בְּעַד
אַהֲרֹן בָּעֵת הַהִוא׃
Deut 9.21
וְאֶת־חַטַּאתְכֶם אֲשֶׁר־עֲשִׂיתֶם
אֶת־הָעֵגֶל לָקַחְתִּי וָאֶשְׂרֹף אֹתוֺ
בָּאֵשׁ וָאֶכֹּת אֹתוֺ טָחוֺן הֵיטֵב
עַד אֲשֶׁר־דַּק לְעָפָר וָאַשְׁלִך
אֶת־עֲפָרוֺ אֶל־הַנַּחַל הַיֺּרֵד
מִנ־הָהָר׃
Deut 9.22
וּבְתַבְעֵרָה וּבְמַסָּה וּבְקִבְרֹת
הַתַּאֲוָה מַקְצִפִים הֱיִיתֶם אֶת־יְהוָה׃
Deut 9.23
וּבִשְׁלֹחַ יְהוָה אֶתְכֶם מִקָּדֵשׁ
בַּרְנֵעַ לֵאמֹר עֲלוּ וּרְשׁוּ אֶת־הָאָרֶץ
אֲשֶׁר נָתַתִּי לָכֶם וַתַּמְרוּ אֶת־פִּי
יְהוָה אֱלֹהֵיכֶם וְלֹא הֶאֱמַנְתֶּם
לוֺ וְלֹא שְׁמַעְתֶּם בְּקֹלוֺ׃
Deut 9.24
מַמְרִים הֱיִיתֶם עִמ־יְהוָה מִיֺּום
דַּעְתִּי אֶתְכֶם׃
Deut 9.25
וָאֶתְנַפַּל לִפְנֵי יְהוָה אֵת אַרְבָּעִים
הַיֺּום וְאֶת־אַרְבָּעִים הַלַּיְלָה
אֲשֶׁר הִתְנַפָּלְתִּי כִּי־אָמַר יְהוָה
לְהַשְׁמִיד אֶתְכֶם׃
Deut 9.26
וָאֶתְפַּלֵּל אֶל־יְהוָה וָאֹמַר אֲדֹנָי
יְהוִה אַל־תַּשְׁחֵת עַמְּךָ וְנַחֲלָתְךָ
אֲשֶׁר פָּדִיתָ בְּגָדְלֶךָ אֲשֶׁר־הוֺצֵאתָ
מִמִּצְרַיִם בְּיָד חֲזָקָה׃
Deut 9.27
זְכֹר לַעֲבָדֶיךָ לְאַבְרָהָם לְיִצְחָק
וּלְיַעֲקֹב אַל־תֵּפֶן אֶל־קְשִׁי
הָעָם הַזֶּה וְאֶל־רִשְׁעוֺ וְאֶל־חַטָּאתוֺ׃
Deut 9.28
פֶּנ־יֺאמְרוּ הָאָרֶץ אֲשֶׁר הוֺצֵאתָנוּ
מִשָּׁם מִבְּלִי יְכֹלֶת יְהוָה לַהֲבִיאָם
אֶל־הָאָרֶץ אֲשֶׁר־דִּבֶּר לָהֶם
וּמִשִּׂנְאָתוֺ אוֺתָם הוֺצִיאָ לַהֲמִתָם
בַּמִּדְבָּר׃
Deut 9.29
וְהֵם עַמְּךָ וְנַחֲלָתֶךָ אֲשֶׁר הוֺצֵאתָ
בְּכֹחֲךָ הַגָּדֹל וּבִזְרֹעֲךָ הַנְּטוּיָה׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT