Ez 24

Full text search

Ez 24
Ez 24.1
וַיְהִי דְבַר־יְהוָה אֵלַי בַּשָּׁנָה
הַתְּשִׁיעִית בַּחֹדֶשׁ הָעֲשִׂירִי
בֶּעָשׂוֺר לַחֹדֶשׁ לֵאמֹר׃
Ez 24.2
בֶּנ־אָדָם 1 כְּתוֺב 2 כְּתָב־לְךָ אֶת־שֵׁם
הַיֺּום אֶת־עֶצֶם הַיֺּום הַזֶּה
סָמַך מֶלֶכְ־בָּבֶל אֶל־יְרוּשָׁלִַם
בְּעֶצֶם הַיֺּום הַזֶּה׃
Ez 24.3
וּמְשֹׁל אֶל־בֵּית־הַמֶּרִי מָשָׁל
וְאָמַרְתָּ אֲלֵיהֶם כֹּה אָמַר אֲדֹנָי
יְהוִה שְׁפֹת הַסִּיר שְׁפֹת וְגַמ־יְצֹק
בּוֺ מָיִם׃
Ez 24.4
אֱסֹף נְתָחֶיהָ אֵלֶיהָ כָּל־נֵתַח
טוֺב יָרֵך וְכָתֵף מִבְחַר עֲצָמִים
מַלֵּא׃
Ez 24.5
מִבְחַר הַצֹּאן לָקוֺחַ וְגַם דּוּר
הָעֲצָמִים תַּחְתֶּיהָ רַתַּח רְתָחֶיהָ
גַּמ־בָּשְׁלוּ עֲצָמֶיהָ בְּתוֺכָהּ׃
ס
Ez 24.6
לָכֵן כֹּה־אָמַר אֲדֹנָי יְהֹוִה
אוֺי עִיר הַדָּמִים סִיר אֲשֶׁר
חֶלְאָתָה בָהּ וְחֶלְאָתָהּ לֹא יָצְאָה
מִמֶּנָּה לִנְתָחֶיהָ לִנְתָחֶי הוֺצִיאָהּ
לֹא־נָפַל עָלֶיהָ גֺּורָל׃
Ez 24.7
כִּי דָמָהּ בְּתוֺכָהּ הָיָה עַל־צְחִיחַ
סֶלַע שָׂמָתְהוּ לֹא שְׁפָכַתְהוּ
עַל־הָאָרֶץ לְכַסּוֺת עָלָיו עָפָר׃
Ez 24.8
לְהַעֲלוֺת חֵמָה לִנְקֹם נָקָם נָתַתִּי
אֶת־דָּמָהּ עַל־צְחִיחַ סָלַע לְבִלְתִּי
הִכָּסוֺת׃ ף
Ez 24.9
לָכֵן כֹּה אָמַר אֲדֹנָי יְהוִה
אוֺי עִיר הַדָּמִים גַּמ־אֲנִי
אַגְדִּיל הַמְּדוּרָה׃
Ez 24.10
הַרְבֵּה הָעֵצִים הַדְלֵק הָאֵשׁ
הָתֵם הַבָּשָׂר וְהַרְקַח הַמֶּרְקָחָה
וְהָעֲצָמוֺת יֵחָרוּ׃
Ez 24.11
וְהַעֲמִידֶהָ עַל־גֶּחָלֶיהָ רֵקָה
לְמַעַן תֵּחַם וְחָרָה נְחֻשְׁתָּהּ
וְנִתְּכָה בְתוֺכָהּ טֻמְאָתָהּ תִּתֻּם
חֶלְאָתָהּ׃
Ez 24.12
תְּאֻנִים הֶלְאָת וְלֹא־תֵצֵא מִמֶּנָּה
רַבַּת חֶלְאָתָהּ בְּאֵשׁ חֶלְאָתָהּ׃
Ez 24.13
בְּטֻמְאָתֵך זִמָּה יַעַן טִהַרְתִּיך
וְלֹא טָהַרְתְּ מִטֻּמְאָתֵך לֹא תִטְהֲרִי־עוֺד
עַד־הֲנִיחִי אֶת־חֲמָתִי בָּך׃
Ez 24.14
אֲנִי יְהוָה דִּבַּרְתִּי בָּאָה וְעָשִׂיתִי
לֹא־אֶפְרַע וְלֹא־אָחוּס וְלֹא
אֶנָּחֵם כִּדְרָכַיִך וְכַעֲלִילוֺתַיִך
שְׁפָטוּך נְאֻם אֲדֹנָי יְהֹוִה׃
ף
Ez 24.15
וַיְהִי דְבַר־יְהוָה אֵלַי לֵאמֹר׃
Ez 24.16
בֶּנ־אָדָם הִנְנִי לֹקֵחַ מִמְּךָ
אֶת־מַחְמַד עֵינֶיךָ בְּמַגֵּפָה וְלֹא
תִסְפֹּד וְלֹא תִבְכֶּה וְלוֺא תָבוֺא
דִּמְעָתֶךָ׃
Ez 24.17
הֵאָנֵק דֹּם מֵתִים אֵבֶל לֹא־תַעֲשֶׂה
פְאֵרְךָ חֲבוֺשׁ עָלֶיךָ וּנְעָלֶיךָ
תָּשִׂים בְּרַגְלֶיךָ וְלֹא תַעְטֶה
עַל־שָׂפָם וְלֶחֶם אֲנָשִׁימלֹא
תֹאכֵל׃
Ez 24.18
וָאֲדַבֵּר אֶל־הָעָם בַּבֹּקֶר וַתָּמָת
אִשְׁתִּי בָּעָרֶב וָאַעַשׂ בַּבֹּקֶר
כַּאֲשֶׁר צֻוֵּיתִי׃
Ez 24.19
וַיֺּאמְרוּ אֵלַי הָעָם הֲלֹא־תַגִּיד
לָנוּ מָה־אֵלֶּה לָּנוּ כִּי אַתָּה
עֹשֶׂה׃
Ez 24.20
וָאֹמַר אֲלֵיהֶם דְּבַר־יְהוָה הָיָה
אֵלַי לֵאמֹר׃
Ez 24.21
אֱמֹר לְבֵית יִשְׂרָאֵל כֹּה־אָמַר
אֲדֹנָי יְהוִה הִנְנִי מְחַלֵּל אֶת־מִקְדָּשִׁי
גְּאוֺן עֻזְּכֶם מַחְמַד עֵינֵיכֶם
וּמַחְמַל נַפְשְׁכֶם וּבְנֵיכֶם וּבְנֺותֵיכֶם
אֲשֶׁר עֲזַבְתֶּם בַּחֶרֶב יִפֹּלוּ׃
Ez 24.22
וַעֲשִׂיתֶם כַּאֲשֶׁר עָשִׂיתִי עַל־שָׂפָם
לֹא תַעְטוּ וְלֶחֶם אֲנָשִׁים לֹא
תֹאכֵלוּ׃
Ez 24.23
וּפְאֵרֵכֶם עַל־רָאשֵׁיכֶם וְנַעֲלֵיכֶם
בְּרַגְלֵיכֶם לֹא תִסְפְּדוּ וְלֹא
תִבְכּוּ וּנְמַקֹּתֶם בַּעֲוֺנֺתֵיכֶם
וּנְהַמְתֶּם אִישׁ אֶל־אָחִיו׃
Ez 24.24
וְהָיָה יְחֶזְקֵאל לָכֶם לְמוֺפֵת
כְּכֹל אֲשֶׁר־עָשָׂה תַּעֲשׂוּ בְּבֹאָהּ
וִידַעְתֶּם כִּי אֲנִי אֲדֹנָי יְהוִה׃
ס
Ez 24.25
וְאַתָּה בֶנ־אָדָם הֲלוֺא בְּיֺום
קַחְתִּי מֵהֶם אֶת־מָעוּזָּם מְשׂוֺשׂ
תִּפְאַרְתָּם אֶת־מַחְמַד עֵינֵיהֶם
וְאֶת־מַשָּׂא נַפְשָׁם בְּנֵיהֶם וּבְנֺותֵיהֶם׃
Ez 24.26
בַּיֺּום הַהוּא יָבוֺא הַפָּלִיט
אֵלֶיךָ לְהַשְׁמָעוּת אָזְנָיִם׃
Ez 24.27
בַּיֺּום הַהוּא יִפָּתַח פִּיךָ אֶת־הַפָּלִיט
וּתְדַבֵּר וְלֹא תֵאָלֵם עוֺד וְהָיִיתָ
לָהֶם לְמוֺפֵת וְיָדְעוּ כִּי־אֲנִי
יְהוָה׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT